YESAYA 45:8 - Alkitab Singog In Mongondow Masa In Tanaa

⁸ Nongkon ḷangit pinoonag-Ku in kauntungan naonda bo uyan, butá noibog in notarima kon tua, bo nopomuká in kasaḷamatan bo kabebasan; Akuoi ki Tuhan inta nopobaḻí intua.”

YESAYA 45:8 Mawu Ofanana

DATU MITA 2 19:25

Degá diápa dodai in onda in iko nokodongog kon bayongan intua in aindon sinomayá-Ku nongkon dungkuḷpamai? Bo tanaa in aidan-Kudon. Akuoibí in nobogoi in kawasa kon inimu sin morimumud kon kotá mita inta oyúon in poḷoḷukadan nobaḻídon utag.

MAZMUR 68:8

O Allah, kon tungkuḷ in kinapit-Mu in umat-Mu minayá nongin rawang inta noingkag,

MAZMUR 72:3

Igumon mako butá nami in motomoman bo mobiag motompia, bo inta moadil oyúon kon bayongan in bangusa.

MAZMUR 72:6

Igumon mako sia in naonda bo uyan inta noḷabú kon rawang, naonda bo uyan morogot inta nomuntad kon gobá mita.

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

YESAYA 32:15

Táe komintanpa doman ki Allah in mamangoibí takin kawasa-Nea. Dá padang gurun in mobaḻídon gobá mita inta moḷumbá, bo gobá mita in mobaḻídon naonda bo kayuon.

YESAYA 4:2

Moiangoibí in wakutunea pomiaan i Tuhan in bayongan pinomuḷa bo pangkoi in kayu mobiag moḷoben bo mogaga kon ḻipú tanaa. Kon singgai tatua intau in Israel inta mosaḷamat in mokorasabí kon pia bo ḷunganga in gina popisí in bungai in pinomuḷa.

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

YESAYA 44:3

Sin Akuoi in mopobutakbí in tubig kon butá inta noingkag, bo mopoiḻig in ongkag mita kon butá inta nongoguang. Akuoi in mobogoibí in kawasa-Ku kon buímu, bo momarakat kon adí bo ompumu.

YESAYA 46:13

Akuoi in mopodiug bidon kon singgai popoḷuatan, kasaḷamatan inta ogoi-Ku in diá bidon mobaḷui. Akuoi in moposaḷamatbí kon Yerusalem, bo mobogoi in kahoromatan kon Israel.”

YESAYA 48:18

Aka kuma bo iko noindoimai kon parenta-Ku mita, dá kobiaganmu motompia in naonda bo ongkag inta diá moingka-ingkag, bo kamujuranmu in naonda bo bokoḷ kon dagat inta diá mogoga-gogai.

YESAYA 53:2

Ki Tuhan in moibog kon bobantung-Nea tua in naonda bo tokat inta nobiag kon butá inta diádon notoḷubú. Diábí in mogaga in kon inia in indoian naton; diábí in mokoangá inta koibog naton.

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YESAYA 61:11

Naonda bo bibit inta inambor mobiag mobaḻí pinomuḷa, natuata in ki Tuhan Allah nopobiag in kasaḷamatan bo bayongan in bangusa modayow kon i-Nia.”

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YESAYA 66:22

Ná ḷangit mobagu bo butá mobagu in monahangbí popisí in kawasa-Ku, natua doman in buímu bo tangoimu in umuranbí oyúon.

YEREMIA 31:22

Modapot in toonu moḻia-ḻiaw in ginamu, ei bangusa inta diá motoindudui kon i-Nakó? Akuoi in nomaḻídon kon inta mobagu kon dunia, tobatú inta diá notombuḷoi – naonda bo bobay diá motombuḷoi in moḷukad kon ḷoḷaki.”

YEHEZKIEL 34:26

Barakatan-Kudon in mosia bo ogoi-Ku in mosia mogutun kon diug in tombuḷud-Ku inta motusi. Mosia in ogoian-Ku in uyan aka moibog in mosia.

HOSEA 10:12

Akuoi in moguman, ‘Ei Israel! Bukádon in gobá mobagu kon inimu, ponimboidon in bibit in kooadil, bo koyutdon in barakat inta pinomungai in tabimu inta totu-totuu kon i-Nakó. Sin, wakutuneadon iko in motayak kon i-Nakó, ki Tuhanmu. Akuoi in mamangoibí bo mopoinggú in barakat-Ku kon inimu.’

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.

OUMAN IN RASUL MITA 2:33

Sia biningkat bo inogoian in tampat pomomarentaan inta moḷantud, bo inogoian i Allah in kawasa, bo notarima kon Roho i Allah inta ain pinodandi tua, bo Roho doman tatua in inogoi-Nea kon inami naa, tuata inta inontong bo dinongog monimu kon naa,

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

EPESUS 4:24

Bo kobiagdon in moiko saḷaku intau mobagu inta pinomia podudui in ibog i Allah, inta moibog dinumudui kon tabiat moitutui, motuḻid bo motusi.