YESAYA 30:2 - Alkitab Singog In Mongondow Masa In Tanaa

² Mosia minayá in Mesir takin diá nopoigum in kinotantúan in tosingogon-Ku. Mosia in nokioḻiung kon Mesir bo moharap mako kon totuḷung in datu in Mesir.

YESAYA 30:2 Mawu Ofanana

DATU MITA IMITÁNEA 22:7

Táe ki Yosapat in bui noḻibó, “Diá degá in kon naa in nabi ibanea inta motaau moḻibó kon i Tuhan sin kopontingan naton?”

DATU MITA 2 17:4

Táe kon wakutu tobatú, ki Hosea in nopotabá in totabá kon i So datu in Mesir sin mopoigum in totuḷungnea. Bo ki Hosea in nogogaidon in noguboḻi kon iba taongan kon i Asyur. Naonda in kinotaauan i Salmaneser in aid i Hosea tatua, dinomoknea in ki Hosea bo binonunea kon ponjara.

DATU MITA 2 18:21

Totuubí kon iko nion in mogoḷatbí mako kon totuḷung in Mesir, táe tua in notongkaibí in ná noponungkud in pangkoi in padang; dika-dika moputoḷ in tungkud tatua bo moiturak in ḻimamu. Natuata in dodia in datu in Mesir kon bayongan intau inta mogoḷat mako kon totuḷungnea.’ ”

YESAYA 16:3

Mosia in noguman kon bangusa in Yohuda, “Pogumandon mongo onu in musti aidan nami. Kobaḻídon pononiungan nami inta mooḷom kon tungkuḷ in singgai moutu, bo pomayádon mako in kami in moniung kon siungonmu. Kami naa in moḷoḷagui; bunipa in kami bo dika mopoyagi-yagimai kon inami.

YESAYA 18:1

Nongkon ḻipú tobatú kon ḷoḷan in ongkag mita in Sudan kinodongogandon in singog in pangkoḷá.

YESAYA 36:6

Totuu kon iko in umandoḷ mako kon totuḷung in Mesir, táe tua in notongkaibí in moponungkud in pangkoi in padang; – bá moputoḷ in tungkud tatua bo ḻimamu in moiturak. Natuata in aid in datu in Mesir kon bayongan intau inta umandoḷ mako kon inia.’ ”

YESAYA 36:9

Umpaka tongá monayow kon porwira in Asyur inta totok in moompá yo moiko nion in deemanbí ḷawangnea. Tongá moiko in moharap doman mako kon Mesir in mokidia in bantungan kereta in parang bo tontara mita inta tumakoi kon kabaḷo!

YESAYA 8:19

Táe intau mita in mopotabábí kon i monimu mopoigum in topotundú nongkon mongongundam mita inta gumombong bo inta mongumi-ngumit. Intau mita tatua in mogumanbí, “Patus aka degá in kita mopoigum in topotundú kon dimukud mita popisí in inta nobiagpa?”

YEREMIA 2:18

Onu in mangaḻe in binayáanmu in Mesir? Monginum degá kon tubig in Ongkag in Nil? Onu in mangaḻenea in bayáanmu in Asyur? Monginum degá kon tubig in Ongkag in Eprat?

YEREMIA 21:2

“Poigumdon kon topotundú kon i Tuhan sin kopontingan naton, sin ki Nebukadnezar datu in Babel takin tontaranea in koyogotdon mongopung kon kotá naton. Dika-dika bo ki Tuhan in mogaidbí kon inta mokoherang kon inaton, bo momakisa kon i Nebukadnezar mopotabá umundok in tontaranea.”

YEREMIA 37:5

Tontara in Babel koyogot in mongopung kon Yerusalem, táe naonda in dinongog monia kon tontara in Mesir ain nobuat nongkon Mesir sin moparang, inumundok in mosia.

YEREMIA 42:2

kon inakó bo noguman, “Amá, ná inta inontong tontaní i Amá, kami naa dungkuḷmai in nobayong, tanaa in dongkadon topiḻik. Poigumon nami kaasí sambayanganpa i Amá in kami kon i Tuhan Allah inta sinumba i Amá. Sambayangaipa in kami inta ki agatneapa naa,

YEREMIA 42:20

kon moiko in nogaidon kon taḷá moḷoben. Moiko in nopoigum sinbá akuoi in mosambayang kon i Tuhan Allah naton sin kopontingan monimu, bo moiko in nodandi kon dumuduibí kon bayongan inta pinoguman i Tuhan.

YEREMIA 43:7

Mosia in noḷawang kon parenta i Tuhan, bo minayá in Mesir nodapot in kotá in Tahpanhes.

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

HOSEA 7:13

Mobodito in mosia, sin mosia in nonaḷámaidon kon i-Nakó. Mosia in morimumudbí sin nomaḷawangdon kon i-Nakó. Akuoi in moibogbí moposaḷamat kon i monia, táe ibada monia kon i-Nakó in tongábí ubo-uboḷ ibada.

HOSEA 8:10

Táe sipunon-Kubí bo hukumon in mosia. Diádon moonggot bo mosia in mogongot popisí in monakit, aka mosia dorotondon i datu in Asyur.

HOSEA 8:9

Naonda bo keledai ḻindong inta iḷumoḷongon, natuata in intau mita in Israel dinumudui kon ibog mita monia tontaní. Mosia in notayak kon totuḷung nongkon Asyur, bo notaḷui kon yoyobayatan in bangusa mita ibanea.

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

ULANGAN 28:68

Ki Tuhan in mogatodon bui kon i monimu mayá in Mesir tumakoi kon kapaḷ, umpaka Sia ain noguman kon moiko in diá bidon mobui mayá intua. Kon tua moiko in moramuji mopotaḷui in awakmu mobaḻí ata kon musungmu, táe diá tobatúmai in moibog motaḷui kon i monimu.”

YOSUA 9:14

Dá intau mita in Israel notarimadon kon topiḻik in kaanon in intau mita in Gibeon tatua, bo diádon iḻibó monia kon i Tuhan intua.

HAKIM MITA 9:15

Bonganga tatua notubag, ‘Aka totu-totuubí in moiko moibog mopobaḻí kon inakó datumu, dá koḻigaidon kon siungonku. Aka doí in moiko, dá nongkon tangaku mita inta dodugian naa ḷumuaidon in tuḷú inta momokak kon bayongan pangkoi in aras kon Libanon.’ ”