YESAYA 3:26 - Alkitab Singog In Mongondow Masa In Tanaa

²⁶ Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YESAYA 3:26 Mawu Ofanana

AYUB 2:13

Pitu nosinggai bo pitu nogobii in mosia iḻimitú mako kon butá, kon diugmai i Ayub, takin diá noposingo-singog, sin inontong monia kon totuu mobogat in roriganea.

AYUB 2:8

Bo ki Ayub iḻimitú kon diug in yoyatan, bo nogamá kon bonsig in posilag sin pongukud kon awaknea.

YESAYA 14:31

Pogamuidon bo pomaḷúdon mopoigum in totuḷung, ei kotá mita in Pilistin! Kodoḻiokdon in moiko komintan popisí in moondok! Goḷom in ḷobud mokompoḷ nongkon utuan nobaḻí tomponuot kon kinoangoian in tontara in musung; diábí in moondok in kon sigad monia.

YESAYA 29:2

Táe ki Allah in mopoangoibí in bodito kon kotá tatua, modapot in intau kumarak bo mokuani. Bayongan in kotá naonda bo kotá inta nopuḻing in dugú.

YESAYA 32:14

Nodapot in komaḻig in taḷaan bo ki iná in kotá inta morame mobaḻídon moingongow. Buḷud bo ḷangkeang mita poḷoḷukadan sinondodaidon in butá modapot in mononoi. Keledai mita ḻindong bo domba mita in modondaḷoi magí mako kon tua bo mokaan kon bonok kon tua.

YESAYA 33:9

Ḻipú sinaḷáan nobaḻídon noingongow. Kayuon mita in Libanon kinoantugan in takit, bo Ḷopá in Saron inta moḷumbá mobaḻí naonda bo padang gurun. Kon Basan bo kon Buḷud in Karmel daun mita mongototak.

YESAYA 47:1

Ki Tuhan in noguman, “Ei, Babel, poponagdon nongkon pomomarentaanmu, bo ḻitúdon kon tudu in ḷobud. Iko in diá bidon mosoing bo mopia ná dungkuḷmai.

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YEREMIA 14:2

“Yohuda monakit in gina kotánea mita gogiódon bo matoi. Intaunea mita umuḻidon mako kon butá bo mogamui. Yerusalem momaḷú mokituḷung.

YEREMIA 15:8

Butámu in mopuḻing in boba-bobay, moiḻiu kon kobayong in bungaion kon pintad. Intau mita in ḻimodon-Ku kon dodai in moguodpa dá ki iná monia in mororiga. Kon dodai in singgai poangoi-Ku kon i monia in moḷoḻimod tobatú dá angoian in ondok in mosia bo moḻia-ḻiaw in gina.

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

OMBAḶ 1:4

Kon singgai mita moḷoben diá in tobatúmai in intau in mamangoi kon Baḷoi i Allah. Mongodeaga mita inta mododondong kon tua mororiga, bo imang mita in morongombaḷ. Diábí in intau kon bonawang mita, Kotá in Sion kinawasa in robonoḷ in gina.

OMBAḶ 2:10

Guhanga mita in kotá iḻimitú kon butá bo kibio-biómai; mosia in nopoinggú in ḷobud kon uḷu, bo nomaké in kaeng karong nobaḻí tomponuot kon pinonogumatoian. Mongodeaga mita in kinumuyung nodapot in butá.

OMBAḶ 2:8

Ki Tuhan ain nonantú kon dinding mita in Sion mustibí umpagon. Dinding mita tatua in inukur-Neadon, sinbá komintan korimumudan-Nea. Dinding mita bo ḷangkeang mita, tanaa in nobaḻídon apug komintan.

YEHEZKIEL 12:20

Kotá mita inta tanaa nopuḻing in intau in rimumudon bo gobá mita in tudunea in mobaḻídon ḷogat. Dá kotaauandon monia kon Akuoibí in ki Tuhan.”

YEHEZKIEL 26:16

Mokoontong kon ukurmu, datu mita nongkon bangusa mita kon pintad in simindog nongkon pomomarentaan, moḷongkut kon pakeang in datu bo ḷambung monia inta sinomboréan, bo ḻimitú kon butá urot mako. Totokdon in moondok in mosia modapot in diádon moonow.

MIKHA 1:9

Popisí in kekeb mita in Samaria diádon koundaman, bo Yohuda in koantugan doman in ukur inta motongkai. Bodito in noiyaputdon kon Yerusalem, bonawang in butá in bangusaku.

MATIUS 11:17

‘Podondongan nami in moiko in dondong mokopia kon gina, táe doíbí in moiko motayok, podondongan nami in dondong mokopongoibu, táe doíbí in moiko mongombaḷ.’

LUKAS 19:44

Rimumudon monia in iko takin intaumu mita inta nogutun kon naa; bo diábí in tobatúpamai in batu in pomayápa mako monia in moitudu motompia kon tampatnea. Sin diábí in kon ginamu mako in ki Allah in mamangoi moposaḷamat kon inimu!”