YESAYA 3:12 - Alkitab Singog In Mongondow Masa In Tanaa

¹² Umat-Ku in rorigaanbí in intau mopopoḷuan in doit bo daiton gamáan in mopoporente. Umat-Ku in poḷaḻeon in itoinea mita modapot in diádon kotaauannea in daḷan inta musti bayáannea.”

YESAYA 3:12 Mawu Ofanana

DATU MITA 2 11:1

Naonda in kinotaauan i Atalya kon ki Datu Ahazia, ki adínea in minatoidon, pinarentaanneadon sinbá bayongan in ginaḷum motoḷuadí i Ahazia in ḻimodon.

AYUB 30:13

Mosia in noḷamboi kon bayáanku sin momutú kon inakó; diá in tobatúmai in noḷamboi kon dodai in mosia nonubu.

AMSAL 28:16

Mongogawasa inta mondorot kon intau ibanea, diábí koraian inta mopia; mongogawasa inta doí kon inta motombogá in momarentabí kon taongannea.

MOHOHUTUBA 10:16

Moboditodon in butá inta datunea moguodpa totok, bo intaunea mita moḷoben momia kon rame kino ouput in doḷom.

YESAYA 19:14

Ki Tuhanbí in nomaḻí kon i monia nobogoi in tonggina inta mokotoboḻingu. Bungainea kon tua, Mesir mongoitaḷádon, bo mongoikuyungdon naonda bo intau noḷoḷangu inta norondog kon totukanea tontaní.

YESAYA 3:4

Ki Tuhan in moduíbí kon tayow mobiag mita mobaḻí itoi in rayat, bo mosia in momarenta podudui in ibog monia.

YESAYA 51:22

Naa in guman i Tuhanmu, Ki Tuhan Allahmu inta noduḷu kon i monimu, “Roriga inta inogoi-Ku kon bonu in torú-Ku, in gamáan-Kudon bui nongkon inimu. Torú-Ku in moonowdon, bo moiko in dikadon mobaba kon tua.

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

MIKHA 3:5

Bangusaku inakaḷan in nabi mita inta nonoḻindap kon inta mopia kon intau inta mobogoi in doit, táe mosaturu bo mopoompámai kon intau inta diá mobogoi. Kon i monia nabi mita inta natua, ki Tuhan in noguman,

NAHUM 3:13

Tontaramu mita in mongoyangkó naonda bo bobay bo ḻipúmu in diábí mokopongonu in monayow kon musung. Tuḷú in momagongbí kon bonoboi mita in bonawangmu.

MATIUS 15:14

Pomayádon mako intau mita natua. Sin mosia tua in intau bilog inta motundú kon daḷan kon intau doman bilog. Sin aka intau bilog bo mokapit kon intau doman bilog, yo tumpaḷabí in taya dua moḷabú kon bubú.”

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [