YESAYA 44:3 - Alkitab Singog In Mongondow Masa In Tanaa

³ Sin Akuoi in mopobutakbí in tubig kon butá inta noingkag, bo mopoiḻig in ongkag mita kon butá inta nongoguang. Akuoi in mobogoibí in kawasa-Ku kon buímu, bo momarakat kon adí bo ompumu.

YESAYA 44:3 Mawu Ofanana

AYUB 5:25

Ki adí bo ki ompumu in diá bidon koiapan, mosia in nádon kobayong in bonok kon rawang.

MAZMUR 107:35

Padang gurun binaḻí-Nea tabang, butá noingkag binaḻí bokaká.

MAZMUR 63:1

Mazmur i Daud, kon tungkuḷ in sia kon padang gurun Yohuda.

AMSAL 1:23

Indongogai in akuoi aka monoboḷow kon inimu, sinbá poniataku kon inimu onu inta kon bonu in ginaku bo tundúonku onu inta sinotaauku.

YESAYA 27:3

Akuoi, ki Tuhan, moḷoḷukad-Nea; pomuḷoi mako butakanku intua, singgai doḷom ḷukadanku intua, sinbá diá in monuyayow kon inia.

YESAYA 32:15

Táe komintanpa doman ki Allah in mamangoibí takin kawasa-Nea. Dá padang gurun in mobaḻídon gobá mita inta moḷumbá, bo gobá mita in mobaḻídon naonda bo kayuon.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

YESAYA 41:17

Aka bangusaku inta noiḷaḻe tua motayak kon tubig, bo sigogow monia in moingkag popisí in morogang, dá Akuoi, ki Tuhan, in motubagbí kon sambayang monia; Allah in Israel in diábí monaḷámai kon umat-Nea.

YESAYA 48:19

Buímu in naonda bo kobayong in bungaion; Akuoi in mojamin kon mosia in diábí kon dodai in onda in yopúon.”

YESAYA 48:21

Kon tungkuḷ in Sia nodia kon i monia nongin butá inta diá in tonsiungnea, mosia in diábí irumogang. Ki Tuhan in nomotak kon buḷud batu bo nopoiḻig in tubig, nongkon batu pinotampurangnea in tubig kon i monia.

YESAYA 49:10

Mosia in diábí morogang andeka gogoyon, bo diábí kotugatan in patú in mata in singgai kon padang gurun. Sin Akuoi, in motabi kon i monia, in modiabí kon i monia, bo modia kon i monia mayá in bokaká mita.

YESAYA 55:1

KI Tuhan in noguman, “Igaidon in moiko komintan inta morogang, ponginumdon, tubig in sinadiadon. Angoidon in moiko inta diá kodoit, tarimadon in gandum inta diábí uboḻian, bo kaandon! Anggur bo susu in sinadiadon, tarimadon mako diábí uboḻian.

YESAYA 59:21

Akuoi in momia kon dodandian takin i monimu: Moiko in ogoian-Ku in kawasa-Ku bo totundú-Ku modapot in mononoi. Tundúdon kon i adímu mita sinbá mosia in motaau doman motundú kon tua kon adí bo ompu tanaa mako modapot in mononoi.”

YESAYA 61:9

Buímu in ponango-nangoianbí kon bayongan in tampat, kotaauan kon sigad in bangusa mita. Dá bayongan in intau inta mokoontong kon inia in mongakubí kon bangusa tanaa in binarakatan-Ku.”

YESAYA 65:23

Bayongan inta aidan monia in kodapotanbí, bo ki adí mita monia in diábí daḻi-daḻí matoi. Mosia bo buí monia in barakatan-Ku modapot in mononoi.

YEHEZKIEL 34:26

Barakatan-Kudon in mosia bo ogoi-Ku in mosia mogutun kon diug in tombuḷud-Ku inta motusi. Mosia in ogoian-Ku in uyan aka moibog in mosia.

YEHEZKIEL 36:27

Roho-Ku in popogonú-Ku kon bonu in ginamu bo ḷukadan-Ku in moiko sinbá mobiag podudui in hukum-Ku mita poḷat motoindudui kon bayongan in parenta-Ku.

YEHEZKIEL 39:29

Akuoi in mopogonúbí in Roho-Ku kon bangusa in Israel, bo diá bidon monaḷámai bui kon i monia. Akuoi, ki Tuhan, Inta Totok in moḷantud ain nosingog.”

YEHEZKIEL 47:8

Sia in noguman kon inakó, “Ongkag tanaa in moiḻig mopobayá in pomukaan mongin butá tanaa bo mongin Ḷopá in Ongkag in Yordan mopobayá in Laut Mati. Aka tubignea moidapotdon in Laut Mati, dá tubig in dagat inta noibung tatua baḷuiannea in tubig inta notoḷang.

HOSEA 10:12

Akuoi in moguman, ‘Ei Israel! Bukádon in gobá mobagu kon inimu, ponimboidon in bibit in kooadil, bo koyutdon in barakat inta pinomungai in tabimu inta totu-totuu kon i-Nakó. Sin, wakutuneadon iko in motayak kon i-Nakó, ki Tuhanmu. Akuoi in mamangoibí bo mopoinggú in barakat-Ku kon inimu.’

YOËL 2:27

Dá kotaauandon monimu, Israel, kon Akuoi in kon yua-yuakmubí, bo Akuoi, ki Tuhan, in ki Allahmu. Diábí in Allah ibanea, koḻikudbí in Akuoi tontaní. Umat-Ku in diá bidon pokopooyáanmai bui!”

YOËL 2:28

“Kon singgai moiduduimai bayongan in intau in ogoian-Kudon in roho-Ku. Dá ki adímu ḷoḷaki bo bobay in mopotaaudon in koyow-Ku mita; intau mita inta noguyangdon mita kon yuakmu in tumogoindopdon oontongon in ogoidon kon tayowmobiag bo mongodeaga.

YOËL 3:1

Ki Tuhan in noguman, “Kon singgai tatua Yerusalem bo Yohuda in poguḻiton-Ku in kobiagannea motompia.

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.

MIKHA 5:7

Intau in Israel inta nogutunpa kon yua-yuak in bangusa mita in mobaḻídon naonda bo singa kon yua-yuak in mahaḷuk mita kon kayuon andeka kon yuak in paanan in domba kon rawang in bonok. Singa tatua in tumuot kon yua-yuak in paanan in domba tatua bo moritak poḷat momera-merak; diábí in mokopomuḻi kon domba mita tatua.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

MATIUS 12:43

Aka dimukud moraat iḷumuai nongkon intau, yo sia i maya-mayá mako in tampat inta noingkag sin motayak kon pogogaiannea. Táe diá nokouḻí in sia.

OUMAN IN RASUL MITA 10:45

Dá intau mita in Yahudi nongkon Yope inta nopirisayadon kon i Yesus inta dinumudui kon i Petrus, komintan nongoherang in nokoontong kon ki Allah in nobogoibí doman in Roho-Nea kon intau mita inta deeman Yahudi.

OUMAN IN RASUL MITA 2:17

‘Kon singgai tumi, Akuoi in mobogoi in Roho-Ku kon bayongan in intau. Ki adímu mita ḷoḷaki bo ki adímu mita bobay in mopotaaubí kon i monimu in soaḷ mita inta pinotaau-Ku kon i monia. Intaumu mita inta nongobagupa in mokoontong kon soaḷ mita inta poontong-Ku kon i monia. Guyangamu mita in tumogoindopbí kon togoindop inta ogoi-Ku kon i monia.

OUMAN IN RASUL MITA 2:33

Sia biningkat bo inogoian in tampat pomomarentaan inta moḷantud, bo inogoian i Allah in kawasa, bo notarima kon Roho i Allah inta ain pinodandi tua, bo Roho doman tatua in inogoi-Nea kon inami naa, tuata inta inontong bo dinongog monimu kon naa,

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”

WAHYU 21:6

Bo Sia in noguman, “Komintandon nobaḻí! Akuoi naa in ki Alpa bo ki Omega, ki Inta muna-munamai bo ki Inta tumi-tumimai, Akuoibí naa in ki Tuhan nongkon pinomangkoian nodapot in pangabisan. Intau inta moyogang in poinumon-Ku, bo tongábí ogoi pomorosen nongkon bokaká inta mobogoi in kobiagan.

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.