YESAYA 34:7 - Alkitab Singog In Mongondow Masa In Tanaa

⁷ Intau mita in matoibí naonda bo sapi kaḻig bo sapi batánea. Ḻipú monia in mopuradon in dugú bo mopuḻing in ḷongó.

YESAYA 34:7 Mawu Ofanana

MAZMUR 22:21

Posídon in nyawaku kon kedang, posaḷamatdon in akuoi nongkon ungkú mita inta moranut.

MAZMUR 68:30

Datu mita in nodia kon sosumba kon ini-Mu kon Baḷoi-Mu kon Yerusalem.

MAZMUR 92:10

Kinotaauan nami in musung-Mu in yompatonbí, o Tuhan, bayongan in intau moraat in poraritonbí.

YESAYA 63:6

Kon bonu in torú-Ku inta dumoko-dokot, irita-ritakan-Ku in bangusa mita; Iyopú-Ku in mosia, bo dugú monia in pinobutak-Ku kon butá.”

YEREMIA 25:34

Ei itoi mita, ei gombala mita in umat i Tuhan! Pongombaḷdon koropot! Ponangkuḻitodon kon ḷobud, sin noiangoidon in wakutunea ḻimodon in moiko, bo inta mokoḷagui in porariton. Moiko in nádon kuyon koboḻi inta noḷabú bo noḷosi.

YEREMIA 46:21

Nodapot in tontara mita inta sinoko tondanannea in diádon mokopongonu nádon ki adí in sapi inta noiḻiudon in ḷongó. Mosia in diádon mokotongod. Komintan momurow bo moḷagui sinbá mosaḷamat. Singgai pohukuman kon i monia in noyaputdon; wakutuneadon mosia koantugan in bodito.

YEREMIA 50:11

Ki Tuhan in noguman, “Ei intau in Babel, moiko in nogagow kon umat-Ku. Moiko in ḷumansi-ḷansik sin mopia in gina naonda bo kabaḷo inta kumurik, bo naonda bo sapi inta koyogot in mokaan kon bonok.

YEREMIA 50:27

Ḻimodon komintan in tontaranea! Patoi in mosia! Moboditodon in bangusa in Babel! Notompodon in wakutunea mosia in hukumon!” (

YEHEZKIEL 32:6

Dugúmu in potampurangon-Kudon modapot in momuntad kon buḷud mita bo momuḻing kon ongkag mita.

YEHEZKIEL 39:17

Ki Tuhan Inta Totok in moḷantud noguman kon inakó, “Ei intau ilo-ilow, oinídon in bayongan in ḷagapan bo mahaḷuk ibanea mako, sinbá mamangoi nongkon bayongan in tampat bo mokaan kon kuruban inta sinadia-Ku kon i monia. Akuoi in momiabí kon bobutungan moḷoben kon buḷud mita in Israel, kon tua mosia in mokaanbí kon ponoyá bo monginum kon dugú.

YEHEZKIEL 39:18

Mosia in motaaubí in mokaan kon mayat mita in intau mita in pahlawan, bo monginum kon dugú in mongongawasa mita in dunia. Pahlawan mita bo mongongawasa tatua in ḻimodonbí naonda bo bembé mita koḷakian andeka ki adí mita in bembé, andeka bantong mita inta moḷomumu.

PINOGIAPAN 23:22

Ki Allah in nodia kon i monia iḻumuai nongkon Mesir; naonda bo bantong kaḻig Sia in noparang sin motuḷung kon i monia.

PINOGIAPAN 24:8

Ki Allah inta nodia kon i monia iḻumuai nongkon Mesir, naonda bo bantong kaḻig Sia in moparang motuḷung kon i monia. Bangusa mita in musung modaitbí ḻiomon-Nea, tuḷan mita monia in toko ropúon-Nea, bo piot mita monia in putoḷon-Nea.

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”