YESAYA 43:2 - Alkitab Singog In Mongondow Masa In Tanaa

² Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YESAYA 43:2 Mawu Ofanana

AYUB 5:19

Aka anib bo mopogogondok, iko in umuranbí posaḷamaton.

MAZMUR 23:4

Umpakabí akuoi mongin ḷopá inta mosindip, diábí in akuoi moondok in anib, sin Iko in nogindua kon inakó. Iko in noḷukad kon inakó naonda bo gombala noḷukad kon dombanea nomaké in tungkud bo popangkuḷ.

MAZMUR 32:6

Tuamai in pomuḷoi in intau inta motoḷutui musti mosambayang kon tungkuḷ in koumaan in roriga, dá aka ḷunud in susa moiangoi, sia in diábí kodangatannea.

MAZMUR 66:10

O Allah, Iko in nonungkuḷdon kon inami naonda bo intau nopomurni in saḷaka kon bonu in tuḷú.

MAZMUR 66:12

Pinomayá-Mu mako in kami iyunta-yuntai in musung; kami in nongin ḷunud bo tuḷú. Táe tanaa in dinia-Mudon in kami kon tampat inta mopia totok.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

IḶUAIAN 14:29

Táe naonda intau Israel iḷumoḷan kon dagat, mosia in minayá kon apad in dagat inta noingkag, bo tubig nobaḻí dinding kon dotá in koḷoigi bo koḷanan.

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

YESAYA 29:6

Ki Tuhan Inta Totok in mokawasa mopoḷuatbí in kotá tatua pongin deḷang bo ḻinug inta motoyang totok. Sia in mopoangoibí in deḷang bo tuḷú inta tumagab.

YESAYA 30:27

Kawasa bo kamuliaan i Tuhan koontongan nongkon moyayú. Tuḷú bo poyok moponiata kon torú-Nea. Sia in moyosingog takin i monia, bo tosingogon-Nea mita momokak naonda bo tuḷú.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

YESAYA 43:5

Dika moondok, sin Akuoi in moḷukad kon inimu. Nongkon toyopan bo nongkon dotá in pomukaan pinotabá-Ku in ki adí bo ki ompumu mamangoi moyosipun.

YEREMIA 42:11

Dikadon moondok kon i datu in Babel tatua. Akuoi in naa kon yua-yuakmu sin motuḷung bo moḷuat kon i monimu nongkon kawasanea.

YEREMIA 46:28

Dá dikabí moondok, ei umat-Ku, Akuoi in mamangoibí sin moposaḷamat kon i monimu. Bangusa mita, inta pinoporaritan-Ku kon i monimu, komintanbí yopúon-Ku, táe moiko in diábí pomiaan-Ku natua. Totuu kon moiko in diábí moiḷagui nongkon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan, ain nosingog.”

DANIEL 3:23

Natuata, taya toḷu tatua noḷabú kon bonu in tuḷú inta kodoko-dokot tatua.

HAGAI 1:13

Bo ki Hagai in nopotaau kon rayat in koyow i Tuhan kon ki Tuhan in nodandidon kon moḷukad kon i monia.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

TIMOTIUS 2 4:22

Poigumon mako ki Allah in umuran moyotakinmu bo umuran doman mobogoi in barakat kon i monimu komintan! Horomat nami, Ki Paulus

IBRANI 11:29

Popisí in nopirisaya, dá intau mita in Israel nokoḷoḷan kon Dagat Teberau, naonda bo minaya-mayá kon tudu in butá noingkag in mosia, táe intau mita in Mesir nongoḷomot kon dagat tatua naonda in nonungkuḷ in mosia iḷumoḷan.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”