YESAYA 40:11 - Alkitab Singog In Mongondow Masa In Tanaa

¹¹ Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YESAYA 40:11 Mawu Ofanana

KINOBAḺIAN 33:13

Ki Yakub in notubag, “Kinotaauanbí i Tuangku kon adí mita tanaa moyangkópa, bo mustiku ḷukadan doman in bobiagon mita inta kogadí kon mointokpa. Aka ḻimikat in modia kon i monia, umpaka tongá tosinggai, yo matoibí in bobiagon mita tanaa.

KINOBAḺIAN 49:24

Táe kokaḷ i Yusup umuran motorindog, umuran moropot in piotnea, sin kawasa I Gombala Inta totok in moropot, ki Allah i Yakub, in Mogogoḻiung in Israel.

MAZMUR 100:3

Toropdon kon ki Tuhan tua in ki Allah. Sia in nomaḻí kon inaton bo Sia in kitogi kon inaton; kita in umat-Nea, bangusa inta iḷukadan-Nea.

MAZMUR 27:10

Umpaka ki amá bo ki iná monaḷámai kon inakó, ki Allah in momiagbí kon inakó.

MAZMUR 28:9

Posaḷamatdon in umat-Mu, o Tuhan, barakataidon in intau-Mu mita. Kobaḻídon naonda bo gombala kon i monia, bo ḷukadaidon in mosia modapot in mononoi.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

YESAYA 42:3

Aog inta noikoḷungdon diábí putoḷannea, togá inta nokuyoyowdon diábí piongannea. Takin satia in sia in moponiata kon inta totuu,

YESAYA 63:11

Bo mosia in nokotorop kon inta dungkuḷmai, Sempo i Musa mogogundoi i Tuhan. Mosia in noḻibó “Kon onda in ki Tuhan inta nodia kon itoi mita in umat-Nea nongin dagat? Kon onda in ki Tuhan inta nobogoi in kawasa-Nea kon i monia?

YEREMIA 31:10

Ki Tuhan in noguman, “Indongogai ei bangusa mita! Potaaudon in koyow-Ku modapot kon ḷoḷan in dagat Umat-Ku inta ain pinorarit-Ku in sipunon-Kubí bo biagon naonda bo gombala moḷukad kon dombanea.

YEREMIA 31:8

Nongkon utuan dinia-Ku in mosia nobui; sinipun-Ku in mosia nongkon popod mita in butá. Intau bilog bo intau ḻempeng in moyotakinbí monia, bobay doman inta bagu nononggadí bo bobay inta dongkadon mogoḷat kon wakutu mononggadí. Mosia komintan in mamangoi mobayongbí totok in mamangoi in butá tanaa.

YEHEZKIEL 34:15

Akuoidon tontaní in mobaḻí gombala in domba-Ku mita tatua bo mosadia kon pogogogaian monia; Akuoi ki Tuhan Inta Totok in moḷantud ain nosingog,

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.

YEHEZKIEL 34:2

“Ei intau ilo-ilow, torúaidon in datu mita in Israel, bo potaaudon in onu inta potaau-Ku, ki Tuhan Intau Totok in moḷantud kon i monia, ‘Moboditodon in moiko, ei gombala mita in Israel. Moiko in tongábí morai kon kopontinganmu tontaní, deemanbí kopontingan in dombamu mita.

YEHEZKIEL 34:23

Akuoi in moduíbí kon datu tobatú inta ná mogogundoi-Ku ki Daud, sin baḻíon-Ku gombala monia totobatú tua, bo sia in moḷukad kon i monia.

YEHEZKIEL 34:31

Totuu, moikobí in paanan in domba-Ku inta pinokaan-Ku. Moiko in umat-Ku, bo Akuoi in ki Allahmu. Akuoi ki Tuhan Inta Totok in moḷantud ain nosingog.”

YEHEZKIEL 37:24

Mosia in tobatúondon kon datu tobatú ná ki Daud inta momarenta modapot in mononoi. Takin toḷutui mosia in dumudui kon hukum-Ku mita. Bo modapot in mononoi mosia takin buí monia in mogutun kon butá tatua, butá inta inogoi-Ku kon i Yakub bo pinogutunan in mogoguyang monia.

MIKHA 5:4

bo Sia in mobogoi in kobiagan modame. Aka tontara in Asyur monubu kon butá naton bo mondangat kon poḷoḷukadan naton, yo itoi mita naton inta moropot totok in potabádon momarang kon i monia. Itoi mita naton tatua in monaḷowdon kon Asyur podoyon kon ropot in pakakat in parang, bo moposaḷamat kon i naton nongkon kawasa monia.

MIKHA 7:14

O Tuhan, ḷukadaidon in umat-Mu, umat inta piniḻí-Mu. Mosia in nogutun noitontaní kon kayuon mai-maí, kon yuak in butá inta mopia. Biódon mako in mosia mokouḻí kon kaanon kon rawang bonok in Basan bo kon Gilead ná dungkuḷmai.

ZAKHARIA 11:7

Akuoi, ki Zakharia, inuboḻian in mopopotaḷui mita kon domba sin moḷukad kon domba mita inta ratáan. Oyúon in tungkudku; tobatú in sinangoianku “Totabi” bo tobatú in “Bogotan”. Onda intua akuoi in nomangkoidon noḷukad bo nonompia kon domba mita tatua.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

PETRUS 1 2:25

Koḻipod moiko in naonda bo domba inta noiḷaḻe, táe tanaa moiko in diniadon bui sinbá dumuduidon kon Gombala bo kon i Inta Moḷoḷukad kon jiwamu.

PETRUS 1 5:4

Sahingga in kon wakutu Gombala inta momulia mamangoi bui, moiko in motarima kon tombuinag moḷoben inta diá mogogu-goguyaat.

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”