YESAYA 3:11 - Alkitab Singog In Mongondow Masa In Tanaa

¹¹ Táe moboditodon in intau moraat! Mosia in pomiaanbí ná pinogogaid monia kon intau ibanea.

YESAYA 3:11 Mawu Ofanana

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

SAMUEL 2 3:39

Umpakabí akuoi naa in datu moḷoben inta piniḻí i Allah, táe korasaanku in tanaa kon moyangkóbí. Ki adí mita i Zeruya tua in moiḻiudon in romú. Diá in akuoi mokotongod in mongawasa kon i monia. Igumon mako ki Tuhan in mohukum kon intau mita moraat tatua, podudui kon oaid monia!”

DATU MITA IMITÁNEA 21:21

dá naa in pinoguman i Tuhan kon i Tuang, ‘Akuoi in mopoangoibí in bodito kon inimu. Iko in pogambat-Kudon bo bayongan in intau ḷoḷaki kon motoḷuadímu, noguyang andeka mobagupa, in yopúon-Kubí.

TAWARIKH 2 6:23

o Tuhan, indongogaipa kaasí nongkon soroga bo momaḷut kon pelekara mita in bobantung-Mu mita tanaa. Hukumdon in inta kotaḷá bo poḷuatdon in inta diá kotaḷá.

AYUB 10:15

Aka akuoi mogaid kon dosa, dá nasibku in totuudon kon mobodito! Táe aka aidku diá in noitaḷá, umuranbí doman in akuoi inanggap nomia kon dosa! Diá mokobaḻí in akuoi ḷumangag, sin morobonod in gina bo ná siningkuḻe.

MAZMUR 28:4

Hukumdon in mosia podudui in oaid monia, sin aid moraat inta inaidan monia. Hukumdon in mosia podudui in oaid monia; ḷabúaidon in mosia in hukuman inta potongkaná kon gogutúnea.

MAZMUR 62:12

Kotongonumaidon in dinongogku in ki Allah noguman kon kawasa in nongkon i-Niabí,

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

AMSAL 11:31

Aka kon dunia naa bo intau mopia in mokouḻí kon tontuḻínea, yo notantú bidon kon intau moraat bo binaradosa in mokouḻíbí kon hukuman.

AMSAL 12:14

Batúan in intau mokouḻí kon tontuḻínea podudui in singog mita bo oaidnea; kon batúannea inogoian in boḻinea podudui in aidnea.

AMSAL 26:27

Ki ine in mongaḻi kon bubú sin poniat kon intau ibanea, yo siabí tontaní in moḷabú kon bonunea. Ki ine in moḻiḻid kon batu sinbá moidantug kon intau ibanea, yo siabí tontaní in kodantugan in batu tatua.

MOHOHUTUBA 8:13

Noyoḻiu kon tua, intau moraat mokouḻí kon mobayong in roriga. Kobiagannea in ḷagibí mayá naonda bo oḻinow. Sia in matoibí kon dodai in moguodpa popisí in sia diá motoindudui kon i Tuhannea.

YESAYA 13:11

Ki Tuhan in noguman, “Akuoi in mohukumbí kon dunia popisí in aidnea moraat, bo intau mita inta moraat popisí in dosa mita monia. Bayongan in inta moḷoḷatú in poompáan-Kubí, intau mododia bo moromú in hukumon-Ku.

YESAYA 48:22

Diábí in kasaḷamatan kon intau moraat,” natuata in guman i Tuhan.

YESAYA 65:20

Ki adínea mita diábí in matoi kon tungkuḷ mointokpa, bo intau mogurang mokodapotbí kon umur moḷanggó. Intau inta umur mogatut notaong in inanggapbí nobagupa, bo inta minatoi noiuna kon tua in inanggap kinotugatan in hukuman-Ku.

YESAYA 65:6

Hukuman monia in noipaisdon kon tayowon-Ku. Totuu, Akuoi in diábí tongá kibio-biómai. Akuoi in motuḻíbí kon aid monia inta moraat

YESAYA 65:7

popisí in dosa monia bo dosa in mogoguyang monia. Mosia in nopoompámai kon i-Nakó pinongin notubá kon kamania sin posumba kon dewa mita kon tampat pogogundoian kon tombuḷud mita. Akuoi in motuḻíbí kon i monia podudui in oaid monia dungkuḷmai.”

YEREMIA 21:14

táe Akuoi in mohukumbí kon inimu popisí in oaidmu. Komaḻigmu in turubonkubí, bo bayongan in yagi-yagi kon diugnea in mopokakbí doman. Akuoi, ki Tuhan, ain nosingog.”

YEREMIA 31:30

táe ki ine bidon inta nokaan kon noboil, yo ingiponnea bidon tontaní in mongilu. Batúan in intau in matoibí popisí in dosanea tontaní.”

YEHEZKIEL 16:59

Ki Tuhan Inta Totok in moḷantud noguman, “Popoaid-Kubí kon inimu podudui in aidmu tontaní, sin iko in nonoḻikudon kon ibotmu bo iḻimimpatdon kon dodandian-Ku takinmu.

YEHEZKIEL 18:20

Intau inta nomia kon dosa, siabí in matoi. Adí in diábí umuran mobaba kon bungai in aid moitaḷá i amánea; ná doman tua amá in diábí doman mobaba kon bungai in dosa mita i adínea. Intau mopia in mokouḻíbí kon tontuḻí inta mopia popisí in aidnea inta mopia. Bo intau moraat in motarimabí doman kon roriga popisí in aidnea inta moraat.

YEHEZKIEL 2:10

inta pinaisan kon posiḷosi. Bo binukánea in ḻitodan tatua bo kon tua noipais in ombaḷ, amui bo ongot.

YEHEZKIEL 24:14

Akuoi, ki Tuhan Inta Totok in moḷantud ain nosingog. Noiangoidon in wakutunea mopoaid. Diábí koḻiongan-Ku in dosamu bo diábí doman mongampung andeka monotabi kon inimu. Iko in hukumonbí podudui in bayongan in oaidmu. Akuoi ki Tuhan Inta Totok in moḷantud ain nosingog.”

YEHEZKIEL 33:8

Aka Akuoi in mopotaau kon intau moraat tobatú in matoi, táe diápa pinopotoingatmu kon inia sinbá baḷuiannea in gogutúnea bá mosaḷamat in sia, dá matoidon in sia saḷaku intau inta binaradosapa. Táe totaau kon kinopatoiannea in tuntuton-Kubí kon inimu.

MIKHA 3:4

Moiangoibí in wakutunea moiko in momaḷú mokituḷung kon i Tuhan, táe Sia in doíbí motubag. Sia in doíbí mokidongog kon sambayangmu mita, popisí in moiko in nogaidon kon inta moraat.

MIKHA 7:13

Táe butá in moḷogatbí popisí in aid moraat in intaunea mita.

PINOGIAPAN 32:23

Tongá pokotaau, aka diá intompodan monimu in dandimu, yo baradosaan in moiko kon i Tuhan bo hukumon sin popisí in dosamu tatua.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

HAKIM MITA 9:57

Bo ki Tuhan nohukum doman kon intau mita in Sikhem popisí in aid monia inta moraat. Tua mita in noitombutung kon ná onu inta ain siningog i Yotam ki adí i Gideon soaḷ mosia tua kon wakutu in nogodi-godimai kon i monia.