YESAYA 28:7 - Alkitab Singog In Mongondow Masa In Tanaa

⁷ Nabi mita doman bo imang mita in noḷoḷangu popisí in noiḻiudon bayong in anggur bo arak in ininum. Moibambodon in mosia in mayá bo moipintudon magí-mako sin notombaukdon in raian monia. Nabi mita in diádon momangaḻe kon oontongon mita inta inogoi i Allah kon i monia. Imang mita diádon motaau mopoyotutui kon pelekara mita inta kon tayowon monia.

YESAYA 28:7 Mawu Ofanana

MAZMUR 107:27

Noḷoḷangu in mosia bo noḷungkoyódon naonda bo intau noḷoḷangu bo kinobuḻiandon in akaḷ.

AMSAL 20:1

Oinumon mokoḷoḷangu mokopopisí kon intau mobaḻí ná diá dinidik bo modowawá. Bodokdon in intau inta monginum dapot in moḷoḷangu.

MOHOHUTUBA 10:17

Mopiadon totok in butá inta datunea mokobangkaḷ, inta intaunea moḷoben mongaan kon wakutu inta ain sinantú, doí moḷoḷangu bo mokokawasa kon gina.

YESAYA 19:14

Ki Tuhanbí in nomaḻí kon i monia nobogoi in tonggina inta mokotoboḻingu. Bungainea kon tua, Mesir mongoitaḷádon, bo mongoikuyungdon naonda bo intau noḷoḷangu inta norondog kon totukanea tontaní.

YESAYA 22:13

Táe noyoḻiudon kon tua, moiko in nobarasanang bo norame. Moiko in noratá kon sapi bo domba, nokaan kon ponoyá bo nonginum kon tubig in anggur sindaḷan nomaḷú, “Koḻigai in kita mongaan bo monginum, sin ikoḷom matoi in kita!”

YESAYA 24:2

Bayongan intau in moiḷampangbí kon ukur inta motongkai: imang mita bo rayat, ata bo tuangnea, mopopotaḷui bo mototaḷui, moḷoḷuan bo inta nopoḷuan, nooyúon bo nobogá.

YESAYA 24:20

Bal in dunia moikuyung mako naonda bo intau noḷoḷangu bo moandag magí-mako naonda bo ḷaig inirup in deḷang. Dunia noumpag popisí in nobogat in dosanea. Norimumud in sia bo diá bidon moisindog bui.

YESAYA 28:1

Moboditodon in kotá inta kino ibo-ibog in intau mita moḷoḷoḷangu in Israel! Kogaganea in mopopatdon naonda bo bungang inta noḷaḷow kon tudu in uḷu monia. Moboditodon in kotá inta noḷantud monik kon yuak in ḷopá inta noḷumbá, inta kinosanang in intau mita inta nongoḷoḷangudon totok.

YESAYA 29:11

Mangaḻe in batúan oontongon moibunibí kon inimu, naonda bo buk inta sinegel. Aka buk tatua diaan kon intau tobatú inta motaau mobaca sinbá bacaannea intua kon inimu, sia in mogumandon kon sia in diábí mokobaca, popisí in buk tatua sinegel.

YESAYA 3:12

Umat-Ku in rorigaanbí in intau mopopoḷuan in doit bo daiton gamáan in mopoporente. Umat-Ku in poḷaḻeon in itoinea mita modapot in diádon kotaauannea in daḷan inta musti bayáannea.”

YESAYA 43:27

Mogoguyangmu inta muna aindon binaradosa, itoimu mita in nomarontakdon kon i-Nakó,

YESAYA 5:11

Moboditodon in moiko! Nongkon doḷo-doḷom nodapot in doḷom oaidanmu tongábí monginum kon oinumon inta mokoḷoḷangu bo moḷoḷangu.

YESAYA 5:22

Moboditodon in moiko inta motoyang monginum kon anggur! Moiko in mobarani bo motoyang aka mopoyobauk in oinumon mokoḷoḷangu!

YESAYA 5:23

Táe tongá bá mokouḻí kon doit posogó, dá moiko in mopoḷuat kon intau kotaḷá, bo moḷamboi kon intau diá kotaḷá mokouḻí kon inta moadil.

YEREMIA 14:14

Táe ki Tuhan in notubag, “Nabi mita tatua in nopotaau in habar uboḷ pinodoyon kon tangoi-Ku; Akuoi in diábí nopotabá kon i monia, bo diábí doman nomarenta andeka noyosingog monia. Oontongon mita inta inouman monia in deemanbí nongkon i-Nakó; mosia in nonoḻindap kon soaḷ mita inta diá in mangaḻenea inta sinontuon inaidan monia tontaní.

YEREMIA 23:13

Dosa in nabi mita in Samaria ain inontong-Ku. Mosia in nosingog podoyon kon tangoi i Baal, bo mopoḷaḻe kon Israel, umat-Ku.

YEREMIA 23:16

Kon intau inta nogutun kon Yerusalem, ki Tuhan Inta Totok in mokawasa noguman, “Dika indongogan in tosingogon in nabi mita inta umuran tongá mobogoi in kamang inta diá in mangaḻenea. Mosia in tongábí mopotaau in onu in inta kon raian monia tontaní bo deemanbí koyow-Ku.

OMBAḶ 2:4

Naonda bo musung, Sia in nomadang kon puḷu in piot-Nea bo pinopotayow-Nea kon i naton in piot-Nea. Bayongan in intau inta nokosanang kon gina naton, nodait iḻimod-Nea. Sia in noporoput in torú-Nea naonda bo tuḷú kon bonu in kotá in Yerusalem tanaa.

YEHEZKIEL 13:7

Akuoi, ki Tuhan Inta Totok in moḷantud in moguman kon i monia, ‘Oontongonmu mita tatua in diábí totuu bo toḷanowmu mita tatua in uboḷbí. Moiko in moguman kon bayongan intua in koyow-Ku, bokaka Akuoi in diábí kon dodai in onda in nosingog kon inimu! Tuamai in Akuoi in mobaḻíbí musungmu.

YEHEZKIEL 44:21

Mosia in diábí motaau in monginum kon anggur aka tumuot kon dangkuḷon dotá in bonunea.

HOSEA 7:5

Kon singgai bobutungan i datu, pinoinum monia in anggur in ki datu bo pojabatnea mita nodapot in noḷoḷangu bo nogaid kon inta nopompuḷong. Imbuitnea ki datu in noposanang in gina takin momomaḻidawan mita tatua.

MIKHA 2:11

Koibog monimu in nabi inta moibog monguboḷ bo mongakaḷ poḷat monoḷanow kon moiko in mokouḻíbí kon anggur bo oinumon inta mokoḷoḷangu inta mobayong totok.”

HABAKUK 2:15

Kinutukdon in iko! Iko in moningkuḻe bo nokopooyámai kon topodiugmumai mita; binaḻímu in mosia moipape magí-mako naonda bo intau noḷoḷangu.

HABAKUK 2:16

Yo tanaa in noiyaputdon in wakutumu pokopooyáanmai, bo deemanbí horomaton. Kahoromatanmu in mobaḷui mobaḻí kohohina. Ki Tuhan in momakisa kon inimu monginum nongkon palo inta bonunea in hukuman kon inimu. Iko in monginumbí bo moipape magí mako.

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

EPESUS 5:28

Dá mustibí doman natua in buḷoi ḷoḷaki, musti in sia totu-totuu motabi kon i buḷoinea ná kototabinea kon awaknea tontaní. Intau inta motabi kon i buḷoinea bobay, mangaḻenea kon tua, sia motabi kon awaknea tontaní. (