YESAYA 44:9 - Alkitab Singog In Mongondow Masa In Tanaa

⁹ Intau mita inta nogaid kon patong berhala tua in diábí in mangaḻenea, bo dewa mita inta sinumba monia tua diá in baragunanea. Intau mita inta mosumba kon patong tatua in bilog bo diá nonotaau in onu bo onu, tuamai mosia in mooyábí.

YESAYA 44:9 Mawu Ofanana

DATU MITA 2 19:18

Dewa mita in sinurub doman bo irimumud, sin dewa mita tatua in totuubí kon diá in kawasa. Mosia tua in tongábí patong nongkon kayu bo batu pinomia in intau.

MAZMUR 115:4

Berhala monia in pinomia nongkon buḷawan bo saḷaka, ḻima in intau in nomia.

MAZMUR 115:8

Igumon mako natua in ukur in intau mita inta nomia kon tua, bo bayongan in intau inta mopirisaya kon inia.

MAZMUR 135:18

Igumon mako natua in ukur in intau mita inta nomia kon tua, bo inta mopirisaya kon inia.

MAZMUR 97:7

Bayongan in intau inta mosumba kon berhala in pokopooyáanbímai, inta nopoyunggaga kon pakakat mita inta diá in mangaḻenea; bayongan in dewa in dumokóbí kon tayowon i Tuhan.

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

YESAYA 41:24

Totuu, moiko bo oaidmu in diábí, bo mososumbamu in tongábí mokorongó.

YESAYA 41:29

Totuu, dewa mita tatua diá in baragunanea, mosia tua in tongábí patong pinomia inta diá kodaya, bo diábí mokoaid kon onu bo onu.”

YESAYA 42:17

Intau inta mopirisaya kon patong berhala bo akúon monia nobaḻí ilah monia, in poompáanmai bo pokopooyáanmai.”

YESAYA 42:18

Ki Tuhan in noguman, “Indongogaidon ei intau mita bongoḷ! Indoiaidon, ei intau mita bilog!

YESAYA 43:8

Ki Allah in noguman, “Potabádon in mosia mamangoi in muna bangusa-Ku inta bilog, umpaka komata; inta bongoḷ, umpaka kobongoḷan.

YESAYA 43:9

Potabádon in bayongan bangusa moyosipun bo bayongan in suku moyodondon. Ki ine in kon sigad in dewa mita monia in nopotaaudon muna kon onu inta nobaḻí tanaa? Ki ine in kon sigad monia in mokotoḻindap kon kobiagan moiduduimai? Pomayádon mako in sakusi mita monia mamangoi in muna, bo moponiata kon mosia in totuu, sinbá bayongan inta nokodongog kon i monia in moguman, kon totuubí in natua!

YESAYA 44:11

Totuu, bayongan in intau inta nosumba kon patong in mooyábí. Intau inta nogaid kon patong tua in intaubí doman biasa. Pokisindogaidon in mosia moyotakin; yo notantú bidon kon mosia in moondokbí bo mooyá.

YESAYA 44:18

Totuu mobodok in intau mita ná tatua! Mosia in momilog kon mata bo gina monia dá diá momangaḻe kon onu bo onu.

YESAYA 44:20

Aid natua in notongkaibí in nokaan kon ḷobud. Intau tatua in pinoḷaḻe in raiannea inta bodok, nodapot in sia in diádon kinotuḷungan bui. Sia in diábí mokopongaku kon patong inta kinadaiannea tatua in tongábí pongakaḷ.

YESAYA 45:16

Bayongan in intau inta nogaid kon patong berhala; in pokopooyáanbímai bo singkuḻeon.

YESAYA 45:20

Ki Tuhan in noguman, “Poyosipundon bo angoidon moyotakin, moiko komintan inta nosaḷamat kon sigad in bangusa mita! Bodokdon in intau mita inta nongurig kon patong kayu, bo nosambayang kon dewa mita inta diá mokoposaḷamat.

YESAYA 57:12

Táe Akuoi in mopotaau kon inimu; kotoḷutuimu tatua in diábí totuu, bo bayongan in aidmu tatua in diábí in baragunanea kon inimu.

YESAYA 65:13

Totuu, intau inta mosumba kon i-Nakó in mongaanbí táe moiko in koaputanbí in gogoy. Mosia in monginumbí, táe moiko in koaputan in rogang, mosia in moḷunganga, táe moiko in pokopooyáanmai.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YEREMIA 2:11

Diápabí nokoimontanmai in bangusa tobatú in noponoḻiu in ilahnea umpaka tua deeman Allah totu-totuu. Táe, umat-Ku in noponoḻiudon kon i-Nakó, inta mokoyunggagá kon i monia sinoḻiuan monia in ibanea mako inta diá mokoaid kon onu bo onu.

YEREMIA 2:26

Ki Tuhan in noguman, “Naonda bo mononakow inangoian in oyá naonda in kinodomokan, natuata in moiko komintan in mooyábí doman, ei intau in Israel, datu mita bo intaumu mita moḷoben, imang mita bo nabimu mita!

DANIEL 11:38

Noyotoḻikudon intua, sia in mohoromatbí kon dewa inta diápa kon dodai in onda in sinumba in mogoguyangnea, ná dewa moḷoḷukad kon tondok dinding mita. Sia in moposumbabí in buḷawan, saḷaka, permata bo sosumba mita inta nopia totok ibanea kon dewa inta diápa kon dodai in onda in sinumba in mogoguyangnea.

DANIEL 5:23

Ki Tuangku in dinumodia kon i Tuhan kon soroga bo nokobaḻí nokidia mangoi kon naa in bayongan palo mita inta ain inagow nongkon Baḷoi i Tuhan. Bo ki Tuangku takin intau mita moḷoben, bo ki buḷoi mita i Tuangku takin pahang mita i Tuangku in nonginum nomaké in palo mita tatua. Ki Tuangku in nodayow kon dewa mita inta pinomia nongkon buḷawan, saḷaka, bitú, uatoi, kayu bo batu, dewa mita inta diá mokoontong andeka mokodongog andeka momangaḻe kon onuka. Ki Tuangku in diá mohoromat kon i Allah inta nonantú kon kobiagan bo kopatoian i Tuangku bo inta monantú kon daḷan kobiagan i Tuangku.

SURAT I PAULUS KON JAMAAT RUM 1:22

Iraimai monia mobijaksana bidon in mosia, bokaka mosia tua in nobodokbí.

KORINTUS 1 8:4

Yo soaḷ mokaan kon kaanon inta ain pinosumba kon berhala, sabanarnea in kinotaauanbí naton kon berhala tua in diábí onda. Sin kinotaauanbí doman naton kon tongábí tobatú in ki Allah; diábí in ibanea mako.

KORINTUS 2 4:4

Sin ilah moraat inta mongawasa kon dunia naa in tantú mogoḻingoi kon raian in intau mita inta diá mopirisaya. Siabí tua in tantú mogoḻingoi kon i monia sinbá diá mokoontong kon bayag in Habar Mopia soaḷ kawasa i Kristus inta moḷoben, inta nobaḻí oḻinow i Allah.

EPESUS 4:18

Raian monia tua in nosindipdon. Diábí kinotaauan monia in kobiagan inta inogoi i Allah, sin mosia in beresibí diá nonotaau in onu bo onu soaḷ ki Allah. Natua in mosia sin gina in motogat.

EPESUS 5:8

Moikopa tontaní koḻipod in mobiag doman kon sindip. Táe tanaa moiko in nobaḻídon umat i Tuhan, mangaḻenea kon tua, moiko in kon bonudon in bayag. Tuamai moiko in mustidon mobiag kon bonu in bayag.

ULANGAN 27:15

Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’

ULANGAN 4:28

Kon tua moiko in mogundoi kon ilah mita inta pinomia in intau, ilah mita inta nongkon kayu bo batu inta diá mokoontong bo diá mokodongog, diá motaau mongaan ande diá mokobó.

HAKIM MITA 10:14

Bayádon kon dewa mita inta piniḻí monimu tatua. Pokuanidon kon i monia! Bio-biódon mako bá mosiadon in motuḷung kon dodai in moiko mobiag mororiga.”