YESAYA 30:1 - Alkitab Singog In Mongondow Masa In Tanaa

¹ Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia.

YESAYA 30:1 Mawu Ofanana

DATU MITA 2 18:21

Totuubí kon iko nion in mogoḷatbí mako kon totuḷung in Mesir, táe tua in notongkaibí in ná noponungkud in pangkoi in padang; dika-dika moputoḷ in tungkud tatua bo moiturak in ḻimamu. Natuata in dodia in datu in Mesir kon bayongan intau inta mogoḷat mako kon totuḷungnea.’ ”

DATU MITA 2 18:24

Umpaka tongá monayow kon porwira nami inta totokkabí in moompá, yo moiko nion in diá bidon in mangaḻenea. Táe moiko in mogoḷatpa doman mako kon Mesir in mokidia mangoi in totuḷung kereta in parang bo tontara inta tumakoi kon kabaḷo!

MAZMUR 61:4

sin Ikobí in mogogoḻiungku, poḷoḷukadan inta moropot nongkon musungku.

YESAYA 1:2

Indongogaidon ei ḷangit, tondudutka ei butá! Ki Tuhan in noguman, “Adí mita inta ain biniag-Ku nomarontak kon i-Nakó.

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YESAYA 1:4

Moboditodon in moiko bangusa inta binaradosa, intau mita inta moromú bo moraat! Moiko nion in noitampuḻisi popisí in dosamu mita. Moiko in nondoídon kon i Tuhan bo nonoḻikudon kon i Allah Inta Totok in motusi inta musti sumbáan monimu.

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.

YESAYA 28:20

Moiko in naonda bo intau inta moibog mosiug kon ḷantaan inta diá tugat popouḻidan in awak. Daingnea in diá tugat pongoḷob kon awakmu.

YESAYA 29:15

Moboditodon in intau inta moḷongasi mobuni kon tomayánea kon i Tuhan! Mogaid in mosia takin umuni-uni, bo kai monia kamai diábí tobatúmai in nokoontong andeka nonotaau kon onu inta ain inaidan monia.

YESAYA 30:9

Sin, mosia tua in bangusa inta moibog momaḷawang kon i Allah, moibog monguboḷ bo diá kon dodai in onda in moibog mokidongog kon totundú i Tuhan.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

YESAYA 4:5

Bo kon tudu in Buḷud in Sion bo bayongan in intau noyosipun kon tua ki Tuhan in momaḻí kon goḷom kon dodai in singgai, poyok bo sindar in bayag kon dodai in doḷom. Ki Allah tontaní pongin kawasa-Nea mogoḻiung bo moḷukad kon bayongan in kotá.

YESAYA 5:18

Moboditodon in moiko inta tantú mogaid kon dosa!

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

YESAYA 65:2

Akuoi in umuranbí mogoḷat mako in motomu kon umat-Ku, táe mosia in moibog momarontak. Bangusa tatua in mogaid kon inta moraat bo dumudui kon tomayánea tontaní.

YESAYA 8:11

Akuoi in kinawasa i Tuhan bo inogoian in tompoingat sinbá dika dumudui kon daḷan inta binayáan in bangusa tatua. Guman-Nea,

YESAYA 8:12

“Dika duíon yopopog onu inta kai monia in yopopog, bo dika moondok kon onu inta kinoondok monia.

YESAYA 8:19

Táe intau mita in mopotabábí kon i monimu mopoigum in topotundú nongkon mongongundam mita inta gumombong bo inta mongumi-ngumit. Intau mita tatua in mogumanbí, “Patus aka degá in kita mopoigum in topotundú kon dimukud mita popisí in inta nobiagpa?”

YEREMIA 17:5

Ki Tuhan in noguman, “Aka intau monaḷámai kon i-Nakó, ki Tuhannea, bo umandoḷ kon intau poḷat umandoḷ kon ropotnea, dá hukumon-Ku in sia.

YEREMIA 2:18

Onu in mangaḻe in binayáanmu in Mesir? Monginum degá kon tubig in Ongkag in Nil? Onu in mangaḻenea in bayáanmu in Asyur? Monginum degá kon tubig in Ongkag in Eprat?

YEREMIA 37:7

noguman nanaa kon totabá i Datu Zedekia: “Pogumandon kon i Zedekia, ‘Tontara in Mesir inta nion tayo-tayow mangoi sin motuḷung kon inimu, in momurowbí bo mobui.

YEREMIA 4:17

bo moḻipung kon Yerusalem ná intau inta moḷukad kon gobá. Tua komintan in nobaḻí popisí in bangusa in Yohuda ain nomarontak kon i Tuhan. Ki Tuhan ain nosingog.

YEREMIA 42:19

Bo akuoi in noguman bui, “Ki Tuhan in nomarentadon sinbá moiko inta ki agatneapa kon Yohuda in diá mayá in Mesir. Tuamai in akuoi in mobogoi in toingat kon i monimu in tanaa

YEREMIA 5:23

Táe moiko in pamandot bo moibog moḷawang, moiko in nomaḻidawandon bo nonaḷámaidon kon i-Nakó.

YEHEZKIEL 11:2

Ki Allah in noguman kon inakó, “Ei intau inta ilo-ilow, naa in intau mita inta monomayá kon inta moraat kon kotá tanaa bo nobogoi in tonggina inta mokopoḷaḻe.

YEHEZKIEL 2:3

“Ei intau inta ilo-ilow, iko in potabáku mayá kon intau mita in Israel inta nomarontak moḷawang kon i-Nakó. Mosia tua in momomarontak ná doman mogoguyang monia.

YEHEZKIEL 24:3

Akuoi, ki Tuhan, kopoumpamaan tobatú inta potaau kon umat-Ku inta moibog momarontak: Aḻin in tubig kon bonu in pansi bo tuon kon tudu in tuḷú.

YEHEZKIEL 29:16

Israel in diá bidon mopoigum in totuḷung kon inimu. Ukurmu ei bangusa in Mesir in moponoropbí kon Israel kon noitaḷádon totok in nopongata in Mesir, ná inta nokoimontandon inaidannea. Dá kotaauandon in Israel kon Akuoibí in ki Tuhan Inta totok in moḷantud.”

YEHEZKIEL 3:9

Iko in baḻíon-Ku ná koroton in batu karang bo ná kotogat in intan. Dikadon moondok kon intau mita momomarontak tatua.”

HOSEA 11:6

Parang in tumagabbí modapot kon bonu in kotá mita monia, bonawang mita in poguyaatonbí, bo umat-Ku in yopúon. Tua in mobaḻí popisí in mosia dinumudui kon ibognea tontaní,

HOSEA 13:2

Dapot in tanaa intau mita in Epraim tatua in tantúpa doman mogaid kon dosa; mosia in mogaid kon patong mita saḷaka sin sumbáan – patong inta sinomayá in raian in intau bo inta pinomia in ḻima in intau. Mosia in noguman, “Posumbadon in kuruban kon patong mita tanaa!” Mokoherang, intau in mongayok kon patong in ki adí in sapi!

HOSEA 7:13

Mobodito in mosia, sin mosia in nonaḷámaidon kon i-Nakó. Mosia in morimumudbí sin nomaḷawangdon kon i-Nakó. Akuoi in moibogbí moposaḷamat kon i monia, táe ibada monia kon i-Nakó in tongábí ubo-uboḷ ibada.

ZAKHARIA 4:6

Malaekat tatua in nopotabá kon inakó mopotaau kon i Zerubabel in koyow i Tuhan tanaa, “Deemanbí pinodoyon kon ropot in tontara bo deemanbí doman pinodoyon kon ropotmu tontaní iko in mountung, táe noidoyonbí kon roho-Ku.

PINOGIAPAN 32:14

Bo tanaa, moiko momarontak ná tai amá mita monimu! Moiko nion in totuubí kon topaanan in intau mita binaradosa inta mokopomuká kon torú i Tuhan dumoko-dokot bui kon bangusa in Israel!

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

ULANGAN 29:19

Kon sigad monimu inta nokodongog kon tuntutan inta bo motogat tatua yo donaaidon oyúon in morai kon nasibnea tua in umuran tantú mopia, umpakabí in sia tumontogat dumudui kon daḷannea tontaní. Soaḷ tatua in mokoyopú kon i monimu komintan, intau mita inta moraat ande inta mopia.

ULANGAN 9:24

Pinangkoipamai kon kinotaauanku in moiko, moiko umuran moḷawang kon i Tuhan.

ULANGAN 9:7

Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.

TIMOTIUS 2 3:13

Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

YOSUA 9:14

Dá intau mita in Israel notarimadon kon topiḻik in kaanon in intau mita in Gibeon tatua, bo diádon iḻibó monia kon i Tuhan intua.