YESAYA 33:9 - Alkitab Singog In Mongondow Masa In Tanaa

⁹ Ḻipú sinaḷáan nobaḻídon noingongow. Kayuon mita in Libanon kinoantugan in takit, bo Ḷopá in Saron inta moḷumbá mobaḻí naonda bo padang gurun. Kon Basan bo kon Buḷud in Karmel daun mita mongototak.

YESAYA 33:9 Mawu Ofanana

AYUB 15:33

Sia naonda bo pangkoi in anggur inta noḷabú in bungainea, naonda bo pangkoi in zaitun inta nototak in toburnea.

DONDONG MOḶANTUD 2:1

Akuoi in tongábí bungang mawar nongkon Saron, bungang bakung kon ḷopá mita.

YESAYA 10:34

Ki Tuhan in mogumpagbí kon i monia naonda bo pangkoi in kayu kon yuak in kayuon pinupuḷ in boḻiung. Umpaka in mosia moropot ná pangkoi in kayu inta totok in motoyang kon Libanon, mosia in moumpagbí doman!

YESAYA 14:8

Pangkoi in eru bo pangkoi in ḷokuyú in Libanon mosanang in gina sin datu inta moromú tua ain noḷabú, bo naonda in sia mayá, diá in mokipupuḷ kon i monia!

YESAYA 2:13

Pangkoi mita in ḷokuyú inta moḷantud kon Libanon bo bayongan in pangkoi in kayu moḷoben kon Basan in tokoyompaton.

YESAYA 24:1

Ki Tuhan in moyompatbí kon dunia, modapot in mobaḻídon moḷogat bo moingongow. Baḻintuangon-Neabí in tudunea bo poyayiton in intaunea mita.

YESAYA 29:2

Táe ki Allah in mopoangoibí in bodito kon kotá tatua, modapot in intau kumarak bo mokuani. Bayongan in kotá naonda bo kotá inta nopuḻing in dugú.

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YESAYA 35:2

Padang gurun in kobiagandon in yagi-yagi, bo mopodondong in dondong mita mosanang. Kogaganea in naonda bo Buḷud in Libanon, koḷoḷumbánea in naonda bo Ḷopá in Karmel bo Saron. Dá bayongan in intau in mokoontongbí kon kawasa i Tuhan, bo kamuliaan i Allah naton.

YESAYA 37:24

Iko in nopotabá mangoi in totabá sin mosingog kon uboḷ kon podoyon kon kobayong in kereta in parangmu, iko in nokopotungkudon kon buḷud mita inta totok in moḷantud kon Libanon. Iko in dumodia kon iko in nomupuḷdon kon pangkoi mita in ḷokuyúnea inta totok in moḷantud bo inta totok in mogaga, bo irumudak doman kon kayuonnea mita inta totok in moromon.

YESAYA 65:10

Umat-Ku in mosumbabí kon i-Nakó; domba bo sapi monia in mokaanbí kon bonok kon rata in Saron bo kon Ḷopá in Akhor.

YEREMIA 50:19

Popobui-Kubí in intau in Israel mayá in butá monia. Mosia in mokaanbí kon bungai in pinomuḷa kon Buḷud in Karmel bo butá in Basan. Mosia in botuganbí in bungai in pinomuḷa kon butá in Epraim bo Gilead.

HOSEA 4:3

Tuamai in butá tanaa in moingkagdon, bo bayongan inta nobiag kon tua in matoidon. Bayongan in mahaḷuk kon ḷangit, kon toba bo kon dagat in moyopúbí.”

AMOS 1:2

Naa in inta pinoguman i Amos, “Ki Tuhan in noganggor nongkon Tombuḷud in Sion, singog-Nea in modorasing nongkon Yerusalem. Rawang mita in bonok iḷumogat, bonok kon Buḷud in Karmel inimingkagdon komintan.”

MIKHA 7:14

O Tuhan, ḷukadaidon in umat-Mu, umat inta piniḻí-Mu. Mosia in nogutun noitontaní kon kayuon mai-maí, kon yuak in butá inta mopia. Biódon mako in mosia mokouḻí kon kaanon kon rawang bonok in Basan bo kon Gilead ná dungkuḷmai.

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

OUMAN IN RASUL MITA 9:35

Natua doman in bayongan intau kon Yope bo kon Saron. Mosia in nopirisaya domandon mita, naonda in nokoontong kon i Eneas inta ain nokobayá tua.

ULANGAN 3:4

Kon tungkuḷ intua kinoagowan naton komintan in kotánea, diá tobatúmai in kinotaḻiban. Onom nopuḷú in kobayong in kotá inta inagow naton kon bayongan butá in Argob, inta pinarenta i Datu Og nongkon Basan.