YESAYA 42:11 - Alkitab Singog In Mongondow Masa In Tanaa

¹¹ Pomayádon mako in padang gurun bo kotánea mita in modayow kon i Tuhan, bo intau in Kedar modayow kon i-Nia! Porogiowdon in intau mita kon kotá in Sela, bo morobaḷú nongkon tudu totok in buḷud!

YESAYA 42:11 Mawu Ofanana

KINOBAḺIAN 25:23

Ki Tuhan noguman kon inia, “Doyowa nobangusa nion kon bonu in sianmu; iko mopononggadí in bangusa doyowa inta mososaturuan; ai-ai in moropo-ropot nongkon guya-guyang inta guya-guyang mobaḻí bobantung in ai-ai.”

MAZMUR 120:5

Moboditodon in akuoi popisí in musti mobiag moyotakinmu; diá in yoposinea naonda bo nogutun kon Mesekh, andeka kon sigad in intau in Kedar.

YESAYA 12:5

Podondongdon kon i Tuhan, sin Sia in nomiadon kon nobayong in inta mokoherang. Pomayádon mako in sinangkub in dunia mokodongog kon onu inta inaidan-Nea.

YESAYA 16:1

Nongkon kotá in Sela kon padang gurun, bangusa in Moab nokidia in adí in domba sin ogoi mobaḻí tombuinag kon mongongawasa kon Yerusalem.

YESAYA 21:16

Bo ki Tuhan in noguman kon inakó, “Noitongkaná in totaongpa bo kotoyangan in suku mita Kedar in mopaḷutdon.

YESAYA 32:16

Kon sinangkub in butá in mobaḻí bidon in aid mojujur bo moadil.

YESAYA 35:1

Padang gurun bo butá noingkag in moḷungangadon, bungang mita in komintan momungai kon rawang kayuon.

YESAYA 35:6

Intau ḻempeng ḷumanduk magí-mako naonda bo rusa, intau bobó morogiow moḷunganga. Sin bokaká moitoput nongkon padang gurun, ongkag moiḻig kon rawang kayuon.

YESAYA 40:3

Oyúon in singog in nopobaḷú, “Sadiadon in daḷan kon padang gurun kon i Tuhan. Tuḻidon in daḷan kon rawang kayuon kon i Allah naton!

YESAYA 43:19

Taridiaika, Akuoi in nogaidon kon inta mobagu; tanaa in momangkoidon, diá degá inontongmu? Akuoi in momiabí kon daḷan kon padang gurun, bo ongkag mita kon rawang kayuon.

YESAYA 52:7

Totuu mosanang in mokoontong kon koangoian in totabá, Sia in mayá mongin buḷud bo modia kon habar mopia habar kobiagan mopia, habar kasaḷamatan kon Sion, kainia, “Allahmu in Datu!”

YESAYA 60:7

Bembé domba in Kedar diaan kon inimu domba koḷakian nongkon Nebayot sinadia pakéon kon ibadamu. Kuruban tatua in mokosanang kon gina i Tuhan Baḻíon-Nea morame in Baḷoi-Nea inta nopuḻing in kamuliaan.

YEREMIA 21:13

Onda intua ki Tuhan in noguman kon Yerusalem, “Ei Yerusalem! Kinoukatanmu in moḷantu-ḷantud in ḷopá mita kon diugmumai. Iko in naonda bo buḷud batu irib kon rawang inta notondodai, táe Akuoi in moḷawangbí kon inimu. Iko in moguman kon diábí tobatúmai in intau in mokotubu kon inimu andeka mokodangat kon dindingmu mita,

YEREMIA 48:28

Moiko intau in Moab, taḷaaidon in kotámu mita bo pogutundon kon tombuḷud in batu ná ḷagapan paḷoma nogaid kon pugadnea kon bingkí in irang.

YEREMIA 49:16

Iko in koakaḷanbí in aidmu inta mododia. Diábí in moondok kon inimu ná kainimu. Iko in mogutunbí kon sigad mita in batu, kon tudu in buḷud. Táe, umpaka inaidanmu in baḷoimu kon tampat inta moḷantud totok, ná koḷantud in pugad in ḷagapan boniá, yo poponagonbí doman i Tuhan in iko nongkon tua. Ki Tuhanbí in noguman kon tua komintan.”

YEREMIA 49:31

‘Igai mayá! Tubuon naton in intau mita inta mokorasa kon moaman bo mobiag motomoman tua. Kotá monia in diábí kinoḷukadan sin diá in bonawang bo diá doman in bonoboinea.’ ”

YEHEZKIEL 27:21

Intau in Arab bo mongongawasa in butá in Kedar notaḷui kon pakakatmu mita nomaké in ki adí in domba, domba koḷakian bo bembé.

OBAJA 1:3

Iko in koakaḷan in ginamu inta mododia. Ki iná in kotámu in buḷud batu inta moropot; pogogutunanmu in kon tudu in buḷud inta moḷantud. Sin kon raian monimu, ‘Ki ine in mokopoḷabú kon i nakó?’

NAHUM 1:15

Indoiaika, in totabá tobatú mamangoi mongin buḷud mita, modia kon habar mopia, habar kountungan. Ei bangusa in Yohuda, ramedon in singgai moḷobenmu bo uboḻiaidon in dandimu kon i Allah. Butámu in diá bidon tonggataan in intau moraat. Mosia in irimumudon komintan.