YESAYA 47:1 - Alkitab Singog In Mongondow Masa In Tanaa

¹ Ki Tuhan in noguman, “Ei, Babel, poponagdon nongkon pomomarentaanmu, bo ḻitúdon kon tudu in ḷobud. Iko in diá bidon mosoing bo mopia ná dungkuḷmai.

YESAYA 47:1 Mawu Ofanana

AYUB 2:13

Pitu nosinggai bo pitu nogobii in mosia iḻimitú mako kon butá, kon diugmai i Ayub, takin diá noposingo-singog, sin inontong monia kon totuu mobogat in roriganea.

AYUB 2:8

Bo ki Ayub iḻimitú kon diug in yoyatan, bo nogamá kon bonsig in posilag sin pongukud kon awaknea.

MAZMUR 137:8

Ei Babel, iko in yopúonbí! Pia in kamang in intau inta motuḻí kon inimu aid moraat inta pinopoaidmu kon inami.

MAZMUR 18:27

Iko in moponiata kon intau kon motusi in Iko, táe intau inta moraat in nobaḻí musung-Mu.

MAZMUR 89:44

Nodapot in pakakat in parangnea binaḻí-Mu diá in mangaḻenea, Diábí sinuḷungan-Mu in sia kon bonu in parang.

YESAYA 13:1

Naa in koyow i Allah, inta sinarima i Yesaya adí i Amos soaḷ Babel:

YESAYA 13:13

Baḻíon-Ku in ḷangit gumugur bo butá in moḷundan nongkon kinoḻitúannea kon singgai in Akuoi, ki Tuhan Inta Totok in mokawasa, mopoontong in torú-Ku.

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

YESAYA 21:1

Naa in koyow kon Babel: Ná uḷu in tompot motoninsing moitaḻib kon padang gurun, natuata in koangoi in bodito nongkon butá inta motoyang.

YESAYA 23:12

Guman i Tuhan, “Ei kotá in Sidon! Iko in diá bidon mobarasanang bui. Intaumu mita in dinorotan. Umpaka in mosia noḷagui minayá in Siprus, diábí in mosia moaman.” (

YESAYA 26:5

Ki Tuhan mopoonag kon intau inta moḷoḷatú; Sia in morimumud kon kotá monia inta dininding, bo potondodaion-Nea in butá.

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YESAYA 37:22

ki Tuhan in noguman, “Kotá in Yerusalem kinumosing bo noningkuḻe kon inimu, Sanherib!

YESAYA 52:2

Sindogdon nongkon ḷobud, ei Yerusalem, ponopirdon in ḷobud inta noikompit kon inimu. Ḷuatdon in rante inta pinotokig kon sigogowmu, ei intau in Sion inta dinakop!

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.

YEREMIA 46:11

Ei intau in Mesir, bayádon kon Gilead sin motayak kon undam! Umpaka natua táe diábí in undam inta mokopia kon i monimu.

YEREMIA 48:18

Ei intau in Dibon, poponagdon nongkon tampatmu inta ihoromat; ḻitúdon kon butá bo kon tudu in ḷobud. Sin ki inta momoguyaat kon butámu in noiyaputdon, bo morimumud kon bayongan in dindingmu.

YEREMIA 50:1

Naa in koyow i Tuhan kon inakó soaḷ kotá in Babel bo intau inta nogutun kon bonunea.

YEREMIA 50:42

Mosia in nodia kon piot bo pandong; mosia in morongut bo diábí kotaauan monia in ampung. Nádon gonugur in bokoḷ kon dagat natuata in singog in sioḷ in kabaḷo monia inta moribatuk sin mamangoi monubu kon Babel.

YEREMIA 51:1

Ki Tuhan in noguman, “Popoangoi-Kubí in tompot pomoguyaat inta mogirup mopobayá in Babel bo kon intaunea mita.

YEREMIA 51:33

Diádon moonggot taḷowon in mosia bo ritakan in musung naonda bo gandum kon tampat poḷoḻidokan. Akuoi, ki Tuhan Inta Totok in mokawasa, Allah in Israel, ain nosingog.”

YEREMIA 51:51

Moiko in moguman, ‘Kami in siningkuḻe bo pinokopo oyámai; kami in kinobuḻiandon in pogot popisí in intau mita ango-angoi iḻimitú kon yuang mita motusi kon bonu in Baḷoi i Tuhan.’

OMBAḶ 2:10

Guhanga mita in kotá iḻimitú kon butá bo kibio-biómai; mosia in nopoinggú in ḷobud kon uḷu, bo nomaké in kaeng karong nobaḻí tomponuot kon pinonogumatoian. Mongodeaga mita in kinumuyung nodapot in butá.

OMBAḶ 2:21

Moguyang bo moguod minatoi noitongkob kon daḷan, tayowmobiag bo mongodeaga minatoi sinotad. Kon singgai Iko sinumorú, iratá-Mu in mosia takin diá in tabi.

OMBAḶ 4:5

Mosia inta nobiasa nokaan kon kaanon inta mopia, bo nobiag kon bonu in kaoyúonan, tanaa in kumuádon in motayak kon kaanon kon yoyatan, bo minatoi in gogoy kon daḷan mita.

YEHEZKIEL 26:16

Mokoontong kon ukurmu, datu mita nongkon bangusa mita kon pintad in simindog nongkon pomomarentaan, moḷongkut kon pakeang in datu bo ḷambung monia inta sinomboréan, bo ḻimitú kon butá urot mako. Totokdon in moondok in mosia modapot in diádon moonow.

YEHEZKIEL 28:17

Batanganmu inta mogaga nokoḷoḷatú kon inimu bo kaoyúonanmu nokopopisí kon inimu notombodok. Tuamai pinomobak-Ku in iko kon butá bo binaḻí-Ku tompoingat kon datu mita ibanea.’ ”

YUNUS 3:6

Kon tungkuḷ in datu in Niniwe nokodongog kon habar tatua, ḷagi in sia noponag nongkon ḷoḻitúan pomomarentaannea. Iḷongkutnea in jubah in dodatuannea bo noḷutud kon kaeng karong, bo iḻimitúdon in sia kon tudu in ḷobud.

HAGAI 2:22

dodatuan mita in umpagon-Ku bo kawasa monia in rimumudon-Ku. Kereta mita in parang takin mododianea in tokokaḻintuangon-Ku; bayongan in kabaḷo in matoi bo tumotakoinea in mosiḻimodandon.

WAHYU 18:7

Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’