YESAYA 38:12 - Alkitab Singog In Mongondow Masa In Tanaa

¹² Nyawaku nobontow, nodapotdon in wakutuku, ná ḷoḷaigan in gombala inta kinokai; ná didit pinongkó nongkon pakakat gogaboḷan; kon inakó kamai simpodandon i Allah in kobiaganku.

YESAYA 38:12 Mawu Ofanana

AYUB 14:2

Monubu in sia bo moḷaḷow naonda bo bungang; moinggamá naonda bo oḻinow, bodongka mobuḻi.

AYUB 17:1

Singgai kopatoianku in nodiugdon, gogiódon mobontow in poginaanku; dongkadon poḷoḷobongan in moyotakinku.

AYUB 4:20

Mahaḷuk tatua in mobiag doḷo-doḷom, bo matoi moisimayat mako kon dodai in ḷoḷabungnea, bo diá bidon in sia toro-toropon bui.

AYUB 6:9

Igumon mako moibog in ki Allah morimumud kon inakó! Igumon mako Sia momongkug bo moḻimod kon inakó!

MAZMUR 102:11

sin Iko in nobuatdon bo nopogambat kon inakó kon bonu in torú-Mu inta sinumaga-tagab.

MAZMUR 119:23

Umpakabí pongawasa mita moyopopog in monayow kon inakó, mogogundoi-Mu naa in umuranbí monano-nanob mako kon atorang-Mu.

MAZMUR 31:22

Dinayo-dayowdon in ki Tuhan! Totuu mokoherang in tabi-Nea kon inakó, kon tungkuḷ in akuoi kinopung bo sinubu.

MAZMUR 73:14

Sin kinoouput in singgai akuoi koantugan in nahat; pomuḷoi in doḷo-doḷom akuoi rorigaan.

MAZMUR 90:5

Iḷomot-Mu in kami; kami naa in naonda bo togoindop, naonda bo bonok inta nonokat;

YESAYA 1:8

Tongá Yerusalem in sinaḻiban, táe nobaḻídon kotá inta kinokopungan bo diádon kodaya, naonda bo ḷuḷung kon gobá in anggur andeka ḷaig kon gobá in melong.

YESAYA 13:20

Diá bidon tobatúmai intau in mogutun kon tua. Diá bidon in intau in Arab mododondaḷoi inta moposindog in ḷoḷaigannea kon tampat tatua, bo diá bidon in gombala inta modia kon bembé dombanea sin moranut kon bonok kon tua.

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

KORINTUS 2 5:4

Sin wakutu in kon baḷoipa ilo-ilow naa, kita tantú mogamui sin mobogat totok in roriga inta moiantug. Deemanbí igu-igumon mako kon bá matoidon in awak naton ilo-ilow naa, táe lantaranbí moibogdon mokorasa kon kobiagan inta kon soroga tua, sinbá kobiagandon in mongawasa kon awak naton inta ilo-ilow naa.

IBRANI 1:12

Dunia naa in kopíon-Mubí naonda bo ḷambung, bo baḷuian-Mubí in ibanea mako. Táe Iko in diábí mobaḷu-baḷui, bo mononoibí in kobiagan-Mu.”

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.