YESAYA 32:4 - Alkitab Singog In Mongondow Masa In Tanaa

⁴ Intau inta dungkuḷmai morogi in mobaḷui bidon mosabar bo momangaḻedon totok. Intau inta motapoḷ in dilá in mokosingogdon mosilang.

YESAYA 32:4 Mawu Ofanana

IḶUAIAN 4:11

Ki Tuhan in noguman kon inia, “Ki ine in nobogoi in bibig kon intau? Ki ine in nopobaḻí sia bobó ande bongoḷ? Ki ine in nopobaḻí kon inia nokoontong ande bilog? Diábí kinotaauanmu kon Akuoibí naa?

DONDONG MOḶANTUD 7:9

bibigmu ná koromimit in tubig in anggur! Pomayádon mako sinbá anggur tatua moiḻig mayá kon batoḷ in dodobku, inta diá moobo-obot; bo mokopomuká kon totanoban, modapot in kon intau mita inta koyogot mosiug.

YESAYA 29:24

Intau bodok in mobalajarbí momangaḻe bo intau inta umuran mongunsingog in mopiabí in ginanea in tundúon.”

YESAYA 35:4

Poguman kon i monia inta mointok in gina, “Korigon in ginamu, dika moondok, ki Allahmu in mamangoi mohukum kon musung, Sia in mamangoi sin moposaḷamat kon i monimu.”

YESAYA 35:5

Kon dodai intua intau bilog in mokoontongdon, bo intau bongoḷ in mokodongogdon.

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

MATIUS 16:17

Dá ki Yesus in noguman kon inia, “Pia in kamang iko Simon inta buí i Yunus, sin deemanbí intau in noguman kon singog tatua kon inimu, táe ki Amámubí inta kon soroga.

OUMAN IN RASUL MITA 4:13

Intau mita kon tua inta nosidang kon i Petrus bo kon i Yohanes noherang totok in nokoontong kon kobobarani nayadua, bokaka kinotaauanbí monia kon taya dua tua in intaubí inta diá nosikoḷa. Bain tua bo kinotoropan monia kon taya dua tua in dumoduduibí i Yesus.

OUMAN IN RASUL MITA 6:7

Natuata inta nobaḻí sahingga pirman i Allah in totokdon noisiar magí mako bo intau mita inta nopirisaya kon i Yesus kon Yerusalem in nodugangdon totok in kobayongnea. Bo noantó domandon in imang in nopirisaya kon i Yesus.

GALATIA 1:23

Mosia in tongábí nokodongog kon guman in intau, “Kon siabí tua inta koḻipod nomogutú kon i monia, táe tanaa mako sia nopoyaput in kaparcayaan inta koḻipod ḷongasionnea totok inggamáan.”