YESAYA 3:10 - Alkitab Singog In Mongondow Masa In Tanaa

¹⁰ Ki Tuhan in noguman, “Poyaputdon kon intau inta motoindudui kon i-Nakó kon mosia in mopiabí bo mosaḷamat. Mosia in mokaanbí kon bungai in siniḷopíannea.

YESAYA 3:10 Mawu Ofanana

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

MAZMUR 58:11

Mokoontong kon intau moraat hukumon, mopia in gina in intau motuḻid, bo momatá kon sioḷnea kon bonu in dugú in intau moromú.

IḶUAIAN 1:20

Dá ki Allah nomarakat kon mototuḷung kon ponononggadían mita tua bo nobogoi in buí kon i monia, sin mosia in mohoromat kon i Allah. Bo intau Israel nodugangdon totok in kobarong monia bo moropot doman.

AMSAL 10:6

Intau mopia in mokouḻíbí kon barakat. Aid moromú noibuni kon tosingogon mita in intau moraat.

AMSAL 12:14

Batúan in intau mokouḻí kon tontuḻínea podudui in singog mita bo oaidnea; kon batúannea inogoian in boḻinea podudui in aidnea.

AMSAL 13:21

Intau binaradosa umuranbí batu-batukon mako in roriga intau mopia umuranbí motarima kon inta mokosanang.

AMSAL 18:21

Dilá naa in oyúonbí in kawasanea moposaḷamat kon kobiagan andeka momoguyaat; intau in mustibí mobaba kon bungai in tosingogonnea.

MOHOHUTUBA 8:12

Umpaka mogatut in aid moraat in inaidan in intau baradosa, umuranbí in sia mobiag bo modapotbí in moonggot in kobiagannea. Kain intau, ki ine in motoindudui kon i Allah, notantúbí kon kobobiagnea in komintan mogampang.

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

YEREMIA 15:11

Tuhan, aka akuoi bo diá nopobayá in oaidanku kinopira, bo diá notuḷung kon musung mita kon tayowon-Mu kon dodai in mosia kinoantugan in anib bo roriga, yo biódon mako in kobaḻían in onu inta pinogodi-godi in intau mita tatua. (

YEREMIA 21:14

táe Akuoi in mohukumbí kon inimu popisí in oaidmu. Komaḻigmu in turubonkubí, bo bayongan in yagi-yagi kon diugnea in mopokakbí doman. Akuoi, ki Tuhan, ain nosingog.”

YEREMIA 22:15

Indongogaidon, ei Datu Yoyakim! Aka iko moposindog in komaḻig mopomaké in kayu ḷokuyú in Libanon inta totok in mopia, yo degá tua in nobaḻí tomponuot kon iko in mopia-pia nongkon bayongan in datu ibanea? Tungkuḷaika torop in ki amámu: Sia in nokonanamdon kon kobiagan motompia bo nokodapot kon bayongan in inta iḷongasinea, popisí in sia in umuran motuḻid bo mojujur bo monisig kon pelekara in intau bogá pongin aid moadil. Memang mustibí natua in aid in intau inta nonotaau kon i Tuhan.

YEREMIA 7:23

Akuoi in tongábí nomarenta kon i monia dumudui kon i-Nakó sinbá Akuoi in mobaḻí Allah monia, bo mosia in mobaḻí umat-Ku. Akuoi in nopotabá kon i monia mobiag podudui in parenta-Ku mita sinbá mosia in mobiag motompia.

YEHEZKIEL 18:20

Intau inta nomia kon dosa, siabí in matoi. Adí in diábí umuran mobaba kon bungai in aid moitaḷá i amánea; ná doman tua amá in diábí doman mobaba kon bungai in dosa mita i adínea. Intau mopia in mokouḻíbí kon tontuḻí inta mopia popisí in aidnea inta mopia. Bo intau moraat in motarimabí doman kon roriga popisí in aidnea inta moraat.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

MIKHA 7:13

Táe butá in moḷogatbí popisí in aid moraat in intaunea mita.

ZEPANYA 2:3

Angoidon bui kon i Tuhan, ei bayongan intau inta moompá in dodia kon butá tanaa, bo bayongan in intau inta dinumudui kon parenta-Nea mita. Pogaidon kon onu inta kinoibog i Tuhan, bo pokoompádon kon dodia kon tayowon-Nea. Dika-dika bo iko in moisimparut nongkon hukuman kon singgai ki Tuhan mopoontong in torú-Nea.

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

LUKAS 19:19

Dá datu tatua in noguman kon inia, ‘Iko in mobaḻídon pongawasa kon ḻima in kotá.’

ULANGAN 12:25

Aka moiko dumudui kon parenta tatua, yo mopiabí in gina i Tuhan, bo moiko takin buímu in mobiagbí motompia.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.