YESAYA 44:5 - Alkitab Singog In Mongondow Masa In Tanaa

⁵ Mopobatu-batúandon inta mongaku kon Akuoi in kitogi kon inia, bo mamangoi dumugang kon buí i Yakub. Mopobatu-batu in momais kon ḻimanea: Kapunyaan i Tuhan, bo tumangoi noituot kon umat i Allah.”

YESAYA 44:5 Mawu Ofanana

TAWARIKH 2 36:23

“Naadon in parenta i Kores, datu in Persia! Ki Tuhan Allah inta nongawasa kon soroga nopobaḻídon kon inakó datu kon sinangkub in dunia, bo nopotabádon kon inakó sin moposindog in baḷoi kon i-Nia kon Yerusalem kon butá in Yohuda. Dá, moiko komintan inta nobaḻí umat i Allah in mustibí mobui kon tua! Igumon mako ki Tuhan Allahmu moḷukad kon i monimu.”

NEHEMIA 9:38

Pinodoyon kon bayongan inta nobaḻí tatua, kami rayat in Israel nomia kon dodandian inta moroton bo pinais, bo cinapan in itoi mita, intau mita in Lewi bo imang nami tobatú.

MAZMUR 116:16

Akuoi naa in mogogundoi-Mu, o Tuhan, naonda bo ki ináku, akuoi in mogundoi doman kon ini-Mu Iko in nopoḷuatdon kon inakó nongkon ponjara.

IḶUAIAN 13:9

Porayaan tanaa nobaḻí tompoingat kon inimu ná tomponuot inta pinopotogot kon ḻima ande kon pogotmu. Porayaan tanaa moponorop kon i monimu sinbá umuran moposingog bo monotaau kon hukum mita i Tuhan, sin ki Tuhan nopoḷuaidon kon i monimu nongkon Mesir takin kawasa-Nea inta moḷoben.

YESAYA 2:3

mosia komintan in moguman, “Igai in kita mayá motakod kon Buḷud i Tuhan, mayá in baḷoi Allah in Israel. Sia in motundúbí kon i naton onu in musti aidan naton. Kita in dumuduibí kon daḷan-Nea, sin totundú i Tuhan in mamangoi nongkon Yerusalem, Sia in mosingog nongkon Sion.”

YEREMIA 50:5

Mosia in moḻibóbí kon daḷan mopobayá in Sion, bodongka mayá ná tua. Mosia in mogaidbí kon dodandian mononoi takin-Ku, bo umuranbí kumadai.

MIKHA 4:2

mosia komintan in mogumanbí, “Igai in kita motakod kon tombuḷud i Tuhan mayá in Baḷoi i Allah in Israel! Sia in motundúbí kon i naton onu in musti pomiaan naton. Kita in dumuduibí kon daḷan-Nea sin totundú i Tuhan in mamangoibí nongkon Yerusalem; nongkon Sion Sia in mosingog kon umat-Nea.”

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

KORINTUS 2 8:5

Bo mosia ain nobogoi kon noiḻiu totok kon onu inta sinakuser nami. Muna-munamai mosia in noposarakan in awak monia kon i Allah, onda intua kon i nami, podudui kon inta kinoibog i Allah.

GALATIA 6:16

Kon bayongan intau inta umuranpa nokadai kon atorang tatua bo bayongan doman intau inta dinumudui kon ibog i Allah, umuran igumonku mako sinbá ki Allah in mobogoi in kobiagan motompia bo barakat-Nea.

GALATIA 6:17

Moiduduimai kon tua, poigumanku doman, sinbá diá tobatúmai intau in moposusamai kon inakó bui. Sin kon awakku naa in oyúonbí in tanda kon akuoi naa in dumoduduibí i Yesus.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.