YESAYA 34:3 - Alkitab Singog In Mongondow Masa In Tanaa

³ Mayat mita monia in diá bidon ḷobongon, táe pomayádon mako moburuk bo mobó. Buḷud mita mobaḻídon mopura popisí in koiḻigan in dugú monia.

YESAYA 34:3 Mawu Ofanana

YESAYA 10:4

Ukurmu in tongábí ḻimodon kon parang andeka diaan nobaḻí intau inta dinakop. Táe ki Tuhan in umuranpabí tumorú bo tantú mohukum.

YESAYA 34:7

Intau mita in matoibí naonda bo sapi kaḻig bo sapi batánea. Ḻipú monia in mopuradon in dugú bo mopuḻing in ḷongó.

YESAYA 66:24

Kon tungkuḷ in mobuat, mosia in mokoontongbí, kon mayat in intau mita inta ain nomarontak kon i-Nakó. Uḷod inta nokaan kon awak monia in diábí matoi, bo tuḷú inta nomokak kon i monia in diábí mopiong; kinoontongan tobatú inta mokokoningkim kon bayongan in intau.”

YEREMIA 22:19

Ki Yoyakin in uguton bo pogambatbí kon ḷuai in bonawang in Yerusalem, ná pinogogaid in intau kon keledai minatoi.”

YEREMIA 25:33

Kon singgai tatua mayat in intau mita inta pinatoi i Tuhan in moibilabagdon magí mako kon sinangkub in butá. Mosia in diá bidon ombaḷan, diábí doman buaton sin ḷobongon, táe pomayá bidon mako kon butá naonda bo kinosipunan in apat.

YEHEZKIEL 14:19

Dika-dika popoangoi-Ku in yampoi in takit kon butá tatua, bo pobuká-Ku in torú-Ku kon inia modapot in intau andeka mahaḷuk yo moyopú.

YEHEZKIEL 32:4

Pomobak-Ku in iko kon butá bo bayongan in ḷagapan takin bayongan in mahaḷuk kon dunia naa pokikaanan-Kudon kon inimu.

YEHEZKIEL 35:6

Tuamai, podoyon kon i tangoi-Ku, ki Allah inta nobiag, ki Tuhan Inta Totok in moḷantud, popatoi in ukurmubí, bo moiko in diábí mokoḷagui nongkon tua. Moiko in kotaḷádon popisí in noḻimod, dá ḷoḻimod in mogaḷow doman kon inimu.

YEHEZKIEL 38:22

Sia in hukumon-Kubí in yampoi in takit bo mosiḻimodan. Uyan morogot bo uyan in eis, tuḷú bo balerang in popobutak-Kubí kon inia bo kon tontaranea bo kon mobayong in bangusa inta dinumugang kon inia.

YEHEZKIEL 39:11

Ki Tuhan in noguman, “Aka tua mita bo mobaḻí, yo ogoi-Kubí kon i Gog in butá poḷobongan kon Israel, kon Ḷopá Ḷoḷoḷanan inta kon dotá in pomukaan nongkon Laut Mati. Kon tua in ki Gog bo bayongan in tontaranea ḷobongon, bo ḷopá tatua in tangoion ‘Ḷopá in Tontara i Gog’.

YEHEZKIEL 39:4

Kon tudu in buḷud mita in Israel, ki Gog takin bayongan in tontara bo bayongan in inta dinumugang kon inia in matoibí kon parang, bo mayat mita monia in ogoi-Kubí kon ḷagapan mita bo mahaḷuk moraat sin pokikaan.

YOËL 2:20

Tontara in pangkoḷá nongkon utuan in untunon-Kubí, tongosilai in buntunon-Ku pobayá in rawang in bungaion. Bo inta kon pipidan dotá in muna in undudon-Ku pobayá ná Laut Mati, inta kon pipidan kon tumi in undudon-Ku pobayá in Dagat Toyuak. Awaknea mita in mobondotdon. Mosia in putúan-Ku sin nopororigadon kon i monimu.

AMOS 4:10

Akuoi in mopotabá mangoi in yampoi in takit kon inimu naonda bo inta pinoangoi-Ku kon Mesir. Intau mita inta nongoguodpa in yopúon-Ku kon poparangan, bo kabaḷomu mita in agowon. Akuoi in momonu kon ḷoḷaiganmu in mayat mita inta bónea in mokonakit kon ngiung. Umpaka natua, moiko in doí doman mobui mangoi kon i-Nakó.

NAHUM 3:3

Tontara mita inta sinumakoi kon kabaḷo monubu imibo-ibog, kedang monindar bo pandong in mopouḻi-uḻinag. Intau matoi diádon koiapan, mayat monia moyo-moyoguntuḷ, dá intau mita in moipintudon.

WAHYU 14:20

Bungai in anggur mita tatua in giniḻing kon ḷuai in kotá bo iḷumuaidon in dugú nongkon giḻingan tatua, moiḻig naonda bo ongkag. 300 km in koyayú in kinoiḻigannea, bo koḻinownea in gogió bodoyowá nometer.