YESAYA 30:9 - Alkitab Singog In Mongondow Masa In Tanaa

⁹ Sin, mosia tua in bangusa inta moibog momaḷawang kon i Allah, moibog monguboḷ bo diá kon dodai in onda in moibog mokidongog kon totundú i Tuhan.

YESAYA 30:9 Mawu Ofanana

TAWARIKH 2 33:10

Ki Tuhan nonoboḷow kon i Manasye bo rayatnea, táe mosia in doíbí mokidongog.

MAZMUR 78:8

sinbá mosia diá naonda bo mogoguyang monia inta moibog momarontak bo monaḷámai; bui inta noḻiai in pirisayanea, bo diá motoḷutui kon i Allah.

MAZMUR 81:12

Táe umat-Ku in doí mokidongog kon i-Nakó, Israel in doí motoindudui kon i-Nakó.

AMSAL 28:9

Aka iko bo diá motoindudui kon hukum i Allah, yo ki Allah in doíbí doman kon sambayangmu.

YESAYA 1:10

Yerusalem, itoimu mita bo bangusamu ain nobaḻí naonda bo intau in Sodom bo Gomora. Indongogaipa onu inta pinoguman i Tuhan kon inimu; tondudutka onu inta sinundú i Allah naton.

YESAYA 1:2

Indongogaidon ei ḷangit, tondudutka ei butá! Ki Tuhan in noguman, “Adí mita inta ain biniag-Ku nomarontak kon i-Nakó.

YESAYA 1:4

Moboditodon in moiko bangusa inta binaradosa, intau mita inta moromú bo moraat! Moiko nion in noitampuḻisi popisí in dosamu mita. Moiko in nondoídon kon i Tuhan bo nonoḻikudon kon i Allah Inta Totok in motusi inta musti sumbáan monimu.

YESAYA 10:5

Ki Tuhan in noguman, “Moboditodon in Asyur! Asyur in pakéon-Ku nobaḻí sambok bo popangkuḷ sin momongkug kon intau mita inta kinotugatan in torú-Ku.

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

YESAYA 24:5

Butá mobaḻí mokotor popisí in intaunea iḻimimpat kon parenta mita i Allah, nomaḷui kon inta ain sinantú-Nea mita bo nonoḻikud kon dodandian inta pinomia-Nea noyotakin monia modapot in mononoi.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.

YESAYA 30:1

Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia.

YESAYA 48:4

Kinotaauan-Ku kon iko in motogat in gina, motontogat in uḷu naonda bo pamandot.

YESAYA 5:24

Moiko in nondoídon kon totundú i Tuhan Inta Totok in mokawasa, bo noningkuḻe kon parenta i Allah inta mokudus in Israel. Tuamai, ná onda bo wawa bo bonok noingkag nodait nopokak kon bonu in tuḷú, natua doman in uakatmu mita mobongkogdon, bungangmu mita moingkag bo modait irupon in tompot.

YESAYA 63:8

Ki Tuhan in noguman, “Totuu, mosia in umat-Ku, adí mita inta diá mokokudai kon gina.” Dá Sia in nobaḻí mopoposaḷamat monia,

YESAYA 65:2

Akuoi in umuranbí mogoḷat mako in motomu kon umat-Ku, táe mosia in moibog momarontak. Bangusa tatua in mogaid kon inta moraat bo dumudui kon tomayánea tontaní.

YEREMIA 35:14

Ki Yonadab in nogimaḷow kon buínea in monginum kon anggur, bo mosia in motoindudui kon imaḷow tatua. Nodapot in singgai naa diá tobatúmai in intau nongkon i monia in nonginum kon anggur. Táe Akuoi in tantúbí mosingog kon i monimu, bo moiko in doí mokidongog.

YEREMIA 7:13

Umpaka mopobui-buimai in Akuoi mosingog kon inimu, moiko in doíbí mokidongog. Moiko in mogaidbí kon bayongan in dosa tatua, bo doí tumubag aka oiníon-Ku.

YEREMIA 7:28

Dá, pogumandon kon i monia kon mosia in bangusa tobatú inta doí motoindudui kon i-Nakó, Tuhan, Allah monia. Mosia in doí mobalajar nongkon hukuman inta ain kinorasaannea. Kotoindudui kon i-Nakó in noinggamádon, nodapot in diá bidon inouman bui.”

YEREMIA 9:3

bo umuran mosadia monguboḷ. Kon sinangkub in butá, inta mobanar diádon nongawasa, nodapot in aid diá mojujur noibaya-bayádon mako. Ki Tuhan in noguman, “Umat-Ku in nogaidon kon inta moraat diádon mogoga-gogai, diádon ináku monia in Akuoi nobaḻí Allah monia.”

YEHEZKIEL 24:3

Akuoi, ki Tuhan, kopoumpamaan tobatú inta potaau kon umat-Ku inta moibog momarontak: Aḻin in tubig kon bonu in pansi bo tuon kon tudu in tuḷú.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

ZEPANYA 3:2

Moboditodon in kotá inta doí motarima kon tompoingat i Tuhan, bo doí doman mopandungmai kon toboḷow-Nea mita, bo inta diá moposarakan in ukurnea kon i Tuhan, bo dia mokituḷung kon i-Nia!

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

ULANGAN 32:20

Guman-Nea, ‘Akuoi in doí bidon motuḷung kon i monia bui; umpakabí indoian-Kudon mako in kororiga monia. Sin bangusa tatua motontogat in gina bo beresibí diá motoindudui.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 22:15

Táe intau mita inta nogaid kon soaḷ mita inta moromú, inta moibog monggaing, bo intau mita inta mogaid kon soaḷ mita inta mokotor, inta moḻimod, mosumba kon berhala, bo intau mita inta mouboḷ, pinomayá tosingogon ande oaid, komintan intau natua, kon ḷuai in kotá in tampatnea.