YESAYA 41:23 - Alkitab Singog In Mongondow Masa In Tanaa

²³ Pogumandon onu in mobaḻí, sinbá kotaauan nami kon moiko in totuu ilahi. Aidaidon onu inta baraguna andeka inta mokorugi, sinbá Moitongau in kami in mokoontong.

YESAYA 41:23 Mawu Ofanana

YESAYA 19:12

Ei, datu in Mesir, kon onda in monononggina i Tuang inta mopandoi tua? Degá kinotaauanbí monia onu inta sinomayá i Tuhan Inta Totok in mokawasa kon intau in Mesir.

YESAYA 42:9

Tanaa in inta sinoḻindap-Ku in noniatadon; Akuoi in moibog mopotaau in onu inta mobagu; kon dodai intua diápa mobaḻí, aindon muna pinoguman-Ku kon inimu.”

YESAYA 43:9

Potabádon in bayongan bangusa moyosipun bo bayongan in suku moyodondon. Ki ine in kon sigad in dewa mita monia in nopotaaudon muna kon onu inta nobaḻí tanaa? Ki ine in kon sigad monia in mokotoḻindap kon kobiagan moiduduimai? Pomayádon mako in sakusi mita monia mamangoi in muna, bo moponiata kon mosia in totuu, sinbá bayongan inta nokodongog kon i monia in moguman, kon totuubí in natua!

YESAYA 45:21

Pongadu in pelekaramu, poontong in buktinea mita, oo, biódon mako in mosia moyopakat moyotakin. Ki ine in nopotaau intua bo nopotaau intua nongkon dungkuḷmai? Akuoibí naa, ki Tuhan? Diábí in ilah koḻikudbí in Akuoi. Akuoibí in Allah inta moadil bo Mopoposaḷamat, diábí in ibanea mako koḻikudbí in Akuoi!

YESAYA 45:3

Dá iko in ogoian-Ku kapunyaan kaoyúonan inta noibuni, sinbá kotaauanmu kon Akuoibí naa in ki Tuhan, Allah in Israel, inta ain nogoiní kon inimu podudui in tangoimu.

YESAYA 46:7

Patong tatua in pinakú bo inukat kon tampatnea, patong tatua in simindog mako kon tua bo diá mokopomamping. Aka intau mosambayang kon inia, diábí tubagannea, bo diábí mokoposaḷamat kon inia nongkon roriganea.

YEREMIA 10:5

Patong mita berhala tatua in naonda bo intau yambá kon gobá in melong. Mosia in diábí mokosingog, diá mokoḷampang, bo musti buaton. Dika moondok kon i monia, sin mosia in diábí mokoaid kon inta moraat kon inimu; mogaid kon inta mopiapa yo diábí doman in mosia mokoaid.”

DANIEL 2:9

mohukum kon i monimu komintan potongkaion aka diá mokomampu in moiko mopotaau in togoindop tatua kon inakó. Moiko in moyopopog kon umuran monguboḷ mopomia ibo-ibog kon inakó takin kamang kon akuoi in momaḷuibí kon onu inta sinantúku. Yo, potaaudon in togoindop tatua, dá kotaauankudon kon moiko in mokomampu doman moginsilang kon mangaḻenea.”

YOHANES 13:19

Soaḷ tanaa muna-Kudon poguman kon i monimu kon dodai in diápa mobaḻí, sinbá aka mobaḻídon in soaḷ tatua yo pirisayaandon monimu kon Akuoibí in Sia inta sinumangoi ‘AKUOI OYÚON.’

OUMAN IN RASUL MITA 15:18

inta ain nopotaau intua komintan nongkon dungkuḷpamai.”