YESAYA 32:18 - Alkitab Singog In Mongondow Masa In Tanaa

¹⁸ Umat i Allah in moiḷuatbí nongkon roriga bo mobiag kon tampat inta moaman bo mopia.

YESAYA 32:18 Mawu Ofanana

MAZMUR 107:7

Sia in nodia kon i monia nongin daḷan inta notuḻid minayá in pinogutunan kon kotá.

IḶUAIAN 9:26

Tongádon butá in Gosyen, tampat pinogutunan intau mita Israel, in diá kinoonagan in uyan eis.

AMSAL 24:15

Dikabí ná intau moraat inta moyopakat mogagow kon onuka kon intau motuḻid bo mogagow kon baḷoinea.

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

YESAYA 14:3

Ki Tuhan in mopoḷuatbí kon intau in Israel nongkon takit bo roriganea, bo nongkon oaidan mobogat inta pinakisa pinoki aid kon inia.

YESAYA 2:4

Sia in mohakimbí kon sigad in bangusa mita, bo momontow kon pelekara kon sigad in suku mita in bangusa. Pitow in tontaḷon pomiaan pajeko, bo ginubat aidan roratab. Bangusa mita in diábí mositubuan, diábí domandon mosadia moparang.

YESAYA 26:12

Tuhan, Iko in mopobaḻíbí kon inami mobiag motompia; bayongan inta inaidan nami, Ikobí in nopoaid kon inami.

YESAYA 26:3

Tuhan, Iko mobogoi in dodamean bo kobiagan motompia kon intau inta moroton in ginanea, sin mopirisaya in sia kon ini-Mu.

YESAYA 28:12

Ki Tuhan nokipiḻí in tampat pogogaian kon i monimu komintan, táe moiko in doí mokidongog kon i-Nia.

YESAYA 30:15

Ki Tuhan Inta Totok in moḷantud, ki Allah mokudus in israel, noguman kon umat-Nea, “Pogogaidon mogaid kon diá mopia bo tantúdon koonow in gina, dá moiko in posaḷamaton-Ku. Popirisayadon kon i-Nakó pongin gina inta moodom, dá moiko in iropotan-Ku.” Táe moiko in doíbí!

YESAYA 33:6

bo mobogoi in inta moaman kon umat-Nea. Kaoyúonan inta mokosaḷamat kon i monia in kabijaksanaan bo sinotaau takin horomat kon i Tuhan.

YESAYA 65:21

Intau in moposindogbí in baḷoi bo mogutun kon tua tontaní; intau ibanea in diábí mogutun kon tua. Mosia in momuḷabí kon gobá in anggur bo monginum kon tubig in anggurnea; intau ibanea in diábí monginum kon tua. Umat-Ku in moumurbí in kobiagannea naonda bo pangkoi in kayu, bo mokaan kon bungai in ḷopí monia.

YESAYA 65:9

Tongosilai in Intau in Israel nongkon suku in Yohuda in barakatan-Ku, bo buí monia in mokadai kon butá buḷud-Ku. Intau mita inta piniḻí-Ku inta mogundoi kon i-Nakó in mogutunbí kon tua.

YEREMIA 33:16

Intau in Yohuda bo intau inta nogutun kon Yerusalem in posaḷamatonbí bo mobiag moaman. Kotá in Yerusalem in tangoian ‘Tuhan Mopoposaḷamat Naton’.

YEHEZKIEL 34:28

Mosia in diá bidon pogagowan in bangusa mita inta diá nonotaau kon i-Nakó, andeka domokon in mahaḷuk mita moraat. Mosia in mobiag bidon motompia bo mooyúon, bo diá bidon in tobatúmai in intau in mopogogondok kon i monia.

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

ZAKHARIA 2:8

Ki ine in monubu kon i monimu, in monububí kon batoḷ in dodob-Ku.” Dá Ki Tuhan Inta Totok in mokawasa in nopotabá kon inakó mopotaau in koyow tanaa kon bangusa mita inta ain nogagow kon umat-Nea,

ZAKHARIA 3:10

Aka singgai tatua moiangoi, pomuḷoi in intau in mogoiníbí kon topodiugneamai sin mamangoi motarima kon dame bo kobiagan motompia kon yua-yuak in gobá mita in anggur bo pangkoi mita in aramu.”

IBRANI 4:9

Manangka intua, kon umat i Allah oyúonpabí in dandi pogogogaian ná ki Allah inta nogogai doman kon singgai impitunea.

YOHANES 1 4:16

Kita tontaní ain nonotaau bo nopirisaya kon tabi i Allah kon i naton. Ki Allah tua in tabibí. Intau inta umuran kototabi kon tumpaḷa intau, in notobatúdon takin i Allah in Sia, bo ki Allah in notobatúdon takin intau tatua.