YESAYA 32:13 - Alkitab Singog In Mongondow Masa In Tanaa

¹³ sin butá in bangusaku kinobiagan in mainggoa bo bonganga. Oo, ombaḷaidon in baḷoimu mita tampat pobobarasanangan in intau bo kotá inta nopuḻing in rame!

YESAYA 32:13 Mawu Ofanana

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

YESAYA 22:2

Diábí patus in bayongan kotá momia kon rame bo morogiow sanang in gina. Sin pojuangmu mita inta minatoi kon parang tanaa in deemanbí minatoi popisí in noparang.

YESAYA 23:7

Indoiaika in kotámu Tirus inta oyúondon nongkon dungkuḷpamai. Naa degá in kotá inta biasamai mobarasanang? Naa degá in kotá inta nopotabá in intau mita minayá in ḷoḷan in dagat sin morantau mayá in tua?

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YESAYA 24:11

Intau mita nomaḷú kon daḷan mita popisí in kinodaitan in tubig in anggur. Diádon in mokosanang kon butá tatua modapot in mononoi.

YESAYA 27:10

Kotá inta dininding tatua noingongowdon bo sinaḷáan naonda bo rawang noingkag inta diá koonu bo onu. Paanan in bobiagon mokaan kon bonok bo mogogai kon tua poḷat mokopodait kon daun mita inta kon tanga mita in kayu.

YESAYA 34:13

Purinea mita bo kotánea mita inta oyúon in poḷoḷukadan in kobiagandon in bo bonganga bo bonok, bo pogutunan in ungkú in kayuon bo ḷagapan unta.

YESAYA 5:10

Bungai in pinomuḷa diá mopia, gobá in anggur inta koḷobennea mopuḷú nohitare tongá kouḻían kon mopuḷú noliter in tubig in anggur. Mogatut noliter in bibitnea tongá kinouḻían kon mopuḷú noliter in gandum.”

YESAYA 5:6

Pomayá-Kubí mako in sia in kobiagan in bonok. Pangkoi in anggurnea diábí rapadan-Ku, bo diábí tuyangan-Ku. Modapotbí in pomayá-Ku mako kokoḷoban in mainggoa bo bonok, nodapot in goḷom mita diá ogoi-Ku mopoḷabú in uyan kon tudunea.”

YESAYA 55:13

Pangkoi in ḷokuyú in momaḷui kon pangkoi in bo bonganga, pinomuḷa bungang in momaḷui kon dogami. Tua in mobaḻí sinbá Akuoi in popotaau magí-mako; nobaḻí tomponuot inta mononoi inta diá mobuḻi-buḻi.”

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YESAYA 7:23

Kon tungkuḷ intua gobá mita in anggur inta kon batúannea pinomuḷaan kon pangkoi in anggur toribu bo inta boḻinea in toribu in doit saḷaka, in kobiagan in bo bonganga.

YEREMIA 33:4

Komaḻig i datu in Yohuda bo baḷoi mita kon kotá in Yerusalem ain kinokai sin moginropot kon poḷukadan kon pinongopungan bo pinonubuan in musung. Táe Akuoi, ki Tuhan, Allah in Israel, noguman kon

YEREMIA 39:8

Bo intau mita in Babel nonurub kon komaḻig in datu bo baḷoi mita in rayat, poḷat nogumpag kon dinding mita in Yerusalem.

YEREMIA 52:27

Kon wilayah in Hamat. Kon tua iroriga in mosia bodongka iḻimod. Natuata in intau mita in Yohuda inakut nongkon butá monia bo pinobayá in tampat pinoḷumbúan;

HOSEA 10:8

Kuil mita kon tombuḷud mita kon Betel tampat in intau in Israel mosumba kon berhala, in rimumudon. Dugi bo bonok in mobiagbí kon mezbah monia. Bo mosia in momaḷúbí kon buḷud mita, “Bumbunaidon in kami!” bo kon tombuḷud mita, “Dantugaidon in kami!”

HOSEA 2:3

Aka sia umuran sumundaḷ, yo ḷongkutan-Kubí in ḷambungnea sinbá mopilang in sia naonda bo kon singgai in sia pinononggadí. Baḻíon-Ku in sia naonda bo butá inta noingkag, dá matoi in rogang in sia.

HOSEA 9:6

Aka bodito moiangoi, bo moiko in diaan kon butá ibanea, dá inta kinotaḷáan kon sigad monimu in sipunonbí in intau mita in Mesir sin ḻimodon bo ḷobongon kon Mempis! Bonok bo dugi in mobiagbí moikoḷob kon tampat mita inta pinobaḷoianmu koḻipod bo pakakatmu mita saḷaka inta koboḻi.