YESAYA 30:7 - Alkitab Singog In Mongondow Masa In Tanaa

⁷ Totuḷung in Mesir diábí in mangaḻenea. Tuamai Mesir sinangoian-Ku, ‘Naga inta diá mokobahaya’.”

YESAYA 30:7 Mawu Ofanana

AYUB 9:13

Ki Allah in diábí motagú kon torú bo patú in gina-Nea; mototuḷung mita i Rahab in noondok doman kon i-Nia.

MAZMUR 87:4

“Mesir bo Babel in potuoton-Kubí kon bonu in bangusa mita inta motoindudui kon i-Nakó. Nodapot in Pilistea, Tirus bo Sudan moituot mobaḻí intau in Yerusalem.”

MAZMUR 89:10

Iko in nongawasa kon dagat inta mondoḷodokmai, bo nopooyong kon bokoḷnea inta motoyang.

IḶUAIAN 14:13

Ki Musa in noguman, “Dika moondok! Korigonon in gina! Ontongonbí monimu onu in aidan i Tuhan sin moposaḷamat kon i monimu. Intau in Mesir inta inontong monimu tanaa, diá bidon ontongon bui monimu.

AMSAL 25:19

Mopirisaya kon intau momomaḻidawan kon dodai in mororiga in naonda bo mopongokob in ingipon inta ain nodandú andeka mopobayá in sioḷ nopengkoḷ.

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YESAYA 2:22

Dá, dikabí umandoḷ kon intau inta mato-matoi naa, sin sia in diábí in mangaḻenea.

YESAYA 20:6

Kon tungkuḷ intua intau mita inta nogutun kon bingkí in dagat in mogumandon, ‘Indoiaika onu inta nobaḻí kon bangusa inta pinongata naton sin moḷukad kon i naton nongkon datu in Asyur. Umpaka yo mosaḷamat in kita?’ ”

YESAYA 28:12

Ki Tuhan nokipiḻí in tampat pogogaian kon i monimu komintan, táe moiko in doí mokidongog kon i-Nia.

YESAYA 30:15

Ki Tuhan Inta Totok in moḷantud, ki Allah mokudus in israel, noguman kon umat-Nea, “Pogogaidon mogaid kon diá mopia bo tantúdon koonow in gina, dá moiko in posaḷamaton-Ku. Popirisayadon kon i-Nakó pongin gina inta moodom, dá moiko in iropotan-Ku.” Táe moiko in doíbí!

YESAYA 30:5

bayongan in intau mooyábí popisí in nopongatadon in bangusa inta diá in mangaḻenea kon i monia. Inta nouḻí monia in deemanbí kauntungan andeka totuḷung, táe singkuḻebí.”

YESAYA 36:9

Umpaka tongá monayow kon porwira in Asyur inta totok in moompá yo moiko nion in deemanbí ḷawangnea. Tongá moiko in moharap doman mako kon Mesir in mokidia in bantungan kereta in parang bo tontara mita inta tumakoi kon kabaḷo!

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

YESAYA 7:4

Pogumandon kon i datu kon sia in musti tantú mosadia bo umuran mokopoonow. Dikabí in sia moondok andeka motoboḻingo. Torú i Datu Pekah bo i Datu Rezin takin tontaranea intau mita in Siria tatua in diábí noiḻiu kon doyowa in oḷuton inta nonompoyok.

YEREMIA 37:7

noguman nanaa kon totabá i Datu Zedekia: “Pogumandon kon i Zedekia, ‘Tontara in Mesir inta nion tayo-tayow mangoi sin motuḷung kon inimu, in momurowbí bo mobui.

OMBAḶ 3:26

Dá, biódon mako mogoḷat in kita takin gina moodom modapot in ki Tuhan mamangoi motuḷung;

HOSEA 5:13

Bangusa in Israel bo bangusa in Yohuda nonotaaudon kon kaadaannea inta diá mopia, dá Israel minayá in Asyur bo mopoigum in totuḷung kon i datu moḷoben. Táe ki datu tatua in diábí mokotuḷung andeka monompia bui kon kaadaan monia.