YESAYA 42:7 - Alkitab Singog In Mongondow Masa In Tanaa

⁷ Sin mobuká kon mata in intau bilog, bo mopoḷuat kon intau nongkon sindip in ponjara.

YESAYA 42:7 Mawu Ofanana

MAZMUR 97:7

Bayongan in intau inta mosumba kon berhala in pokopooyáanbímai, inta nopoyunggaga kon pakakat mita inta diá in mangaḻenea; bayongan in dewa in dumokóbí kon tayowon i Tuhan.

YESAYA 29:18

Kon dodai intua intau bongoḷ in mokodongogdon kon tosingogon mita nongkon buk tobatú inta binaca, bo intau bilog inta koina nobiag kon bonu in sindip in mokoontongdon.

YESAYA 35:5

Kon dodai intua intau bilog in mokoontongdon, bo intau bongoḷ in mokodongogdon.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 42:22

Táe bangusa tatua in nodaitdon inagow; mosia in dinakop kon bonu in yuang mita kon bonu in butá, bo binuni kon bonu in ponjara mita mosia in nobaḻí kuruban pinogagowan, bo diá in namangoi notuḷung.

YESAYA 49:9

Intau inta pinonjara pinoki poḷuaian-Ku; inta kon tampat mosindip diaan-Ku mayá in mobayag. Nodapot in inta kon tombuḷud inta noḷogat mosia in diábí kodaitan, kon kinoouput in daḷan oyúonbí in kaanon.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YESAYA 9:2

Tuhan, inogoian-Mu in mosia in ḷunganga moḷoben, Binaḻí-Mu in mosia norogiow. Nopia totok in gina monia popisí in kopopia-Mu, naonda bo intau inta noḷunganga in gina kon tungkuḷ in nosipun kon bungai in boyó, andeka nosilai kon inta inagow kon parang.

MIKHA 7:9

Kita in binaradosadon kon i Tuhan, tuamai in tanaa kita in mustibí motarima kon torú-Nea. Táe diá bidon moonggot Sia in moduḷu kon i naton bo mobogoi kon onu inta moadil kon i naton. Sia in modiabí kon i naton ḷumuai mamangoi in mobayag; korasaanbí naton tontaní kon Sia in moposaḷamat kon i naton.

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

LUKAS 24:45

Onda intua ki Yesus nomukat kon raian monia sinbá komangaḻean monia in bayongan inta ain pinais kon Buk Motusi.

YOHANES 9:39

Ki Yesus in noguman, “Akuoi mamangoi in dunia naa sin mohakim; sinbá intau inta bilog in mokoontongdon, bo intau inta mokoontong, mobilogdon.”

YOHANES 9:7

Onda intua pinoyapu-Nea kon mata intau bilog tatua, poḷat noguman, “bayádon pongiamot kon tabang Siloam.” (Siloam mangaḻenea ‘Pinotabá’.) Dá intau tatua in minayádon doman nongiamot. Dodai in sia nobuidon mangoi, sia in nokoontongdon.

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

TIMOTIUS 2 2:26

Sahingga in mosadardon in mosia bui, bo moipilatdon nongkon poyogaḷap in Ibilis inta ain notogot kon inia tua bo nomakisa sinbá umuran dumudui kon koibognea.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

WAHYU 3:18

Tuamai naa in tonggina-Ku kon i monimu, potaḷui kon buḷawan kon i-Nakó, buḷawan taakan sinbá mobaḻídon mooyúon in moiko. Bo potaḷui doman kon ḷambung mobudó kon i-Nakó, sinbá mogiḷambungdon in moiko bo awak monimu inta nopilang bo mokooyá in kooḻingoiandon. Bo potaḷui domandon kon undam poḻepo kon mata sinbá mokoontongdon in moiko.