YESAYA 48:21 - Alkitab Singog In Mongondow Masa In Tanaa

²¹ Kon tungkuḷ in Sia nodia kon i monia nongin butá inta diá in tonsiungnea, mosia in diábí irumogang. Ki Tuhan in nomotak kon buḷud batu bo nopoiḻig in tubig, nongkon batu pinotampurangnea in tubig kon i monia.

YESAYA 48:21 Mawu Ofanana

NEHEMIA 9:15

Kon tungkuḷ in mosia ginogoi bo kinodaitan in kaanon, roti nongkon ḷangit pinoangoi-Mu. Bo nongkon buḷud batu pinoangoi-Mudon in tubig moḷoben inta mokoguḻí kon yogang. Pinoki ḻitúan-Mu in mosia in butá inta pinodandi-Mu kon inia takin ibot.

NEHEMIA 9:20

Pinongin kawasa-Mu inta mopia sinundú-Mu in mosia. Mosia in nokaan kon Manna bo nonginum kon tubig inta tugat kon i monia.

MAZMUR 105:41

Binotak-Nea in buḷud batu, bo noitampurangdon mangoi in tubig inta noiḻig naonda bo ongkag kon padang gurun.

MAZMUR 74:15

Iko in nopoiḻig in bokaká bo ongkag; ongkag inta moḷoben iningkagan-Mu.

MAZMUR 78:15

Binotak-Nea in buḷud batu kon padang gurun, bo nopoinum kon i monia nodapot in noiḻiu kon noguḻí in rogang.

MAZMUR 78:16

Tombuḷud batu pinotabá-Nea nopoḷuai in tubig, bo nopoiḻig magí in tubig naonda bo ongkag.

MAZMUR 78:20

Totuubí kon binobakan-Nea in buḷud batu inta motogat, dá iḻumuai noitampurang norogot in tubig. Táe mokopooyúon doman degá in Sia kon roti bo mobogoi in ponoyá kon umat-Nea?”

IḶUAIAN 17:6

Akuoi in simindog kon tayowonmu kon tudu in batu moḷoben tobatú kon Buḷud in Sinai. Porotdon in batu tatua, dá tubig in ḷumuai bo intau mita motaaudon monginum.” Inaidan i Musa in natua koonto-ontong in itoi mita Israel.

YESAYA 30:25

Kon singgai benteng mita in musungmu kinopung bo intaunea mita iḻimod, batúan in buḷud bo tombuḷudnea mopoḷuaidon in tapá mita.

YESAYA 49:10

Mosia in diábí morogang andeka gogoyon, bo diábí kotugatan in patú in mata in singgai kon padang gurun. Sin Akuoi, in motabi kon i monia, in modiabí kon i monia, bo modia kon i monia mayá in bokaká mita.

YEREMIA 31:9

Mosia in mayá takin moḷabú in ḷuá, Ḻipoion-Ku bo kapiton-Ku in mosia. Diaan-Ku in mosia mongin tampat mita inta mobayong in tubig, mongin daḷan motondodai inta diá in kopintudan. Kon i Israel, Akuoi in naonda bo ki amá; Epraim in ki adí-Ku ḷoḷaki guya-guyang.”

PINOGIAPAN 20:11

Bo ki Musa notonggó kon tungkud tatua bo nomorot kon buḷud batu tatua kodua. Dá noiroputdon magí in tubig norogot totok, dá bayongan intau bo bobiagon nonginumdon kon tua.