YESAYA 45:5 - Alkitab Singog In Mongondow Masa In Tanaa

⁵ Akuoibí naa in Tuhan, diábí in ibanea mako, Akuoi in Allah inta diá in toḻinduanea. Iko in ain sinon pakakatan-Ku, umpakabí diá kinotaauanmu in Akuoi.

YESAYA 45:5 Mawu Ofanana

DATU MITA IMITÁNEA 8:60

Pongin natua dá bayongan in bangusa kon dunia in monotaaudon kon tongábí ki Tuhan tontaní in Allah, diábí in ibanea mako.

EZRA 1:2

“Naa in parenta i Kores, datu in Persia. Ki Tuhan, Allah inta nongawasa kon soroga ain nomaḻí kon inakó datu kon sinangkup in dunia, bo nopotabá kon inakó moposindog in baḷoi kon i-Nia kon Yerusalem kon butá in Yohuda.

AYUB 12:18

Iḻitoi-Nea in datu bo dinakop-Nea in mosia;

AYUB 12:21

Pinokopo oyá-Neamai in intau inta ihoromatmai; ginamá-Nea in hak monia mongawasa.

MAZMUR 18:31

Oaid i Allah in nosompurna dandi i Tuhan motaau pirisayaan. Sia in naonda bo kaḻeaw kon bayongan in intau inta namangoi kon i-Nia.

MAZMUR 18:32

Sin tongábí ki Tuhan in Allah; Tongábí ki Allah in mododuḷu naton.

MAZMUR 18:33

Sia tua in ki Allah inta nobogoi in ropot kon inakó bo nopoodom kon daḷanku.

MAZMUR 18:39

Pomobakku in mosia modapot in diádon mokobangon bui, mosia in moobat diádon mokopongonu kon tayowon in sioḷku.

MAZMUR 86:10

Sin Iko in motorindog bo nogaid kon inta mokoherang mita, tongábí Iko in Allah.

IḶUAIAN 9:14

Sin tanaa Akuoi in mopoangoidon bui in bodito inta deemandon tongá kon pogawai mita bo rayat, táe kon inimu domandon, sinbá kotaauanmu kon diábí in mokoḻiu monik kon i-Nakó in kon dunia naa.

YESAYA 22:21

Ḷambung in jabatanmu bo togot in ogotanmu popopaké-Kudon kon inia. Bayongan in kawasamu ogoi-Kudon kon inia. Sia in mobaḻídon amá kon intau inta nogutun kon Yerusalem bo Yohuda.

YESAYA 37:20

Oo, ki Tuhan Allah nami, poḷuatdon in kami nongkon intau mita in Asyur tatua sinbá bayongan in bangusa kon dunia naa monotaau kon tongábí Iko in Tuhan.”

YESAYA 43:10

Ei umat-Ku, moikobí in sakusi-Ku mita, moiko in piniḻí-Ku nobaḻí mogogundoi-Ku mita, sinbá monotaaudon kon i-Nakó bo mopirisaya kon i-Nakó, bo momangaḻedon kon Akuoibí naa in Allah. Akuoi in Allah inta totobatú tua. Diábí in ibanea mako in noiuna bo inta moiduduimai kon i-Nakó.

YESAYA 44:6

Naa in guman i Tuhan Inta Totok in Mokawasa, Datu bo moḷoḷukad in Israel, “Akuoi in Allah inta tongá totobatú, Inta muna-munamai bo inta imbuitnea totok.

YESAYA 44:8

Bangusa-Ku, dika moondok andeka moitaḻikokog; sin nongkon dungkuḷmaipabí nodapot in tanaa Akuoi in nonoḻindapdon kon onu in mobaḻí? Moiko in sakusi-Ku mita. Moḷoḷukad ibanea in diábí bo diábí kinotaauan-Ku.”

YESAYA 45:1

Ki Tuhan in nomiḻídon kon i Kores nobaḻí datu; sia in sinundú sin monaḷow kon bangusa mita bo momutoḷ kon kawasa in datu mita. Ki Tuhan in momukatbí kon bonawang mita in kotá tuotannea, diábí tobatúmai in pomayá mako moiḻingkop. Ki Tuhan in moguman kon inia,

YESAYA 45:6

Tua komintan in inaidan-Ku sinbá nongkon dotá pomukaan modapot kon dotá in toyopan bayongan in intau monotaau kon Akuoibí in Tuhan, diábí in ilah koḻikudbí in Akuoi.

YESAYA 46:9

Toropdon in inta nongobaḻí dungkuḷmai; Akudon kon Akuoi in Allah, bo diábí in ibanea mako, Akuoi in Allah, bo diábí in ná Akuoi.

YESAYA 47:8

Tuamai in indongogaidon in Akuoi, ei iko inta moibog momatuk kon kasanangan! Kainimu kamai dá moamanbí in kobiaganmu, bo diábí in ná iko. Kainimu kamai dá iko in diábí mobaḻí dongkadon boba-bobay, bo buímu in diá moyopú.

YEHEZKIEL 30:24

Bo irotonan-Ku in kokaḷ i datu in Babel, bo popokadai-Ku kon ḻimanea in kedang-Ku. Táe kokaḷ i datu in Mesir in putoḷon-Kubí dá kumarak in sia bo matoi kon tayowon i datu in Babel, musungnea.

YOËL 2:27

Dá kotaauandon monimu, Israel, kon Akuoi in kon yua-yuakmubí, bo Akuoi, ki Tuhan, in ki Allahmu. Diábí in Allah ibanea, koḻikudbí in Akuoi tontaní. Umat-Ku in diá bidon pokopooyáanmai bui!”

YOHANES 1:1

Nongkon pinomangkoianpamai, wakutu in dunia naa diápa pinomia, Pirman i Allah tatua in koyongan bidon oyúon. Pirman i Allah tatua in koyotaki-takin i Allah, bo Sia-Siakabí in ki Allah.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

ULANGAN 4:35

Tua komintan pinoontong i Tuhan kon inimu sin moponiata kon tongábí ki Tuhan tua in Allah, bo diábí in ibanea mako.

ULANGAN 4:39

Tuamai kosadardon in singgai naa bo dika koḻiongan: ki Tuhan in tongábí Sia tua in ki Allah kon ḷangit bo kon dunia; diábí in ibanea mako.