YESAYA 41:5 - Alkitab Singog In Mongondow Masa In Tanaa

⁵ Intau kon butá moyayú in mokoontong kon onu inta ain inaidan-Ku Moitaḻikokog in mosia bo mourot sin moondok, bo mosipun moyotakin bo mamangoi.

YESAYA 41:5 Mawu Ofanana

KINOBAḺIAN 10:5

Mosia tua in nobaḻí mogoguyang in bangusa mita inta nogutun kon bingkí mita in dagat bo inta kon ḻibuton mita. Tuata in bayongan buí i Yapet. Pomuḷoi in bangusa bo suku in nogutun kon butá monia tontaní, bo mosia komintanbí oyúon in bahasa tontaní.

MAZMUR 65:8

Pinogogai-Mu in doradak in dagat bo torú in bokoḷ, bo pinoonow-Mu in kinodowawáan in bangusa mita.

MAZMUR 65:9

Bayongan in intau kon dunia moondok bo mohoromat in nokoontong kon onu mita in pinomia-Mu inta motoyang. Bayongan in butá nongkon popod tobatú mayá in popod ibanea pinomia-Mu norogiow takin pia in gina.

MAZMUR 66:3

Pogumandon kon i Allah, “Totuu mokoherang onu in inaidan-Mu! Musung tumungkud kon ini-Mu takin iḻibutan in ondok, sin totuubí moḷoben in kawasa-Mu.

MAZMUR 67:7

Butá ain nobogoi in bungainea, Allah, Allah naton ain nomarakat kon inaton.

IḶUAIAN 15:14

Bangusa mita mouyot in mokodongog; intau mita in Pilistin bo itoi mita intau in Edom inagían in ondok. Intau mita in Moab inta motorindog gugur mako, intau mita in Kanaan dapoton doman in uyot.

YESAYA 41:1

Guman i Allah, “Kibio-biómaidon bo indongogai in Akuoi, ei intau mita inta nogutun kon butá mita inta moyayú. Posadiadon in simindog kon pongadilan, bayádon bo potaaudon in pelekaramu. Igai in kita mopoyotantan moyotakin, sin monantú mongo ki ine in banar, bo ki ine in noitaḷá.

YESAYA 41:6

Bayongan in intau mosituḷungan, bo mosirigonan kon gina.

YEHEZKIEL 26:18

Tanaa, kon singgai iko sinaḷow, intau mita inta nogutun kon ḻibuton mita mourot mako. Noitaḻikokog in mosia komintan in nokoontong kon kinorimumudanmu inta diádon kinoraian.”

YOSUA 2:10

Kinodongogandon nami in habar kon naonda in ki Tuhan nopoingkag kon Dagat in Gelagah kon tayowon monimu, kon tungkuḷ in moiko nonaḷámai kon Mesir. Dinongog domandon nami naonda in pinoḷoḻimod monimu kon i Sihon bo kon i Og, datu doyowa in bangusa Amori tatua kon dotá in pomukaan kon Ongkag in Yordan.

YOSUA 5:1

Bayongan in datu in Amori kon dotá in toyopan kon Ongkag in Yordan, bo bayongan datu in Kanaan inta kon bingkí in Dagat Toyuak nokodongogdon kon Ongkag in Yordan ain iningkagan i Tuhan kon bonu in umat Israel iḷumoḷan kon ongkag tatua. Dá inagíandon in ondok in mosia bo uyotdon mako popisí in intau Israel.