YESAYA 42:8 - Alkitab Singog In Mongondow Masa In Tanaa

⁸ Akuoibí in ki Tuhan, tuata in tangoi-Ku; Koagungan-Ku in diábí ogoi-Ku kon i ineka; Tangoi-Ku inta ponango-nangoian in diábí ogoi-Ku kon patong.

YESAYA 42:8 Mawu Ofanana

MAZMUR 66:2

Podondongdon bo poḷantudon in tangoi-Nea, pomuliadon in Sia takin dodayow mita.

MAZMUR 83:18

Biódon mako in mosia modapot in mononoi pokopooyáanmai bo angoian in ondok, biódon mako in mosia matoi kon bonu in empeng.

IḶUAIAN 34:14

Dika mosumba kon ilah ibanea, sin Akuoi ki Tuhan, in Allah inta doí potongkaion in onukabí.

IḶUAIAN 4:5

Guman i Tuhan, “Aidaidon in natua sinbá intau mita Israel mopirisaya kon Akuoi, ki Tuhan, Allah in mogoguyang monia, ki Allah i Abraham, i Ishak bo Yakub, aindon nokipogontong kon inimu.”

YESAYA 43:11

Akuoibí in Tuhan inta tuḷong tua, koḻikud in Akuoi diábí in moposaḷamat.

YESAYA 43:3

Sin Akuoibí, in ki Tuhan, Allahmu, ki Allah mokudus in Israel, mopoposaḷamatmu. Mesir in ogoi-Ku nobaḻí tontobutmu, Sudan bo Syeba in nobaḻí toḻiumu.

YESAYA 48:11

Tua in inaidan-Ku pinodoyon kon i-Nakó tontaní, sin Akuoi in diábí mopomayá mako in tangoi-Ku poraaton magí-mako; kamuliaan-Ku in diábí silaion-Ku kon i ineka.”

YESAYA 48:5

Dá nongkon koḻipodpamai aindon sinoḻindap-Ku; kon dodai in diápa nobaḻí aindon pinotaau-Ku, sinbá iko in diá mosingog, kon tua in aidbí in patong mita in berhalamu.

YESAYA 48:6

Bayongan in toḻindap-Ku inta dinongogmu ain nobaḻí; musti akuonmu kon tosingogon-Ku tua in totuubí. Tanaa Akuoi in mopotaau in soaḷ mita inta mobagu, rahasia mita inta diápa kinotaauanmu.

YEREMIA 33:2

inta nomaḻí kon butá bo nomia poḷat nogukat kon tampatnea. Sia in noguman,

DANIEL 5:4

Koyogot in monginum mosia in sindaḷan doman modayow kon dewa mita inta pinomia nongkon buḷawan, saḷaka, bitú, kayu bo batu.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

YOHANES 8:58

Ki Yesus in notubag, “Poguman-Kudon kon i monimu, Wakutu in ki Abraham diápa noilahir, Akuoi naa in koyongan bidon oyúon.”

ULANGAN 28:58

Aka moiko diá mosatia in dumudui kon bayongan in hukum i Tuhan Allahmu inta pinais kon bonu in buk tanaa bo diá mohoromat kon i Tuhan Allahmu inta mokawasa bo inta mokoherang,