YESAYA 41:13 - Alkitab Singog In Mongondow Masa In Tanaa

¹³ Sin Akuoi ki Tuhan, Allahmu, in mokadai kon ḻimamu koḷanan; Guman-Ku, ‘Dika moondok, Akuoi in motuḷungbí kon inimu.’ ”

YESAYA 41:13 Mawu Ofanana

MAZMUR 109:31

Sin Sia in moduḷu bo moposaḷamat kon intau bogá nongkon i monia inta mopoḷabú in hukuman matoi kon inia.

MAZMUR 118:7

Ki Tuhan in kotaki-takinku sin motuḷung kon inakó, akuoi in mokoontongbí kon musungku taḷowon.

MAZMUR 63:8

sin Ikobí inta ain notuḷung kon inakó; kon bonu in siungan koḻikip-Mu akuoi in modondong pia in gina.

MAZMUR 73:23

Táe akuoi in umuranbí kon diug-Mu, kinadaian-Mu in ḻimaku koḷanan.

IḶUAIAN 14:13

Ki Musa in noguman, “Dika moondok! Korigonon in gina! Ontongonbí monimu onu in aidan i Tuhan sin moposaḷamat kon i monimu. Intau in Mesir inta inontong monimu tanaa, diá bidon ontongon bui monimu.

IḶUAIAN 20:20

Tubag i Musa, “Dika moondok. Ki Allah in mamangoi tongábí monungkuḷ kon i monimu sinbá moiko in umuran motoindudui kon i-Nia, bo diá mogaid kon dosa.”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 42:6

“Akuoi, ki Tuhan, in mogoiní bo mopotabá kon inimu sin mopobayá in inta moadil iko in kapiton-Ku bo ḷukadan-Ku sin mobaḻí dodandian kon umat intau, bo sindar kon bayongan in bangusa.

YESAYA 43:6

Pinarenta-Ku kon i utuan bo kon i toḷatan, sinbá mosia in ḷagidon buḻian. Bá ki adímu mita ḷoḷaki in mobuidon nongkon moyayú, bo ki adímu mita bobay in mobui nongkon popod mita in dunia.

YESAYA 45:1

Ki Tuhan in nomiḻídon kon i Kores nobaḻí datu; sia in sinundú sin monaḷow kon bangusa mita bo momutoḷ kon kawasa in datu mita. Ki Tuhan in momukatbí kon bonawang mita in kotá tuotannea, diábí tobatúmai in pomayá mako moiḻingkop. Ki Tuhan in moguman kon inia,

YESAYA 51:18

Nongkon intau inta nogutun kon inimu diábí in notundú kon daḷanmu, nongkon mogogutunmu diábí in nokapit kon inimu.

YEREMIA 30:10

Umat-Ku Israel, dikadon moondok! Mogogundoi-Ku Yakub, dika mourot! Moiko bo buímu in posaḷamaton-Kubí nongkon butá moyayú, tampat pinodakopan kon i monimu. Moiko in mobuibí bo mogutun kon butámu takin moaman. Moiko in mobiagbí motomoman; diá bidon in koondok monimu.

YEREMIA 46:27

“Umat-Ku, Israel, dikabí moondok! Mogogundoi-Ku Yakub, dika mourot! Moiko bo buímu in posaḷamaton-Kubí nongkon butá moyayú, kon pinodakopan kon i monimu. Moiko in mobuibí bo mogutun kon butámu takin moaman. Moiko in mobiagbí motomoman; diábí in koondok monimu.

HAGAI 2:5

Kon dodai in moiko iḻumuai nongkon Mesir, Akuoi in nodandidon kon umuranbí moḷukad kon i monimu. Bo dapot in tanaapa Akuoi in umuranpabí doman moḷukad mako kon i monimu. Dá, dikadon moondok.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.