YESAYA 30:8 - Alkitab Singog In Mongondow Masa In Tanaa

⁸ Ki Allah in nopotabá kon inakó nomais kon aid moraat in umat-Nea kon bonu in buk tobatú nobaḻí tompoingat mononoi.

YESAYA 30:8 Mawu Ofanana

YESAYA 2:2

Kon singgai mita moiduduimai buḷud kinoḻitúan in Baḷoi Tuhan inta moḷantud bo inta noisindog moroton kon tudu in buḷud mita bo tombuḷudnea mita. Bayongan in bangusa moyotakinbí in mayá intua,

YESAYA 34:16

Tayakdon bo bacadon kon bonu in Buk i Tuhan: Diábí tobatúmai in nongkon bayongan in biag tatua in mobuḻi andeka diá kogapang. Sin natuata in parenta i Tuhan, bo Sia tontaní inta ain nosipun kon i monia.

YESAYA 8:1

Ki Tuhan in noguman kon inakó, “Gamádon in batu pomomaisan moḷoben, bo paisdon kosilang: ‘Pogagowan inta Mokaḻet, Pogagowan inta moḻikat’.

YEREMIA 23:20

Torú-Nea in diábí mooyong aka diápa mobaḻí in inta sinomayá-Nea motuoi. Kon singgai moiduduimai umat i Tuhan in momangaḻebí totok kon tua.”

YEREMIA 30:2

noguman kon inakó, “Paisdon kon bonu in buk tobatú in bayongan inta ain pinoguman-Ku kon inimu.

YEREMIA 36:2

“Gamádon in ḻitodan in buk tobatú, bo paisdon kon tua in bayongan inta ain pinoguman kon inimu soaḷ Israel bo Yohuda, soaḷ bayongan in bangusa. Paisdon in bayongan tosingogon-Ku pinangkoi kon dungkuḷ totok Akuoi nosingog kon inimu kon tungkuḷ in pinomarentaan i Datu Yosia nodapot in singgai naa.

YEREMIA 36:4

Tuamai in inoiníku in ki Barukh ki adí i Neria bo pinoki pais kon ḻitodan in buk in bayongan tosingogon inta pinoguman i Tuhan kon inakó. Dá nodait i Barukh pinais intua kon ḻitodan in buk tatua.

YEREMIA 48:47

Táe kon singgai moiduduimai pobuíon-Kubí in kaadaan in butá in Moab. Akuoi, ki Tuhan, ain nosingog!” Tuata in aidan i Tuhan kon Moab.

YEREMIA 51:60

Bayongan in bodito inta moiantug kon Babel bo soaḷ mita ibanea kon butá tatua ain pinaisku kon ḻitodan in buk.

YEHEZKIEL 38:16

Bo sinubumu in umat-Ku Israel naonda bo deḷang nondangat kon dunia. Aka wakutunea moiangoidon, iko in potabá-Ku sin mongawasa kon butá-Ku. Takin aid-Ku pongin inimu, ei Gog, bayongan bangusa in monotaaudon mongo ki ine in Akuoi, tuata in ki Allah inta motusi.

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

HABAKUK 2:2

Ki Tuhan in notubag kon inakó nanaa, “Kurigdon kosimantag kon butá ḷamentong tobonsig, onu inta poponiata-Ku kon inimu, sinbá mopia bacaan.

PINOGIAPAN 24:14

Guman i Bileam kon i Balak, “Naa in akuoi mobuidon kon bangusaku. Táe kon dodai in akuoi diápa mayá, potaaukupa muna kon i Tuangku onu in aidan in bangusa Israel kon bangusa i Tuangku kon singgai moiduduimai.”

ULANGAN 31:19

Tuamai in paisdon in dondong tanaa bo tundúdon kon bangusa Israel nobaḻí tomponiata kon i monia.

ULANGAN 31:22

Kon singgai doman in tatua ki Musa nomais kon dondong tatua, bo notundú kon bangusa Israel.

ULANGAN 31:29

Kinotaauankubí kon naonda in akuoi matoi, intau mita tatua mobaḻídon moraat bo mondoí kon onu inta ain sinundúku kon i monia. Bo kon singgai moiduduimai mosia in kotugatan in bodito, sin nokopomukádon kon torú i Tuhan sin nogaid kon onu inta kinodoí-Nea.”

ULANGAN 4:30

Aka moiko koantugan in bayongan bodito tatua bo moiko kon bonudon in roriga, dá moiko in mobuidon mangoi kon i Tuhan Allahmu bo motoindudui kon i-Nia.

TIMOTIUS 1 4:1

Roho i Allah in muna bidon noguman nanaa: Kon singgai mita inta moiduduimai, oyúon in intau mobaḷuidon in pirisaya monia kon i Kristus. Mosia in dumuduidon kon dimukud mita inta tongá mopororigamai bo poḷat doman dumudui kon totundú mita in dimukud moraat tatua,

PETRUS 2 3:3

Inta musti totok kotaauan monimu in nanaabí: Kon singgai tumi mamangoi in intau mita inta kobobiag monia kinawasa ibog in awak monia tontaní. Mosia in moningkuḻe kon i monimu.

YUDAS 1:18

Munadon pinotaau monia kon inimu, kon aka kodiug-kodiugdon in singgai pangabisan yo moiangoibí in intau mita inta moningkuḻe kon i monimu, mosia tuata in intau mita inta nobiag podudui in ibog monia inta baradosa naa.