YESAYA 37:2 - Alkitab Singog In Mongondow Masa In Tanaa

² Onda intua sia in nopotabá kon i Elyakim tongguḷu in komaḻig, kon i Sebna momomais in negara bo imang mita inta moḷantud sin mokipodungkuḷ kon i Nabi Yesaya ki adí i Amos. Mosia in nogibintoḷ doman in daing bintoḷ.

YESAYA 37:2 Mawu Ofanana

DATU MITA 2 18:18

Bo nomaḷú in mosia nogoiní kon i Datu Hizkia. Dá pogawai i Hizkia taya toḷu in iḻumuai nokipodungkuḷ kon i monia. Pogawai taya toḷu tatua in ki Elyakim adí i Hilkia tongguḷu in motoḷuadí kon komaḻig, ki Sebna momomais in negara, bo ki Yoah ki adí i Asap momomais in komaḻig.

DATU MITA 2 19:2

Onda intua nopotabá in sia kon i Elyakim, tongguḷu in komaḻig, ki Sebna momomais in negara, bo imang mita inta nogogoguyangdon, sin mokipodungkuḷ kon i Nabi Yesaya ki adí i Amos. Mosia in nogisosapi doman.

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

ESTER 4:1

Naonda in kinodongogandon i Mordekhai onu inta nobaḻí, nomerak in sia kon ḷambungnea bo nogibintoḷ nobaḻí tomponuot kon morobonod in gina. Sia in nopoinggú in ḷobud kon uḷunea, bo nodondaḷoi kon kotá poḷat nongombaḷ moropot takin robonoḷ in dodob.

YESAYA 1:1

Buk tanaa tombonunea in koyow mita kon Yohuda bo Yerusalem inta pinoniata i Allah kon i Yesaya, ki adí i Amos, kon tungkuḷ in ki Uzia, ki Yotam, ki Ahas bo ki Hizkia in nomarenta kon Yohuda.

YESAYA 20:2

Toḷu notaong noiuna, ki Tuhan nopotabá kon i Yesaya ki adí i Amos noḷongkut kon aip in sioḷ bo daing tuḷok inta pinakénea. Sia in dinumudui bo minayá nomilang bo diá nomaké in aip in sioḷ.

YESAYA 22:12

Kon tungkuḷ intua ki Tuhan Inta Totok in moḷantud bo Inta Totok in mokawasa nopotabá kon i monimu nongombaḷ bo nogamui, nongarug kon buok bo nogibintoḷ.

YESAYA 22:15

Ki Tuhan Inta Totok in moḷantud bo Inta Totok in mokawasa nopotabá kon inakó nokipodungkuḷ kon i Sebna, kitogi totaau in tombonu in baḷoi kon komaḻig, sin mopotaau kon inia in koyow i Tuhan tanaa,

YESAYA 22:20

Kon dodai intua Akuoi in mogoinídon kon mogogundoi-Ku ki Elyakim ki adí i Hilkia.

YESAYA 36:3

Bo pogawai i Hizkia toḷu namangoi nokipodungkuḷ kon porwira in Asyur tatua. Pogawai taya toḷu tatua in ki Elyakim ki adí in Hilkia tongguḷu in motoḷuadí in komaḻig, ki Sebna momomais in negara, bo ki Yoah ki adí i Asap, momomais in komaḻig.

YESAYA 37:14

Ki Hizkia in notarima kon surat tatua nongkon totabá mita poḷat binacanea. Onda intua minayá in sia kon Baḷoi Tuhan bo nobuká kon surat tatua kon tayowon i Tuhan,

YESAYA 37:21

Noiduduimai kon tua ki Yesaya nokidia in koyow kon i Datu Hizkia kon nobaḻí tubag kon sambayang i datu,

YESAYA 38:1

Kon dodai intua doman ki Hizkia notakit gogió bo minatoi. Ki Nabi Yesaya ki adí i Amos, minayá nokipodungkuḷ kon inia bo noguman, “Ki Tuhan in nongoyow kon ki Tuang datu in moginḷapatdon kon bayongan in oaidan, sin ki Tuang datu in diádon mopia bui. Diádon moonggot in ki Tuang datu bo matoi.”

YOËL 1:13

Ei imang mita inta nogundoi kon mezbah, pakédon in kaeng karong, bo pongombaḷdon. Tuotdon kon bonu in Baḷoi Tuhan sin mogamui kinoouput in doḷom, sin diádon in kuruban anggur bo gandum kon i Allahmu.