YESAYA 48:19 - Alkitab Singog In Mongondow Masa In Tanaa

¹⁹ Buímu in naonda bo kobayong in bungaion; Akuoi in mojamin kon mosia in diábí kon dodai in onda in yopúon.”

YESAYA 48:19 Mawu Ofanana

KINOBAḺIAN 13:16

Akuoi in mobogoi kon inimu in buí inta totok in mobarong, dapot in diádon tobatúmai intau in mokoiap kon i monia. Ná doman ḷobud inta diá koiapan in intau, yo ná doman tua in buímu mita diá doman koiapan in intau.

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

DATU MITA IMITÁNEA 9:7

dá poguntunon-Ku in umat-Ku Israel nongkon butá inta ain inogoi-Ku kon i monia. Taḷaan-Ku domandon in baḷoi tanaa inta ain sinantú-Ku mobaḻí tampat pososumbaan kon i-Nakó. Kon ondakabí in intau in Israel singkuḻeonbí bo kosingan.

AYUB 5:25

Ki adí bo ki ompumu in diá bidon koiapan, mosia in nádon kobayong in bonok kon rawang.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

MAZMUR 9:5

Sin Iko in nomarenta saḷaku hakim inta moadil; Iko in noduḷudon kon pelekaraku.

YESAYA 10:22

Umpaka intau in Israel tanaa notongkai in kobayongnea in bungaion kon dagat, tongábí tongonumai in mobui mangoi. Hukuman i Tuhan in nodiugdon, bo totuu kon patusbí bo moadil in bangusa tatua in yopúon.

YESAYA 14:22

Ki Tuhan inta Totok in mokawasa noguman, “Akuoi in monububí kon Babel bo monginggamá kon inia. Diábí tobatúmai in posaḷamaton-Ku, nodapot in mongoadí mita diábí pomayá-Ku mako in mobiag. Akuoi, ki Tuhan ain nosingog.

YESAYA 44:3

Sin Akuoi in mopobutakbí in tubig kon butá inta noingkag, bo mopoiḻig in ongkag mita kon butá inta nongoguang. Akuoi in mobogoibí in kawasa-Ku kon buímu, bo momarakat kon adí bo ompumu.

YESAYA 44:4

Mosia in mobiagbí moḷumbá naonda bo bonok kon diug in tubig, naonda bo pangkoi in gandarusa kon bingkí in ongkag.

YESAYA 48:9

Sinagú-Ku in torú-Ku sinbá tangoi-Ku in popotaau. Pinondam-Ku intua kon inimu sinbá iko in diá yopúon.

YESAYA 54:3

Iko in modugangbí mooḷad ná koḷanan bo koḷoigi, ḻitúanbí in intaumu mita in butá in bangusa mita bo mogutun kon kotá mita inta tanaa mako noingongow.

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YESAYA 66:22

Ná ḷangit mobagu bo butá mobagu in monahangbí popisí in kawasa-Ku, natua doman in buímu bo tangoimu in umuranbí oyúon.

YESAYA 9:14

Uḷunea in guhanga mita in ḻipú bo intau mita inta ihoromat, iputnea in nabi mita inta nobogoi in totundú mita inta mokoḷaḻe.

YEREMIA 33:22

Akuoi in modugangbí kon buí in mogogundoi-Ku ki Daud, bo imang mita suku in Lewi, dá kobayong monia in mobaḻídon ná kobayong in bungaion kon pintad bo tundi kon ḷangit inta diá koiapan.”

HOSEA 1:10

Bangusa in Israel in mobaḻíbí ná kobayong in bungaion kon dagat, nodapot in diá koukuran andeka diá koiyapan. Tanaa in ki Allah in noguman kon i monia, “Moiko in deemanbí Umat-Ku,” táe moiangoibí in wakutunea Sia in moguman kon i monia, “Akuoibí in ki Allah inta nobiag bo moiko in ki adí-Ku mita!”

ZEPANYA 1:4

Hukumon-Kubí in intau in Yerusalem bo bayongan in Yohuda. Kiagat mita in pinosumbaan kon Baal in inggamáan-Kubí nongkon tua. Imang mita inta nogundoi kon Baal in ḻiongon bidon totok.

SURAT I PAULUS KON JAMAAT RUM 9:27

Ki Nabi Yesaya nosingog nanaa kon soaḷ intau in Israel, “Umpakabí kobayong in intau Israel ná kobayong in bungaion kon dagat, táe tongábí topiḻik in mosaḷamat;

ULANGAN 9:14

Dika monungkuḷ moḷamboi kon i-Nakó. Yopúon-Kudon in mosia modapot in mosia diádon kotoropan bui. Táe iko in baḻíon-Kudon amá in tobatú bangusa inta moḷobe-ḷoben bo moropo-ropot nongkon i monia.’

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”

RUT 4:10

Koḻikud intua gamáanku domandon in ki Rut, bobay in Moab, ki baḷú i Mahlon tua mobaḻí ki buḷoiku. Sinbá butá tatua in umuran mobaḻí kapunyaan in motoḷuadí in intau inta ain minatoi tua. Bo buínea in umuran doman kon yua-yuak in ginaḷumnea bo kon kotánea. Toropdon Utat mita, singgai in naa moiko komintan in nobaḻí sakusinea.”