YESAYA 33:8 - Alkitab Singog In Mongondow Masa In Tanaa

⁸ Daḷan mita moḷoben totok in mokoanib dá mobaḻídon moingongow; Diádon in intau in mongintua. Dodandian in sinaḷáan bo yopakat in diá sinarima. Diádon in pinandungmai.

YESAYA 33:8 Mawu Ofanana

MAZMUR 10:5

Intau moraat mokodapot kon bayongan inta iḷongasinea; sia in diábí nonotaau andeka nomangaḻe kon hukum i Tuhan bo mopoompámai kon bayongan in musungnea.

YESAYA 24:5

Butá mobaḻí mokotor popisí in intaunea iḻimimpat kon parenta mita i Allah, nomaḷui kon inta ain sinantú-Nea mita bo nonoḻikud kon dodandian inta pinomia-Nea noyotakin monia modapot in mononoi.

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YESAYA 36:1

Kon taong impuḷú bo opatnea kon pinomarentaan i Hizkia datu in Yohuda, kotá mita in Yohuda inta dininding sinubu bo sinaḷow i Sanherib, datu in Asyur.

OMBAḶ 1:4

Kon singgai mita moḷoben diá in tobatúmai in intau in mamangoi kon Baḷoi i Allah. Mongodeaga mita inta mododondong kon tua mororiga, bo imang mita in morongombaḷ. Diábí in intau kon bonawang mita, Kotá in Sion kinawasa in robonoḷ in gina.

IMAMAT 26:22

Popoangoi-Ku kon yua-yuak monimu in mahaḷuk mita moraat. Mahaḷuk mita tatua modomok kon i adí mita monimu, momatoi kon biagmu bo mokaan kon i monimu komintan, dá moiko in moyakagdon totok, bo daḷan mita kon butá monimu moingongowdon totok.

HAKIM MITA 19:17

Naonda in guranga tatua nokoontong kon intau mita in Lewi tatua kon ḷoḻitúan tatua, sia noḻibó, “Nongkon onda in ki utat, bo mayá in onda?”

HAKIM MITA 5:6

Kon dodai in ki Samgar, adí i Anat, bo kon dodai doman i Yael, diábí in kapilah kon dunia, diábí in intau tongá modondaḷoi magí-mako kon daḷan moḷoben.

SAMUEL 1 17:10

Tanaa domandon mako, tontotanku in tontara in Israel; piḻídon in intau tobatú monayow kon inakó!”

SAMUEL 1 17:26

Bo ki Daud in noguman, “Mobaranibí totok in intau in Pilistin kaper tatua monontot kon tontara i Allah inta nobiag!” Onda intua noḻibó in sia kon tontara tobatú, “Onu in ogoi kon intau inta mokoḻimod kon intau in Pilistin tatua bo momopat kon tosingogon mopoonagmai kon Israel?”