YESAYA 41:18 - Alkitab Singog In Mongondow Masa In Tanaa

¹⁸ Baḻíon-Ku in ongkag mita moiḻig kon tombuḷud mita inta noḷogat; Bokaká in momukábí kon yuak in toba. Padang gurun in baḻíon-Ku tabang; tubig in moitampurangbí nongkon butá inta moingkag.

YESAYA 41:18 Mawu Ofanana

MAZMUR 104:10

Pinoḷuai-Mu in bokaká mita kon ḷopá mita, tapá in moiḻig kon sigad in tombuḷud mita,

MAZMUR 105:41

Binotak-Nea in buḷud batu, bo noitampurangdon mangoi in tubig inta noiḻig naonda bo ongkag kon padang gurun.

MAZMUR 107:35

Padang gurun binaḻí-Nea tabang, butá noingkag binaḻí bokaká.

MAZMUR 126:4

O Tuhan, poguḻídon in kaadaan nami, naonda bo ongkag noingkag bo buidon oyúon in tubig kon tungkuḷ in uagat.

MAZMUR 46:4

umpakabí dagat modoḻiok bo mobokoḷ moḷoben, bo tombuḷud mita mourot popisí in kodangatannea.

YESAYA 12:3

Naonda bo tubig motumping mokoguḻí kon rogang in intau, natuata in moiko in moposanang kon gina, popisí in pinosaḷamat i Allah.”

YESAYA 30:25

Kon singgai benteng mita in musungmu kinopung bo intaunea mita iḻimod, batúan in buḷud bo tombuḷudnea mopoḷuaidon in tapá mita.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

YESAYA 33:21

Ki Tuhan in mopoontongbí in kamuliaan-Nea kon i naton. Kita in mobiagbí kon bingkí in ongkag inta mooḷad, inta diá motaau ḻeagan in kapaḷ in musung.

YESAYA 35:1

Padang gurun bo butá noingkag in moḷungangadon, bungang mita in komintan momungai kon rawang kayuon.

YESAYA 44:3

Sin Akuoi in mopobutakbí in tubig kon butá inta noingkag, bo mopoiḻig in ongkag mita kon butá inta nongoguang. Akuoi in mobogoibí in kawasa-Ku kon buímu, bo momarakat kon adí bo ompumu.

YESAYA 48:21

Kon tungkuḷ in Sia nodia kon i monia nongin butá inta diá in tonsiungnea, mosia in diábí irumogang. Ki Tuhan in nomotak kon buḷud batu bo nopoiḻig in tubig, nongkon batu pinotampurangnea in tubig kon i monia.

YESAYA 58:11

Akuoi in umuranbí mokapit kon i monimu bo mopobotug kon i monimu kon butá inta noingkag; Akuoi in moḷukadbí kon i monimu sinbá umuran mosehat bo moropot. Moiko in nádon onda bo taman inta tugat in tubignea, naonda bo bokaká inta diá mogio-giot.

YESAYA 65:13

Totuu, intau inta mosumba kon i-Nakó in mongaanbí táe moiko in koaputanbí in gogoy. Mosia in monginumbí, táe moiko in koaputan in rogang, mosia in moḷunganga, táe moiko in pokopooyáanmai.

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.

ZAKHARIA 14:8

Kon singgai tatua, tubig modarit in moiḻig nongkon Yerusalem; tongobotak nongkon tubig tatua in moiḻig ná Laut Mati bo tongobotaknea doman in moiḻig ná Dagat Toyuak. Tubig tatua in moiḻig kinoouput in taong, pinomayá kon sempo in pongonguyan andeka sempo in poninggai.

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”

HAKIM MITA 15:19

Dá ki Allah nomukat kon bubú kon buḷud batu kon Lehi tatua, bo iḷumuaidon in tubig nongkon tua. Ki Simson in nonginum, bo norotondon bui in awaknea. Tuamai bokaká tatua sinangoian Bokaká in Tubig in Hakor. Bokaká in tubig tanaa oyúonpabí in kon Lehi.