YESAYA 32:14 - Alkitab Singog In Mongondow Masa In Tanaa

¹⁴ Nodapot in komaḻig in taḷaan bo ki iná in kotá inta morame mobaḻídon moingongow. Buḷud bo ḷangkeang mita poḷoḷukadan sinondodaidon in butá modapot in mononoi. Keledai mita ḻindong bo domba mita in modondaḷoi magí mako kon tua bo mokaan kon bonok kon tua.

YESAYA 32:14 Mawu Ofanana

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

TAWARIKH 2 33:14

Onda intua ki Manasye in noginḷantud kon dinding in ḷuai inta kon dotá in pomukaan kon Kotá i Daud. Pinangkoinea nongkon tampat tobatú kon ḷopá kon diug in bokaká in Gihon bo minayá ná utuan nodapot in Bonawang Toyá bo dotá in kotá inta sinangoi Opel. Kon batúan in kotá inta dininding kon Yohuda, sinampatnea doman in tobatú tongguḷu totokan in tontara.

MAZMUR 104:11

sin mopoinum kon bayongan in mahaḷuk kon gobá, bo mopoguḻí in rogang kon keledai mita kon kayuon.

YESAYA 22:2

Diábí patus in bayongan kotá momia kon rame bo morogiow sanang in gina. Sin pojuangmu mita inta minatoi kon parang tanaa in deemanbí minatoi popisí in noparang.

YESAYA 24:10

Sinangkub in kotá noropatoi; bayongan in ngara in ḷoḻingkop in baḷoi kinunsían sin kitogi baḷoi moondok.

YESAYA 24:12

Kotá ain norimumud totok, bo bonawangnea mita noumpag posiyayit.

YESAYA 25:2

Kotá tatua ain irimumud-Mu; kotá inta dininding tua dongkadon rumbunnea. Komaḻig inta pinosindog in intau ango-angoi ain noyompat, bo diá bidon pinosindog bui dapot in mononoi.

YESAYA 27:10

Kotá inta dininding tatua noingongowdon bo sinaḷáan naonda bo rawang noingkag inta diá koonu bo onu. Paanan in bobiagon mokaan kon bonok bo mogogai kon tua poḷat mokopodait kon daun mita inta kon tanga mita in kayu.

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YESAYA 5:9

Dinongog-Ku in ki Tuhan Inta Totok in mokawasa in nongibot, “Baḷoi mita inta moḷoben bo inta mongogaga tanaa komintanbí taḷaanmai bo diá utunan.

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YESAYA 7:23

Kon tungkuḷ intua gobá mita in anggur inta kon batúannea pinomuḷaan kon pangkoi in anggur toribu bo inta boḻinea in toribu in doit saḷaka, in kobiagan in bo bonganga.

YEREMIA 14:6

Kon tudu in buḷud keledai ḻindong tongádon simindog mako, matanea mokayow popisí in diádon in bonok; mopoginang-ginang in sia naonda bo serigala.

YEREMIA 33:4

Komaḻig i datu in Yohuda bo baḷoi mita kon kotá in Yerusalem ain kinokai sin moginropot kon poḷukadan kon pinongopungan bo pinonubuan in musung. Táe Akuoi, ki Tuhan, Allah in Israel, noguman kon

YEREMIA 52:27

Kon wilayah in Hamat. Kon tua iroriga in mosia bodongka iḻimod. Natuata in intau mita in Yohuda inakut nongkon butá monia bo pinobayá in tampat pinoḷumbúan;

YEREMIA 6:5

Maníka tubuon naton doḷom, bo rimumudon in dinding mita in kotá tatua.”

HOSEA 2:3

Aka sia umuran sumundaḷ, yo ḷongkutan-Kubí in ḷambungnea sinbá mopilang in sia naonda bo kon singgai in sia pinononggadí. Baḻíon-Ku in sia naonda bo butá inta noingkag, dá matoi in rogang in sia.

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

ZEPANYA 2:15

Tuata in mobaḻí kon kotá inta norame tatua bo inta nonganggap noaman mako in sia. Intaunea mita in nonganggap kon kotá monia tua in kotá inta totok in moḷoben kon dunia naa. Totuudon moingongow in butá tatua, diá bidon in mogogutunnea koḻikud bidon in mahaḷuk mita in kayuon inta nonompugad kon tua! Bayongan in intau inta moitaḻib kon kotá tatua moitaḻikokogbí bo mokoningkim in awak.

ZEPANYA 2:7

Intau in Yohuda inta mokoḷagui, in mogutunbí kon butámu tatua. Mosia in momiagbí kon bobiagon kon butá tatua, bo kon dodai in doḷom mosia in mosiugbí kon baḷoi mita in intau in Askelon. Sin ki Tuhan, Allah monia in moḷukadbí bui kon i monia bo mopobaḻí bui kon i monia motomoman.

LUKAS 21:20

“Aka ontongon monimu bo Yerusalem in kopungondon in tontara mita, yo kotaauandon monimu kon diádon moonggot bo poguyaatondon in kotá tatua.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”