YESAYA 3:14 - Alkitab Singog In Mongondow Masa In Tanaa

¹⁴ Ki Tuhan in mobaḻí hakim kon itoi mita in umat-Nea. Naa in ponapud i Tuhan kon i monia: “Moiko inta nogagow kon bungai in anggur kon gobá mita; baḷoimu nopuḻing in pakakat inta inagow monimu kon intau bogá.

YESAYA 3:14 Mawu Ofanana

AYUB 22:4

Deemanbí popisí in ondokmu kon i Allah, iko in pinonapudan bo inanggap kotaḷá,

AYUB 24:14

Kon dodai in modiug mobayag ki moḷoḻimod in mobangon nongkon pinosiugannea, bo ḷumuai moḻimod kon intau inta moyangkó, bo kon dodai in diápa mobayag, sia in umado-adop naonda bo mononakow.

AYUB 24:9

Intau moraat in mononggata kon adí inta uno-unondon, bo mogamá kon ki adí mointok in intau nobogá inta koboḻi kon inia.

AYUB 34:23

Diá bidon paraḷu in ki Allah monantú kon wakutunea, intau in mamangoi sin adilon-Nea.

MAZMUR 14:4

Guman i Tuhan, “Diádon degá noratak in intau mita tatua? Mosia in nobiag takin nogagow kon umat-Ku bo diábí kon dodai in onda in noigum pinongin sambayang kon i-Nakó.”

MAZMUR 143:2

Akuoi naa in mogogundoi-Mu, dikabí monisig kon inakó, sin diábí in intau in diá kotaḷá in kon tayowon-Mu.

AMSAL 30:14

Oyúon in intau in motayak kon pakéon pongin aid inta moromú; mosia in moraat bo mogagow kon intau bogá bo intau moyangkó.

YESAYA 10:1

Moboditodon in moiko inta nogaid kon hukum mita inta diá moadil sin pondorot kon bangusa-Ku.

YESAYA 10:2

Pinongin aid natua moiko in moḷamboi kon intau bogá mokouḻí kon hak bo koadilan, bo mogagow kon kapunyaan in boba-bobay mita bo uno-unon.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 14:30

Moiko in koantuganbí in malarat in gogoy inta motoyang, bo bayongan in intau inta kinotaḷáan in ḻimodonbí. Noyotoḻikud kon tua, intau inta totok in nobogá nongkon umat i Tuhan in mokouḻíbí kon kaanon, bo intau mita inta diá kodaya in mobiagbí moaman bo mobiag motompia.

YESAYA 26:6

Intau mita bogá bo inta mororiga in moritakbí kon inia.”

YESAYA 29:19

Intau mita bogá bo mokooyá in mokorasadon bui kon kobiagan mopia inta inogoi i Allah inta mokudus Allah in Israel.

YESAYA 30:12

Tuamai Allah mokudus in Israel moguman nanaa, “Moiko in doí motarima kon tosingogon-Ku bo mopongata in aid mondorot bo mouboḷ.

YESAYA 5:7

Sin gobá in anggur i Tuhan Inta Totok in Mokawasa in umat in Israel, bo intau mita in Yohuda in pangkoi in anggur inta pinomuḷa-Nea. Kon i monia iharap-Nea mako in aid inta moadil, táe tongábí aid moraat. Kon bonu in kamang-Nea mosia in moposindogbí in inta mobanar, táe tongábí oyúon in karak moigum kon koadilan.

YESAYA 58:4

Koyogot in mopuasa, mobobayowan in moiko bo moropatoi bo mopobayá in oaidan takin romú. Kai monimu kamai dá popopuasa monimu in mokoḻiaibí kon gina-Ku sinbá mokidongog kon sambayangmu mita?

YEREMIA 12:10

Nobayong in mongongawasa ango-angoi in nomoguyaatdon kon gobá in anggur-Ku bo noruntai kon gobá-Ku mita. Ḻipú-Ku inta mogaga binaḻí monia padang gurun inta moingongow.

YEREMIA 5:27

Naonda bo moḷoḷutam kon ḷagapan in mobonu kon ḷagapan kon kobangnea, natua doman in mosia momonu kon baḷoi monia in pakakat mita inta nouḻí monia pinodoyon kon uboḷ. Natuata mosia in nobaḻí nongawasa bo nooyúon

YEHEZKIEL 18:12

Sia in monombuḻitokmai kon intau bogá, mogagow, mogamá kon pakakat mita inta nobaḻí tontogot in boboḻian kon inia. Sia in mayá kon kuil mita in intau inta diá nonotaau kon i Tuhan bo nosumba kon berhala inta mokorongó.

YEHEZKIEL 20:35

Bo moiko in diaan-Ku mayá in ‘Rawang in bangusa mita’. Kon tua sisigan-Ku in moiko moyogintayow mako,

YEHEZKIEL 20:36

ná inta ain inaidan-Ku kon mogoguyangmu kon Rawang in Sinai. Akuoi ki Tuhan Inta Totok in Moḷantud ain nosingog.

IMAMAT 25:14

Dá aka moiko mopotaḷui in butá kon tumpaḷa intau Israel, ande motaḷui kon butá nongkon inia, yo dikabí mosipotaḷuian takin oaid diá motuḻid.

IMAMAT 25:17

Dika monguboḷ kon tumpaḷa intau Israel, táe kotoguondokbí in moiko kon i Tuhan, Allahmu.

AMOS 2:7

Mosia in nondorot kon intau moyangkó inta diá mokopongonu bo moposí in intau nobogá. Ki ata monia bobay tobatú in siniugandon i amánea bo i adínea ḷoḷaki, dá nokokotordon kon tangoi-Ku inta motusi.

AMOS 4:1

Indongogai, ei bobay mita in Samaria inta koḷongó-koḷongó naonda bo sapi mita inta noḷomumu kon Basan! Moiko in mondorot kon intau moyangkó, mogamá kon kapunyaan in intau bogá, bo momakisa kon i buḷoimu sinbá umuran mopooyúon in oinumon mokoḷoḷangu kon inimu!

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

MIKHA 3:3

Kinaan monimu in bangusaku. Kuḻitnea in binera-berak monimu bo tuḷannea mita in irimumud monimu. Pinongko-pongkó monimu in mosia naonda bo nomongkó kon tapú inta bonuon kon kuyon.

MIKHA 6:10

Kon baḷoi in intau mita moraat oyúon in kapunyaan inta nouḻí noidoyon kon uboḷ. Mosia in nomaké in pogogukuran inta diá moitutui, aid inta kinodoí-Ku. Intau inta mogaid kon natua in hukumon-Ku.

MATIUS 21:33

“Indongogaidon in poumpamaan ibanea tanaa,” guman i Yesus. “Oyúon in tobatú ki togi butá, sia in nomuḷa kon anggur bo iḻibunea sinondok in gobá tatua. Sia nongaḻi doman kon bubú tampat pomomugutan kon bungai in anggur, bo noposindong doman in ḷangkeang poḷoḷukadan kon pinomuḷa tatua. Onda intua gobá tatua pinotomoyónea kon mototomoyó bo sia minayá in ḻipú ibanea.

YAKOBUS 2:6

Táe moiko ain noningkuḻe kon intau mita inta nobiag nobogá, bokaka intaubí mita inta nooyúon in mondorot bo mogugut kon i monimu pobayá in pongadilan!