YESAYA 30:11 - Alkitab Singog In Mongondow Masa In Tanaa

¹¹ Bayádon, bo pongin daḷandon ibanea. Dika ponuyayow kon inami in Allah mokudus in Israel.”

YESAYA 30:11 Mawu Ofanana

DATU MITA 2 19:22

Kinotaauanmu degá mongo ki ine in sinibáanmu bo pinopoompámumai tatua? Akuoi, Allah in Israel, Allah inta motusi! Mokaḷakuang totok in dodiamu kon i-Nakó.

AYUB 21:14

Bokaka mosia in nogumandon kon i Allah, “Pokoyayúdon kon inami bo bayádon! Kami in doíbí mopandungmai bo doíbí motayak kon mangaḻe in makusud bo ibog-Mu kon kobiagan nami.”

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YESAYA 29:21

intau inta moibog moponapud in uboḷ, intau inta moḷamboi kon intau moraat in hukumon, bo intau inta mongonguman magí mako kon ouman uboḷ sinbá intau motuḻid diá mokouḻí kon inta moadil.

AMOS 7:13

Dikadon mohutuba kon Betel. Kotá tanaa in sinondíbí tongá kon i datu, bo tampat pooibadaan in dodatuan.”

MIKHA 2:11

Koibog monimu in nabi inta moibog monguboḷ bo mongakaḷ poḷat monoḷanow kon moiko in mokouḻíbí kon anggur bo oinumon inta mokoḷoḷangu inta mobayong totok.”

OUMAN IN RASUL MITA 13:8

Táe ki Elimas (tangoi in mososihir tatua aka kon bahasa in Yunani) in tantú momayow kon i Barnabas bo kon i Saulus, sin ramujionnea bá ki gubernur in diá mopirisaya kon i Yesus.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

SURAT I PAULUS KON JAMAAT RUM 1:30

mosia in moibog doman moporaa-raatmai kon tangoi intau ibanea; mokaḷakuang bo diá koendar, mosakí doman gina monia kon i Allah bo moibog doman totok mongonguman kon inta diá totuu. Mosia in mopandoi doman motayak kon cara mita mobagu kon pogaid kon inta moraat. Mosia moibog moḷawang kon guyanga;

SURAT I PAULUS KON JAMAAT RUM 8:7

Sin intau inta raiannea kinawasa ibog in awak, yo intau tatua mosisaturuanbí i Allah; sin intau tatua in doí dumudui kon hukum i Allah; bo totuu kon sia tua in diábí mokomampu dumudui kon hukum i Allah.

EPESUS 4:18

Raian monia tua in nosindipdon. Diábí kinotaauan monia in kobiagan inta inogoi i Allah, sin mosia in beresibí diá nonotaau in onu bo onu soaḷ ki Allah. Natua in mosia sin gina in motogat.