YESAYA 45:7 - Alkitab Singog In Mongondow Masa In Tanaa

⁷ Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

YESAYA 45:7 Mawu Ofanana

DATU MITA 2 19:25

Degá diápa dodai in onda in iko nokodongog kon bayongan intua in aindon sinomayá-Ku nongkon dungkuḷpamai? Bo tanaa in aidan-Kudon. Akuoibí in nobogoi in kawasa kon inimu sin morimumud kon kotá mita inta oyúon in poḷoḷukadan nobaḻídon utag.

AYUB 10:13

Táe tanaa in kinotaauankudon kon tua in kino oonggot, inumuni-uni aindon pinomia-Mu in boditoku.

AYUB 2:10

Tubag i Ayub, “Iko nion in mosingogbí naonda bo intau dondunguḷ! Umpaka yo tongábí in kita moibog motarima kon onu inta mopia nongkon i Allah, bo inta diá mopia in diábí tarimaan naton?” Dá, umpakabí in ki Ayub kinoantugandon in bayongan bodito tatua, diábí in sia nopoyaput in tosingogon moḷawang kon i Allah.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

MAZMUR 105:28

bo mosia in motoindudui kon parenta-Nea. Bo binaḻí i Tuhan in butá tatua sinimindip komintan.

MAZMUR 29:11

Igumon mako ki Tuhan mobogoi in ropot kon umat-Nea, bo nopomia kon i monia mobiag motompia.

MAZMUR 74:16

Ikobí in nomaḻí kon singgai bo doḷom, bo nonantú kon tampat in mata in singgai bo buḷan.

MAZMUR 75:7

Sin pohakiman in diábí mamangoi nongkon pomukaan andeka toyopan deemanbí doman nongkon utuan andeka toḷatan.

MAZMUR 8:3

podondong in mongoadí mita bo adí mita mointok. Pomarentaan-Mu in moroton bo diá motundan sin momompon kon bibig in musung bo saturu.

IḶUAIAN 14:20

kon sigadon in tontara mita in Mesir bo intau mita Israel. Goḷom tatua nokopomukádon kon sindip, dá tonggobii tua doyowa nopaanan tatua diá motaau mosidiugan.

YESAYA 31:2

Ki Tuhan mobijaksana bo kotaauan-Nea onu in aidan. Sia in mopoangoi in bodito bo mopobayá in onu inta pinogogondok-Nea sin mohukum kon intau moraat bo intau inta motuḷung kon i monia.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

YESAYA 47:11

Táe iko in koantuganbí in bodito, totaau in sihirmu diábí mokopoḷagui kon inia. Iko in angoionbí in bodito, bo diábí mokotongod in monayow. Koyopúan in daḻídon moiangoi, bo diábí muna kinoraianmu.

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YEREMIA 31:35

Mata in singgai sinadia i Tuhan sin monimbayag kon tungkuḷ in singgai; buḷan bo tundi mita in monimbayag kon tungkuḷ in doḷom. Dagat in kinaui-Nea dá mobokoḷ monomburá, Ki Tuhan Inta Totok in mokawasa, tuata in tangoi-Nea.

YEREMIA 51:20

Ki Tuhan in noguman, “Babel, iko in nádon onda bo bobibil, pakakat-Ku pakéon moparang. Iko in pakéon-Ku sin pobibil kon bangusa mita bo dodatuan mita.

OMBAḶ 3:38

Mopia bo moraat pinobayá tongábí moidoyon kon parenta i Tuhan.

YEHEZKIEL 32:8

Totuu, bayongan in bayag kon ḷangit in piongan-Kubí, bo dunia in baḻíon-Kubí sindip totok. Akuoi, ki Tuhan Inta Totok in moḷantud ain nosingog.

DANIEL 2:22

Siabí doman inta nobuká kon onu inta noibuni totok. Kinotaauan-Nea in bayongan inta nobaḻí kon bonu in sindip. Sia in binakut in sindar inta mobayag.

YOËL 2:2

Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

AMOS 4:13

Buḷud bo tompot, ki Tuhanbí in nomaḻí; tomayá-Nea in pinoniata-Nea kon intau. Sia in nomia kon singgai bo doḷom; kon popod mita in butá Sia in nodondaḷoi, Ki Tuhan Allah Inta Totok in mokawasa, tuata in tangoi-Nea.

AMOS 5:6

Pobuidon mangoi kon i Tuhan, dá moiko in mobiagbí. Aka moiko mobui mangoi kon i-Nia, Sia in mamangoibí naonda bo tuḷú inta ḷumekep bo momagong kon bayongan intau in Israel. Kon Betel diábí tobatúmai in intau in mokopiong kon tuḷú tatua.

NAHUM 1:8

Naonda bo ḷunud moḷoben inta mondangat, rimumudon-Nea in musung-Nea mita. Mosia inta mokobaḻí moḷawang kon i-Nia inandur-Nea in popatoi nodapot in noyopú.

OUMAN IN RASUL MITA 4:28

Mosia in notobatú in nogaid kon yagi-yagi, inta munadon sinantú-Mu kon mobaḻí. Bo sinantú-Mu intua pinodudui in kawasa bo ibog-Mu tontaní.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.

YUDAS 1:6

Torop domandon in malaekat mita inta iḻimimpat kon kawasa inta inogoi kon i monia, sahingga in minayá nonaḷámaidon kon tampat pogogutunan monia. Mosia tua in sinoko togot i Allah in rante inta diá mobonto-bontow kon bonu in tampat inta mosindip kon ḻimonag in butá. Mosia in umuranpabí sinahang kon tua modapot in hukuman popoḷabúdon kon i monia kon Singgai inta ponantúandon.