YESAYA 32:19 - Alkitab Singog In Mongondow Masa In Tanaa

^19-20 Totuu mosanang in moiko komintan sin tugat in tubig kon pinomuḷamu, bo bobiagonmu in kon ondakabí in bayáannea pongaanan takin diá in monuyayow. Táe musungmu in nádon onda bo kayuon inta inonag in uyan batu bo kotá monia in rumbunon.

YESAYA 32:19 Mawu Ofanana

YESAYA 10:18

Kayuon mita inta moromon bo gobá mita inta mopia kon butá in Asyur in yompatonbí modait, naonda bo intau notakit inta nororiga dapot in minatoi.

YESAYA 10:19

Pangkoi mita in kayu in dongka bidon topiḻik, dá mongoadí in mokoiap bidon kon tua.

YESAYA 10:33

Ki Tuhan Inta Totok in mokawasa in mogumpagbí kon i monia naonda bo tanga inta pinongkó nongkon pangkoinea. Inta totok in mobambar bo inta moḷantud kon sigadnea in pupuḷonbí bo umpagon.

YESAYA 24:10

Sinangkub in kotá noropatoi; bayongan in ngara in ḷoḻingkop in baḷoi kinunsían sin kitogi baḷoi moondok.

YESAYA 24:12

Kotá ain norimumud totok, bo bonawangnea mita noumpag posiyayit.

YESAYA 25:2

Kotá tatua ain irimumud-Mu; kotá inta dininding tua dongkadon rumbunnea. Komaḻig inta pinosindog in intau ango-angoi ain noyompat, bo diá bidon pinosindog bui dapot in mononoi.

YESAYA 25:4

Sin iko in mobaḻí poḷoḷaguian in intau mita inta moyangkó, nobaḻí tampat inta moaman kon intau inta bogá kon dodai in mororiga. Ikobí in pogogadopan aka oyúon in deḷang, pononiungan aka mopatú totok. Sin intau moromú monubu naonda bo deḷang kon sempo in uagat,

YESAYA 26:5

Ki Tuhan mopoonag kon intau inta moḷoḷatú; Sia in morimumud kon kotá monia inta dininding, bo potondodaion-Nea in butá.

YESAYA 27:10

Kotá inta dininding tatua noingongowdon bo sinaḷáan naonda bo rawang noingkag inta diá koonu bo onu. Paanan in bobiagon mokaan kon bonok bo mogogai kon tua poḷat mokopodait kon daun mita inta kon tanga mita in kayu.

YESAYA 28:17

Koadilan baḻíon-Ku tontogot pogogukur, bo gina motuḻid baḻíon-Ku tontogot ponigad.” Uyan batu in mobundur mokopodarit kon bayongan in uboḷ inta pongata monimu. Ḷunud in mogiḻigbí kon pogogadopanmu.

YESAYA 28:2

Ki Tuhan in mopotabábí mangoi kon intau tobatú inta moropot bo motorindog. Koangoinea in naonda bo deḷang kotaki-takin in uyan eis, naonda bo uyan morogot bo ḷunud inta mokoiḻig. Pongin ropotnea pogambatnea in mosia kon butá.

YESAYA 29:4

Yerusalem in nádon onda bo dimbuḷó inta moḷongasi mopodongog in singognea nongkon bonu in butá, singog inta mokayow nongkon bonu in ḷobud.

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

YESAYA 37:24

Iko in nopotabá mangoi in totabá sin mosingog kon uboḷ kon podoyon kon kobayong in kereta in parangmu, iko in nokopotungkudon kon buḷud mita inta totok in moḷantud kon Libanon. Iko in dumodia kon iko in nomupuḷdon kon pangkoi mita in ḷokuyúnea inta totok in moḷantud bo inta totok in mogaga, bo irumudak doman kon kayuonnea mita inta totok in moromon.

NAHUM 1:1

Naa in koyow i Allah soaḷ Niniwe. Koyow tatua in pinoniata pinongin oontongon inta inogoi kon i Nahum, tobatú nabi inta nongkon Elkos.

NAHUM 1:8

Naonda bo ḷunud moḷoben inta mondangat, rimumudon-Nea in musung-Nea mita. Mosia inta mokobaḻí moḷawang kon i-Nia inandur-Nea in popatoi nodapot in noyopú.

ZAKHARIA 11:2

Ei pangkoi in daru, pogamuidon, sin noobatdon in pangkoi mita in ḷokuyú, pangkoi mita inta mongotoyang ain noumpag. Ei pangkoi mita mongoḷoben kon Basan, pongombaḷdon. Sin kayuon mita moḷoben sinokotaḷunandon komintan.

MATIUS 7:25

Naonda in nonguyan, inuntag in ḷunud bo tompot in baḷoi tatua, táe baḷoi tatua diábí nongonumai sin ain pinoposindog kon tudu in batu.

WAHYU 18:21

Onda intua, tobatú malaekat inta moropot, nobingkat kon tobatú batu inta ná koḷoben in giḻingan, bo pinogambatnea kon bonu in dagat bo poḷat noguman, “Pomiaan natua in kotá in Babel inta moḷoben tua, pogambat koropoton sahingga in diádon bui ontongon.

WAHYU 8:7

Malaekat muna in nogirup kon torompetnea, dá uyan in eis bo tuḷu noyobauk in dugú norogot totok noḷabú monag kon butá. Bo sepertiga in dunia naa nodait nopokak, ná doman tua, sepertiga doman in kayu bo bonok in noḷaḷow.