YESAYA 37:3 - Alkitab Singog In Mongondow Masa In Tanaa

³ Naa in koyow i Hizkia inta pinoyaput monia kon i Yesaya, “Singgai in naa singgai in ponogumatoian; kita in ihukum bo siningkuḻe. Kita in naonda bo bobay inta mononggadídon, táe kinodaitandon in ropot.

YESAYA 37:3 Mawu Ofanana

DATU MITA 2 19:3

Naa in koyow i Hizkia inta pinotaau monia kon i Yesaya, “Singgai in naa singgai inta mokorobonoḷ kon gina, ihukum in kita bo pinopoompámai. Kita naa in naonda bo bobay inta mononggadídon táe kinodaitandon in ropot.

TAWARIKH 2 15:4

Táe naonda in mosia kinoantugan in roriga, yo nopoigumbí in mosia in totuḷung kon i Tuhan, Allah in Israel. Nopoigum in mosia in topotundú-Nea bo inogoi-Nea doman.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

MAZMUR 95:8

“Dika tumontogat naonda bo mogoguyangmu kon Meriba, naonda kon tungkuḷ in mosia kon Masa, kon padang gurun.

YESAYA 22:5

Totuu, ki Tuhan Inta Totok in moḷantud, bo Inta Totok in mokawasa ain nonantú kon singgai naa nobaḻí singgai kodoḻiokan, kodowawáan bo yogenggeng kon Ḷopá in Oontongon. Dinding mita in kotá ain inumpag. Kuani mokituḷung kodongogandon nodapot kon tombuḷud mita.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

YESAYA 29:2

Táe ki Allah in mopoangoibí in bodito kon kotá tatua, modapot in intau kumarak bo mokuani. Bayongan in kotá naonda bo kotá inta nopuḻing in dugú.

YESAYA 33:2

O Tuhan, kotabipa kaasí in kami. Iko in nobaḻí oandoḷan nami. Ḷukadaidon in kami muḷoi in singgai bo posaḷamatdon in kami kon dodai in koantugan in roriga.

YESAYA 66:7

Kotá motusi-Ku in naonda bo iná tobatú inta nononggadí kon dodai in diápa monahang kon monakit; inta nopononggadí in adí ḷoḷaki kon dodai in diápa pomangiton.

YESAYA 66:9

Dika kai monimu kamai Akuoi in modia kon umat-Ku modapot in wakutu mononggadí bo diá mopomayá mako kon i monia pononggadí.” Natua in guman i Tuhan.

YEREMIA 30:7

Singgai motoyang ain noiangoi, singgai inta diá in poḷawangan. Kon i umat-Ku, tua in singgai inta mokoondok; táe mosia in posaḷamaton-Kubí.”

HOSEA 13:13

Israel in oyúonpa in kasampatan mobiag, táe totuu mopompuḷong in sia dá diá nopomaké in kasampatan tatua. Sia in naonda bo adí mointok inta topípa bo pononggadí táe doí ḷumuai nongkon bobuḷadían i iná.

HOSEA 5:15

Umat-Ku in taḷaan-Kubí modapot in roriga kon i monia tugatdon popisí in dosanea mita, bo mamangoi sin motayak kon i-Nakó. Degá kon bonu in roriganea, mosia in moḷongasi moyodungkuḷ-Ku.”

HOSEA 5:9

Israel in moyopúbí, sin noiangoidon in wakutunea mohukum kon inia. Indongogai, ei rayat in Israel, tua in notantúbí kon mobaḻí.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.