YESAYA 48:17 - Alkitab Singog In Mongondow Masa In Tanaa

¹⁷ Guman i Allah mokudus in Israel, Mopoposaḷamatmu, “Akuoibí in ki Tuhan Allahmu, inta notundú kon inimu onu in baraguna kon inimu, bo nodia kon inimu mongin daḷan inta musti bayáanmu.

YESAYA 48:17 Mawu Ofanana

KINOBAḺIAN 24:48

Akuoi in dinumokó nosumba bo nodayow kon i Tuhan, Allah i tuangku Abraham. Sia in bayá-bayádon nodia kon inakó namangoi in naa, kon ginaḷum i tuangku, nodapot in akuoi bayá-bayádon noyodungkuḷ in mongodeaga sin potonibuḷoion kon i adínea.

DATU MITA IMITÁNEA 8:36

igumon mako in nongkon soroga in Iko moibogpa mokidongog kon i monia. Bo ampungaipa kaasí in dosa in umat-Mu Israel bo in datu monia. Tundúdon in mosia momia kon onu inta moitutui. Mopaḷut mako kon tua, o Tuhan, popoangoidon in uyan kon butá-Mu tanaa, butá inta inogoi-Mu kon umat-Mu sin mobaḻí kapunyaan monia mononoi.

AYUB 36:22

Toropdon, ki Allah tua in totuu moḷoben in kawasa-Nea. Oyúon degá in guru ná kotoyang-Nea?

MAZMUR 25:12

Ki Tuhan in motundú kon intau inta mopirisaya in daḷan inta musti bayáan monia.

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

MAZMUR 71:17

O Allah, Iko in notundú kon inakó pinangkoipamai kon akuoi noguodpa, nodapot in tanaa oumanonku in onu inta inaidan-Mu inta mokoherang.

MAZMUR 73:24

Kinapit-Mu in akuoi in tonggina, bo sinarima-Mu in akuoi takin horomat kon singgai moiduduimai.

YESAYA 2:3

mosia komintan in moguman, “Igai in kita mayá motakod kon Buḷud i Tuhan, mayá in baḷoi Allah in Israel. Sia in motundúbí kon i naton onu in musti aidan naton. Kita in dumuduibí kon daḷan-Nea, sin totundú i Tuhan in mamangoi nongkon Yerusalem, Sia in mosingog nongkon Sion.”

YESAYA 28:9

Mosia in moguman nanaa kon inakó, kainia, “Kai niamai sia in motundúbí kon i ine? Ki inepabí doman in moparaḷu kon tosingogonnea? Kai niakamai kita naa in mongoadíbí mointok inta bagu inungkak kon teté?

YESAYA 30:20

Ki Tuhan in nobogoi in wakutu ponungkuḷan kon i monimu inta mobogat sin motundú kon i monimu. Táe tanaa Siadon tontaní in noyotakin monimu dá moiko in mokorasadon kon koangoian-Nea.

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

YESAYA 43:14

Ki Tuhan in mopoposaḷamatmu, Inta Mokudus Israel, noguman, “Popisí in moiko, Akuoi nopotabá in tontara minayá in Babel, bo dinangatan-Ku in bonoboi mita in ngara mita in ponjara; giow mita in intau in Kasdim binaḷuian-Ku nobaḻí amui.

YESAYA 43:16

Ki Tuhan in nomiadon kon daḷan tobatú nongin dagat, nongin tubig inta nobokoḷ.

YESAYA 45:11

Ki Tuhan, Allah mokudus in Israel noguman, “Poḻibódon kon i-Nakó in soaḷ kobiagan moiduduimai. Táe dika moḻibó soaḷ adí-Ku mita, andeka mokiaid in onuka kon i-Nakó.

YESAYA 48:20

Bayádon bo poḷaguidon nongkon Babel, Potaaudon magí-mako in habar tanaa. Potaaudon takin yogiow sanang in gina: “Ki Tuhan in noposaḷamatdon kon Israel, mogogundoi-Nea!

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

YESAYA 54:13

Bayongan in intaumu mobaḻí murí-Ku, mosia in mobiag mooyúon bo motompia.

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

YESAYA 54:8

Tongábí notoyong in Akuoi nonaḷámai kon inimu popisí in torú-Ku inta tumaga-tagab. Táe pinongin tabi mononoi Akuoi in notabi kon inimu.” Natuata in guman i Allah Mopoposaḷamatmu.

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

MIKHA 4:2

mosia komintan in mogumanbí, “Igai in kita motakod kon tombuḷud i Tuhan mayá in Baḷoi i Allah in Israel! Sia in motundúbí kon i naton onu in musti pomiaan naton. Kita in dumuduibí kon daḷan-Nea sin totundú i Tuhan in mamangoibí nongkon Yerusalem; nongkon Sion Sia in mosingog kon umat-Nea.”

YOHANES 6:45

Kon bonu in Buk in nabi mita pinais nanaa: ‘Komintan intau tundúonbí i Allah.’ Dá bayongan intau inta ain nokodongog kon totundú bo nobalajar nongkon i Amá, mamangoibí kon i-Nakó.

EPESUS 4:21

Kinodongogan bidon monimu in soaḷ Sia! Bo saḷaku dumodudui-Nea mita, sinundú domandon kon i monimu in sipat mita i Allah inta oyúon kon i-Nia!

YOSUA 3:4

táe dika totok in dimiug kon Poti tatua, dudui nongkon tuminea tongá sigad monimu dapot in Poti tatua in tongo kilodon in koyayúnea. Dá kotaauandon monimu in daḷan inta bayáan monimu, sin moiko in diápa dodai in onda minayá in butá tanaa.”