YESAYA 42:9 - Alkitab Singog In Mongondow Masa In Tanaa
9 Tanaa in inta sinoḻindap-Ku in noniatadon; Akuoi in moibog mopotaau in onu inta mobagu; kon dodai intua diápa mobaḻí, aindon muna pinoguman-Ku kon inimu.”
Tongá tongosuku in pomayá-Kubí mako kon inia, sinbá umuran oyúon in intau tobatú nongkon buí in mogogundoi-Ku ki Daud inta momarenta kon tayowon-Ku kon Yerusalem, kotá inta ain piniḻí nobaḻí tampat posumbaan kon i-Nakó.
Taridiaika, Akuoi in nogaidon kon inta mobagu; tanaa in momangkoidon, diá degá inontongmu? Akuoi in momiabí kon daḷan kon padang gurun, bo ongkag mita kon rawang kayuon.
Ki Tuhan in noguman, “Indongogaidon ei Israel! Onu inta nobaḻí koḻipod, noonggotdon in pinotaau-Ku; Onu inta pinoguman-Ku, daḻídon aidan-Ku bo baḻíon-Ku moniata.
Dá nongkon koḻipodpamai aindon sinoḻindap-Ku; kon dodai in diápa nobaḻí aindon pinotaau-Ku, sinbá iko in diá mosingog, kon tua in aidbí in patong mita in berhalamu.
Bayongan in toḻindap-Ku inta dinongogmu ain nobaḻí; musti akuonmu kon tosingogon-Ku tua in totuubí. Tanaa Akuoi in mopotaau in soaḷ mita inta mobagu, rahasia mita inta diápa kinotaauanmu.
Soaḷ tanaa muna-Kudon poguman kon i monimu kon dodai in diápa mobaḻí, sinbá aka mobaḻídon in soaḷ tatua yo pirisayaandon monimu kon Akuoibí in Sia inta sinumangoi ‘AKUOI OYÚON.’