YESAYA 33:2 - Alkitab Singog In Mongondow Masa In Tanaa

² O Tuhan, kotabipa kaasí in kami. Iko in nobaḻí oandoḷan nami. Ḷukadaidon in kami muḷoi in singgai bo posaḷamatdon in kami kon dodai in koantugan in roriga.

YESAYA 33:2 Mawu Ofanana

MAZMUR 123:2

Naonda bo ata tobatú mongamang mako kon i tuangnea, bo ata bobay ata mogoḷat mako kon i tuangnea bobay, natuata in kami mogoḷat mako kon ini-Mu, o Tuhan, Allah nami, modapot in Iko monotabi kon inami.

MAZMUR 143:8

Pomuḷoi in doḷo-doḷom ponoropdon kon inakó in tabi-Mu, sin kon ini-Mubí in andoḷanku. Tundúdon kon inakó in daḷan inta musti bayáanku, sin kon ini-Mubí in posambayanganku.

MAZMUR 25:3

Intau inta nonoḻikud kon ini-Mu in pokopooyáanbímai, táe inta mopirisaya kon ini-Mu in diábí pokudaion.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 33:22

Igumon mako kami umuran kotabi-Mu, o Tuhan, sin kami in mongamang mako kon ini-Mu.

MAZMUR 37:39

Ki Tuhan in moposaḷamatbí in intau motoḷutui, bo moḷukad kon i monia kon tungkuḷ in mororiga.

MAZMUR 46:1

Mazmur in inanakan i Korah. Kon i itoi in mododondong. Pinongin dondong Alamot.

MAZMUR 46:5

Oyúon in daḷan tubig inta mokopia kon gina kon kotá i Allah, pogogutunan i Allah Inta Totok in moḷantud.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 60:11

Ki ine in modia kon inakó mayá in Edom? Ki ine in mokapit kon inakó mayá in kotá kobenteng tatua?

MAZMUR 62:1

Kon i itoi in mododondong. Podudui in: Yedutun. Mazmur i Daud.

MAZMUR 62:5

Moiko in tongábí niat mopoḷabú kon inia nongkon ḷoḻitúannea inta moḷantud. Moiko in moibog monguboḷ; bibigmu pakéon monimu momarakat, táe kon bonu in gina monimu in mongutukbí.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

MAZMUR 90:15

Ogoiaidon in kami in kamang mopia potongkaion in roriga inta binaba nami kon bonu in taong mita inta nororiga.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

IḶUAIAN 14:27

Bo ki Musa nopotundú domandon in ḻimanea kon dagat bo kon tungkuḷ in doḷo-doḷomdon, tubig nobuidon ná kaadaannea inta muna. Intau mita in Mesir moramuji moposaḷamat in awak monia, táe iḷomot i Tuhan in mosia kon bonu in dagat.

YESAYA 17:10

Israel, iko in nokoḻiongdon kon i Allah inta noposaḷamat bo noḷukad kon inimu naonda bo buḷud batu inta moroton. Noyoḻiu kon tua, iko in nomuḷadon kon gobá mita sin ogoi kon dewa mita.

YESAYA 25:4

Sin iko in mobaḻí poḷoḷaguian in intau mita inta moyangkó, nobaḻí tampat inta moaman kon intau inta bogá kon dodai in mororiga. Ikobí in pogogadopan aka oyúon in deḷang, pononiungan aka mopatú totok. Sin intau moromú monubu naonda bo deḷang kon sempo in uagat,

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

YESAYA 26:8

Kami in dumudui kon onu inta sinantú-Mu, o Tuhan, bo tantú mogoḷat mako kon ini-Mu; Ikobí in dayowon bo inta tano-tano bo in gina nami.

YESAYA 37:3

Naa in koyow i Hizkia inta pinoyaput monia kon i Yesaya, “Singgai in naa singgai in ponogumatoian; kita in ihukum bo siningkuḻe. Kita in naonda bo bobay inta mononggadídon, táe kinodaitandon in ropot.

YESAYA 40:10

Indoiai, ki Tuhan Allah in namangoi takin kawasa sin mogaid kon oaidan pongin ropot-Nea. Sia in sinakinan in intau mita inta ain pinoḷuat-Nea.

YESAYA 51:5

Kasaḷamatan inta ogoi-Ku in nodiugdon; wakutu kountungan-Ku motoyongdon moiangoi. Akuoi tontaní in momarenta kon bangusa mita. Butá mita inta moyayú mogoḷat mako kon i-Nakó bo moharap mako kon oaidan-Ku inta motorindog.

YESAYA 59:16

Noherang in Sia kon diádon in mamangoi bo diá in moduḷu. Dá nomaké in Sia in kawasa-Nea tontaní sin moposaḷamat bo mobogoi kon i monia in kountungan.

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

YEREMIA 14:8

Tongábi Iko tontaní in nobaḻí kamang Israel, inta noposaḷamat kon inami nongkon anib. Táe nongonu sin Iko in naondabí bo intau ango-angoi kon butá nami, naonda bo mobobayá inta tongá nongandup togobii bo minayá bui?

OMBAḶ 3:23

umuranbí mobagu pomuḷoi in doḷo-doḷom totuu, ki Tuhan in totokbí in motoḷutui!

HOSEA 14:2

Pobuidon mangoi kon i Tuhan Allahmu, ei bangusa in Israel! Dosamu ain nokopopisí kon inimu norondog bo noḷabú.