YESAYA 41:26 - Alkitab Singog In Mongondow Masa In Tanaa

²⁶ Ki ine in kon sigad monimu in ain nonoḻindap kon tua, nodapot in kami motaau mopobanar kon inia? Táe kon sigad monimu diábí in nopotaau, Diábí in nokidongog kon i monimu nosingog.

YESAYA 41:26 Mawu Ofanana

YESAYA 41:22

Angoidon, bo toḻindapaidon onu in mobaḻí, sinbá kotaauan nami in kopaḷutannea moiduduimai. Potaaudon in bayongan inta nobaḻí koḻipod, insilangai in mangaḻenea sinbá taridian nami.

YESAYA 41:4

Ki ine in nogaid kon tua mita? Ki ine in nonantú kon daḷan in bayongan inta nobaḻí? Akuoi, ki Tuhan, Akuoi in inta muna-munamai, bo inta umuran oyúon modapot in imbuitnea.

YESAYA 43:9

Potabádon in bayongan bangusa moyosipun bo bayongan in suku moyodondon. Ki ine in kon sigad in dewa mita monia in nopotaaudon muna kon onu inta nobaḻí tanaa? Ki ine in kon sigad monia in mokotoḻindap kon kobiagan moiduduimai? Pomayádon mako in sakusi mita monia mamangoi in muna, bo moponiata kon mosia in totuu, sinbá bayongan inta nokodongog kon i monia in moguman, kon totuubí in natua!

YESAYA 44:7

Ki ine in ná Akuoi? Pokipongakuaidon in sia! Pomayádon mako in sia mopotaau bo moponiata kon i-Nakó! Ki ine in nonoḻindapdon kon onu in mobaḻí kon singgai moiduduimai nongkon pinomangkoian nodapot in singgai imbuitnea?

YESAYA 45:21

Pongadu in pelekaramu, poontong in buktinea mita, oo, biódon mako in mosia moyopakat moyotakin. Ki ine in nopotaau intua bo nopotaau intua nongkon dungkuḷmai? Akuoibí naa, ki Tuhan? Diábí in ilah koḻikudbí in Akuoi. Akuoibí in Allah inta moadil bo Mopoposaḷamat, diábí in ibanea mako koḻikudbí in Akuoi!

YESAYA 46:9

Toropdon in inta nongobaḻí dungkuḷmai; Akudon kon Akuoi in Allah, bo diábí in ibanea mako, Akuoi in Allah, bo diábí in ná Akuoi.