YESAYA 37:1 - Alkitab Singog In Mongondow Masa In Tanaa

¹ Kon dodai in ki Datu Hizkia nokodongog kon tosingogon in intau toḷu tatua, nomerak in sia kon ḷambungnea bo nogibintoḷ in bintoḷ nobaḻí tomponuot kon moajar in gina, bodongka minayá in sia kon Baḷoi Tuhan.

YESAYA 37:1 Mawu Ofanana

DATU MITA 2 22:11

Nokodongogmai kon bonu in buk tatua, ki datu in nomera-merak kon ḷambungnea sin norobonoḷ in ginanea.

TAWARIKH 2 32:20

Dá nosambayangdon in ki Datu Hizkia bo ki Nabi Yesaya ki adí i Amos. Mosia in nomaḷú noigum in totuḷung kon i Allah.

EZRA 9:5

Naonda in kuruban ḷoḷabungnea nomangkoidon pinosumba, sinimindogdon in akuoi nongkon iḻitúanku koina bo takin ḷambung inta noberak, sinumungkud in akuoi bo nopotonggó in ḻimaku kon i Tuhan Allahku.

ESTER 4:1

Naonda in kinodongogandon i Mordekhai onu inta nobaḻí, nomerak in sia kon ḷambungnea bo nogibintoḷ nobaḻí tomponuot kon morobonod in gina. Sia in nopoinggú in ḷobud kon uḷunea, bo nodondaḷoi kon kotá poḷat nongombaḷ moropot takin robonoḷ in dodob.

YESAYA 22:12

Kon tungkuḷ intua ki Tuhan Inta Totok in moḷantud bo Inta Totok in mokawasa nopotabá kon i monimu nongombaḷ bo nogamui, nongarug kon buok bo nogibintoḷ.

YESAYA 36:22

Dá ki Elyakim, ki Sebna bo ki Yoah nomerak kon ḷambung monia nobaḻí tomponuot moajar in gina, bo minayá nopotaau kon i datu onu inta ain pinoguman in porwira in Asyur tatua.

YESAYA 37:14

Ki Hizkia in notarima kon surat tatua nongkon totabá mita poḷat binacanea. Onda intua minayá in sia kon Baḷoi Tuhan bo nobuká kon surat tatua kon tayowon i Tuhan,

YEREMIA 26:19

Táe ki Datu Hizkia bo intau in Yohuda in diábí noḻimod kon i Mikha. Nodapotbí in noondok in ki Hizkia kon i Tuhan bo nopoigum sinbá totabion. Dá ki Tuhan in nonginggamádon kon indoyó-Nea kon mopobodito kon i monia. Bo tanaa, gogiódon in kita mopoangoi in bodito moḷoben kon inaton tontaní.”

YEREMIA 36:24

Umpaka ki Elnatan, ki Delaya, bo ki Gemarya nopoigum totok sinbá ki datu diá motubá kon ḻitodan in buk tatua, táe doíbí in sia nokidongogmai kon i monia. Pinomayá datu andeka pojabat inta nokodongog kon tombonu in buk tatua diábí inangoian in ondok andeka inagían in manasaḷ.

MATIUS 11:21

Ki Yesus noguman, Koboditodon iko Korazim! Koboditodon iko Betsaida! Sin aka intau in Tirus bo Sidon in nokoontong kon soaḷ mita inta mokoherang inta ain nobaḻí kon yua-yuak monimu, yo noonggotdon in mosia in nogogai nogaid kon dosa mita monia takin nomaké in ḷambung kinopatoian.