YESAYA 47:7 - Alkitab Singog In Mongondow Masa In Tanaa

⁷ Kainimu kamai dá iko in mobaḻíbí bokí kinoouput in kobiagan, bo diábí kinotaauan andeka diá norai kon kopaḷutannea.

YESAYA 47:7 Mawu Ofanana

IḶUAIAN 7:23

Sedang bo sia nobuibí minayá in komaḻig bo diábí nopandung topiḻikmai kon onu inta nobaḻí tatua.

YESAYA 42:25

Dá binaḻí-Nea in kita notarima kon torú-Nea inta motoyang, bo nororiga popisí in parang inta motoyang. Torú-Nea nomokak kon Israel naonda bo tuḷú, táe diá kinotaauan naton, bo diá nobalajar nongkon onu inta ain kinorasaan naton.

YESAYA 47:5

Ki Tuhan in noguman kon Babel, “Kibio-biómaidon, bo tuotdon kon bonu in sindip. Iko in diá bidon bui tangoion ‘Bokí in dodatuan mita.’

YESAYA 57:1

Intau mopia bo motoindudui minatoi, diá in nomangaḻe andeka nonaridimai. Naonda in minatoi, mosia in noiḷagui nongkon bodito bo nogogai takin dame.

YESAYA 57:11

Ki Tuhan in noguman, “Ki ine in dewa mita tatua inta nopobaḻí kon i monimu moondok, dá moiko in monguboḷ bo diádon mokotorop kon i-Nakó? Eta degá moiko in diádon mosumba kon i-Nakó popisí in Akuoi noonggot totok in kibio-biómai?

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

OMBAḶ 1:9

Kinononajisnea in noniatadon táe diábí pinandungneamai in onu inta ain nobaḻí kon inia. Motoyang totok in kinoumpagannea, táe diábí tobatúmai in nopoḻipoi kon inia. Dá nopoigum in sia kon totabi i Tuhan, popisí in musungnea mita in nountungdon.

YEHEZKIEL 28:2

“Ei intau ilo-ilow, potaaudon kon i datu in Tirus, onu inta poguman-Ku, Akuoi ki Tuhan Inta Totok in moḷantud kon inia, ‘Iḷumoḷatú totok in iko in nonganggap kon iko in dewa inta nomarenta kon yua-yuak in dagat. Motaaubí doman iko in tumon dewa, táe toropdon, iko in tongábí intau ilo-ilow.

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

YEHEZKIEL 7:2

“Ei intau inta ilo-ilow, Akuoi, ki Tuhan Inta Totok in moḷantud, in moguman nanaa kon butá in Israel: Naadon in imbuit in ouman kon sinangkub in butá tanaa!”

DANIEL 4:29

Mopuḷú bodoyowá nobuḷan noiduduimai, kon dodai in akuoi nodondaḷoi kon taman kon ḷundukan kon ḻimonik in baḷoi in komaḻigku kon Babel,

DANIEL 4:4

Akuoi in nogutun bo nobiag takin notompia kon bonu in komaḻigku bo nobiag nooyúon totok.

ULANGAN 32:29

Aka kuma bo mosia mobijaksana, momangaḻebí in mosia, bo morai kon kopaḷutan monia.

WAHYU 18:7

Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’