YESAYA 43:4 - Alkitab Singog In Mongondow Masa In Tanaa

⁴ Moḷoben in mangaḻemu kon tayowon-Ku, Akuoi in mohoromat bo motabi kon inimu; dá ogoi-Ku in intau nobaḻí toḻiumu, bangusa mita in nobaḻí toḻiu in nyawamu.

YESAYA 43:4 Mawu Ofanana

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

MAZMUR 112:9

Sia in mosila-silaibí mako kon kapunyaannea, bo mobogoi in oogoi kon intau nobogá; sia in umuranbí mogaid kon inta mopia, tuamai in sia nongawasa bo ihoromat.

MAZMUR 135:4

Ki Yakub in piniḻí-Nea kon i-Nia, umat in Israel binaḻí kapunyaan-Nea.

YESAYA 49:5

Kon tungkuḷ in diápa pinononggadí, akuoi inoiní i Tuhan nobaḻí mogogundoi-Nea sin mosipun kon umat in Israel, sinbá mosia in mobui mamangoi kon i-Nia. Ki Tuhan in nopobaḻí kon inakó ihoromat, ki Allah in nobaḻí ropotku.

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

YEREMIA 31:3

nongkon noyayú Akuoi nokipogontong kon i monia. Ei umat Israel, nongkon koḻipodpabímai Akuoi umuran monotabi kon i monimu, bo umuranbí doman in Akuoi moponiata kon Akuoi in umuranbí motabi kon i monimu.

HOSEA 11:1

Ki Tuhan in noguman, “Akuoi in notabi kon Israel pinangkoi kon sia in nointokpa, Inoiní-Ku in ki adí-Ku tatua iḻumuai nongkon Mesir.

MALEAKHI 1:2

Ki Tuhan in noguman kon umat-Nea, “Akuoi in motabi kon i monimu.” Táe mosia in notubag, “Naonda in pononotabi i Tuhan kon inami?” Ki Tuhan in notubag, “Kinotaauanbí monimu kon ki Esau tua in ki guya-guyangbí i Yakub? Táe ki Yakub in kinotabiku,

MALEAKHI 3:17

Ki Tuhan Inta Totok in mokawasa in noguman, “Mosia in mobaḻí umat-Ku. Kon singgai Akuoi mopobayá in oaidan-Ku, mosia in mobaḻí umat inta totok in kinotabi-Ku. Kotabi-Kubí in mosia, naonda bo guyanga ḷoḷaki motabi kon i adínea inta nogaid dinumudui kon ibognea.

YOHANES 16:27

sin ki Amá in motabibí kon i monimu. Sia in motabibí kon i monimu sin moiko in motabi kon i-Nakó, bo mopirisaya kon Akuoi in namangoi nongkon i Allah.

YOHANES 17:23

Akuoi takin mosia, bo ki Amá takin Akuoi, sinbá mosia in totu-totuudon motobatú, sinbá kotaauandon in dunia naa kon ki Amábí in nopotabá kon i-Nakó bo ki Amábí in monotabi kon i monia ná tabi i Amá kon i-Nakó.

YOHANES 17:26

Pinotaau-Ku bidon kon i monia in tangoi i Amá bo umuran-Kubí popotaau intua, sinbá tabi i Amá kon i-Nakó umuran mako kon gina-gina mako monia bo Akuoi in motobatú i monia.”

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?

ULANGAN 14:2

Moiko nion in kapunyaan i Tuhan Allahmu; nongkon bayongan in bangusa kon dunia naa, moikobí nion inta piniḻí i Allah nobaḻí umat-Nea.”

ULANGAN 26:18

Singgai in naa ki Tuhan motarima kon i monimu mobaḻí umat-Nea tontaní, ná inta pinodandi-Nea kon inimu, bo Sia in nomarenta kon inimu mogaid kon bayongan in parenta-Nea.

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

PETRUS 1 1:7

Tujuan intua komintan in mogujibí kon i monimu mongo totuudon mopirisaya kon i Tuhan andeka diá. Buḷawanpa inta mogogu-goguyaatbí, mustibí ujionpa muna in tuḷu. Pirisayabí monimu in momaha-mahaḷ nongkon buḷawan mita tatua, tuamai mustibí doman ujion sinbá moiko in mobaḻídon totok in moroton. Aka natua yo moiko in dayowonbí bo horomaton poḷat diaan mayá in soroga aka ki Yesus Kristus buidon mamangoi.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

WAHYU 3:9

Toropdon in naa: Intau mita inta ain nobaḻí umat in Ibilis tua, in intaubí mita mongouboḷ inta mongaku intau mita in Yahudi bokaka deemanbí. Mosia tua in aidan-Kubí sahingga in mosia mamangoi tumungkud kon tayowonmu. Bo kotaauandon monia kon kotabi-Kubí in moiko.