YESAYA 45:9 - Alkitab Singog In Mongondow Masa In Tanaa

⁹ Moboditodon in intau inta mobobayowan takin i Inta nomaḻí kon inia; sia in naonda bo kuyon inta moḷawang kon intau inta nomia kon inia. Eta degá ḷamentong moḻibó kon mogogaid kon kuyon, “Koyogot mongonu in iko?” Degá kuyon mogamui kon inta nogaid kon inia in diá motaau?

YESAYA 45:9 Mawu Ofanana

AYUB 10:9

Toropdon kon nongkon butá ḷamentong Pinomia-Mu in akuoi! Umpaka yo baḻíon-Mu bui in akuoi ḷobud?

AYUB 33:13

Nongonu sin iko in moponapudbí kon i Allah kon Sia in doí mokidongog kon amui in intau?

AYUB 9:12

Aka Sia in mogagow, yo ki ine in mokobaḻí mogimaḷow kon i-Nia? andeka mokobaḻí moḻibó kon i-Nia, ‘Ei, onu in aidan-Mu?’

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

MOHOHUTUBA 6:10

Bayongan inta oyúon, koyongan bidon noonggot in oyúon. Kinotaauanbí naton kon intau in diábí mokobayow kon intau inta moropo-ropot nongkon inia.

YESAYA 10:15

Táe ki Tuhan in noguman, “Degá motaau in boḻiung in dumodia kon intau inta mopomaké kon inia? Degá garagaji in moponti-ponting in intau inta nopomaké kon inia? Deemanbí bobobak in nobuat kon intau, táe intaubí in motonggó kon bobobak.”

YESAYA 29:16

Bayongan yagi-yagi tuuyon monia. Onda in moponti-ponting, mogogaid kon kuyon butá andeka butá ḷamentong? Degá inta pinomia moguman kon inta nomia kon inia, “Deemanbí iko in nomia kon inakó”. Andeka motaau degá in pakakat tatua moguman kon inia, “Iko in diábí mokopongonu”.

YESAYA 45:10

Moboditodon in intau inta moguman kon guranganea, “Nongonu sin akuoi in pinononggadíbí nanaa?”

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

YESAYA 64:8

Táe Iko, o Tuhan, in ki Amá nami, kami in butá ḷamentong, bo Iko in nomia kon inami; kami komintan in aidbí in ḻima-Mu.

YEREMIA 18:6

“Ei umat-Ku, umpaka dá diá in Akuoi mokoaid kon inimu ná inta inaidan in mogogaid kon kuyon tatua takin butá ḷamentongnea? Naonda bo butá ḷamentong kon ḻima in mogogaid kon kuyon, natua doman moiko in kon bonu in kawasa-Ku.

YEREMIA 36:29

Ki Tuhan in nopotabá kon inakó moguman nanaa kon i datu, “Iko in notubádon kon ḻitodan in buk tatua, bo iko in noḻibó kon i Yeremia nongonu sin sia in nomaisbí kon ki datu in Babel in mamangoi bo morimumud kon butá tanaa poḷat moḻimod kon intau inta nogutun kon naa takin bobiagonnea mita.

YEREMIA 50:24

Ki Tuhan in noguman, “Babel, sinayowanmu in Akuoi, tuamai iko in noibaaḷ kon potait inta sinaan-Ku kon inimu, táe diábí kinomangaḻeanmu intua.

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

KORINTUS 1 10:22

Ande degá mopoterengbí kon i Tuhan? Eta kita in moropo-ropot in ki Tuhan?